Just In
- 1 hr ago రూ. 150 కే విమాన టికెట్.. ట్రైన్ జర్నీ కంటే చాలా చీప్.. ఈ స్కీమ్ గురించి మీకు తెలుసా.??
- 16 hrs ago త్వరలో మేడ్ ఇన్ ఇండియా బుల్లెట్ ట్రైన్స్.. ఇక ప్రపంచ దేశాలన్నీ భారత్ వైపు చూడాల్సిందే.!!
- 16 hrs ago హవ్వ!.. ఇలా కూడా ఎవరైనా చేస్తారా?: నోరెళ్లబెడుతున్న నెటిజన్లు
- 18 hrs ago బెంజ్ కారు కొన్న సోషల్ మీడియా సెన్సేషన్ 'కుషా కపిల'.. ధర తెలిస్తే షాకవుతారు!
Don't Miss
- Finance Google Layoffs: ఉద్యోగులను మళ్లీ తగ్గించిన గూగుల్.. భారతీయ టెక్కీలపై భారీ ప్రభావం..
- Sports లేడీ ఫ్యాన్ అందాన్ని చూసి కంట్రోల్ తప్పిన గిల్ Video
- Technology షియోమీ ప్రత్యేక ఈవెంట్.. బడ్స్ 5A, ప్యాడ్ SE సహా కీలక ఉత్పత్తుల విడుదల.. పూర్తి వివరాలు..!
- News మళ్లీ బయటపడ్డ ఈవీఎం మోసం ! ఏ బటన్ నొక్కినా బీజేపీకే ఓటు...?
- Movies Devara: ఎన్టీఆర్ ఫ్యాన్స్ను భయపెడుతున్న రాజమౌళి.. దేవరను వెంటాడుతున్న ఆ సెంటిమెంట్!
- Lifestyle 56 ఏళ్లుగా ఎవరికీ కనిపించకుండా ఇంట్లోనే దాక్కున్న ఓ రహస్య వ్యక్తి... ఆడవాళ్లంటే వింత భయం..!
- Travel సిక్కింలోని యుమ్తంగ్ వ్యాలీ వేసవిలో సందర్శనకు ఉత్తమం..
Bajaj Chetak vs TVS iQube: ప్రజలు ఏ స్కూటర్ని ఎక్కువ కొంటున్నారు?
కరోనా మహమ్మారి సెకండ్ వేవ్ కారణంగా సెమీకండక్టర్ల కొరత ప్రపంచ వ్యాప్తంగా నెలకొంది, మరోవైపు దిగుమతి ఆంక్షలు కూడా వాహనాల అమ్మకాలపై ప్రతికూల ప్రభావాన్ని చూపుతున్నాయి. ఇంకోవైపు నిత్యం పెరుగుతున్న పెట్రోల్ ధరలు మరో ప్రధాన సమస్యగా పరిణమించింది.
ఈ పరిస్థితుల నేపథ్యంలో, దేశీయ మార్కెట్లో ఎలక్ట్రిక్ వాహనాల డిమాండ్ నిరంతరం పెరుగుతోంది. ప్రస్తుతం భారత ఎలక్ట్రిక్ టూవీలర్ మార్కెట్లో లభిస్తున్న ప్రధాన ఎలక్ట్రిక్ స్కూటర్లలో Bajaj Chetak మరియు Tvs iQube మోడళ్లు కూడా ఉన్నాయి. గడచిన జులై నెలలో ఇవి రెండూ ప్రోత్సాహకర వృద్ధిని కనబరచాయి.
ఎలక్ట్రిక్ స్కూటర్లకు పెరుగుతున్న డిమాండ్ కారణంగా, గత నెలలో Bajaj Chetak మరియు Tvs iQube అమ్మకాలు కూడా భారీగానే పెరిగాయి. తాజా డేటా ప్రకారం, జూలై 2021 నెలలో Bajaj ఆటో మొత్తం 730 Chetak ఎలక్ట్రిక్ స్కూటర్లను విక్రయించింది. అంతకు ముందు సంవత్సరం ఇదే సమయంలో ఇవి కేవలం 31 యూనిట్లు మాత్రమే అమ్ముడయ్యాయి.
అంటే, వార్షిక అమ్మకాల పరంగా చూసుకుంటే, ఈ సమయంలో Bajaj Chetak ఎలక్ట్రిక్ స్కూటర్ అమ్మకాలు 2254.84 శాతం వృద్ధిని నమోదు చేశాయి. ఇదే సమయంలో Tvs Motor కంపెనీ అందిస్తున్న iQube (ఐక్యూబ్) ఎలక్ట్రిక్ స్కూటర్ అమ్మకాలు కూడా మెరుగుపడ్డాయి.
గత జూలై 2021 నెలలో Tvs Motor (టీవీఎస్ మోటార్) కంపెనీ మొత్తం 540 యూనిట్ల iQube (ఐక్యూబ్) ఎలక్ట్రిక్ స్కూటర్లను విక్రయించింది. అంతకు ముందు సంవత్సరం ఇదే సమయంలో కంపెనీ వీటిని కేవలం 23 యూనిట్లను మాత్రమే విక్రయించింది. ఈ సమయంలో టీవీఎస్ ఐక్యూబ్ అమ్మకాలు 2247.83 శాతం పెరిగాయి.
ఇక, నెలవారీ అమ్మకాల విషయానికి వస్తే జూన్ 2021 లో Bajaj Auto (బజాజ్ ఆటో) మొత్తం 452 యూనిట్ల Chetak (చేతక్) ఎలక్ట్రిక్ స్కూటర్లను విక్రయించింది. ఈ నెలతో పోలిస్తే, జూలై 2021 నెలలో దాని అమ్మకాలు 61.50 శాతం పెరిగాయి. కానీ, Tvs iQube (టీవీఎస్ ఐక్యూబ్) విషయంలో, ఇది ఇందుకు వ్యతిరేకంగా ఉంది.
జూన్ 2021 నెలలో Tvs iQube (టీవీఎస్ ఐక్యూబ్) అమ్మకాలు 639 యూనిట్లుగా నమోదయ్యాయి. జూన్ నెలతో జులై నెల అమ్మకాలు పోల్చి చూసినప్పుడు, ఇవి 15.49 శాతం క్షీణతను నమోదు చేశాయి. ఇక ఈ ఏడాది జనవరి నుండి జూలై వరకు జరిగిన అమ్మకాలను చూస్తే, ఈ సమయంలో Bajaj Auto (బజాజ్ ఆటో) మొత్తం 1,261 యూనిట్ల Chetak (చేతక్) ఎలక్ట్రిక్ స్కూటర్లను విక్రయించింది.
కాగా, ఇదే సమయంలో (జనవరి నుండి జూలై) Tvs Motor కంపెనీ మొత్తం 1,715 యూనిట్ల iQube ఎలక్ట్రిక్ స్కూటర్లను విక్రయించింది. మొత్తం అమ్మకాల పరంగా చూసుకుంటే, Tvs iQube అమ్మకాలు Bajaj Chetak అమ్మకాల కంటే 454 యూనిట్లు అధికంగా ఉన్నాయి. దీన్నిబట్టి చూస్తుంటే, భారత వినియోగదారులు Tvs iQube ని ఎక్కువగా ఇష్టపడుతున్నట్లు స్పష్టమవుతుంది.
Bajaj Auto తమ Chetak ఎలక్ట్రిక్ స్కూటర్ని మొదట్లో పూణే మరియు బెంగళూరు మార్కెట్లలో మాత్రమే విక్రయించేది. కాగా, కంపెనీ ఇప్పుడు నాగపూర్, ఔరంగాబాద్, మైసూర్ మరియు మంగళూరు నగరాల్లో కూడా విక్రయిస్తోంది. ఈ ఏడాది చివరి నాటికి దేశంలోని 20 ఇతర నగరాల్లో Bajaj తమ Chetak ఎలక్ట్రిక్ స్కూటర్ను విక్రయించేందుకు ప్రణాళికలు రూపొందిస్తోంది.
ఇక, Tvs iQube విషయానికి వస్తే, ప్రస్తుతం ఈ ఎలక్ట్రిక్ స్కూటర్ను పూణే, ఢిల్లీ, బెంగళూరు, చెన్నై మరియు కోయంబత్తూరు నగరాలలో కంపెనీ విక్రయిస్తోంది. త్వరలోనే దీనిని అహ్మదాబాద్, హైదరాబాద్, ముంబై మరియు కోల్కతా వంటి నగరాల్లో ప్రారంభించాలని కంపెనీ ప్లాన్ చేస్తోంది. దేశంలోని అనేక టైర్-1 నగరాల్లో కూడా Tvs iQube ని కంపెనీ అందుబాటులోకి తీసుకురానుంది.
Bjaja Chetak ఫీచర్లు:
Bajaj Chetak ఎలక్ట్రిక్ స్కూటర్ అర్బన్ మరియు ప్రీమియం అనే రెండు వేరియంట్లలో లభిస్తుంది. మార్కెట్లో వీటి ధరలు వరుసగా రూ.1.42 లక్షలు మరియు రూ.1.44 లక్షలకు (ఎక్స్-షోరూమ్, ఢిల్లీ)గా ఉన్నాయి. ఈ స్కూటర్లో ఐపి67 రేటెడ్ 3 కిలోవాట్ లిథియం అయాన్ బ్యాటరీ ప్యాక్ ఉంటుంది.
పూర్తి చార్జ్పై ఇది 95 కిమీ రేంజ్ను (ఎకో మోడ్లో) అందిస్తుంది. ఇందులో ఎకో మరియు స్పోర్ట్స్ అనే రెండు రైడింగ్ మోడ్స్ కూడా ఉంటాయి. స్పోర్ట్ మోడ్లో దీనిని గరిష్టంగా గంటకు 70 కిమీ వేగంతో రైడ్ చేయవచ్చు. ఈ ఎలక్ట్రిక్ స్కూటర్లోని బ్యాటరీలను పూర్తిగా చార్జ్ చేయటానికి సుమారు 5 గంటల సమయం పడుతుంది.
Tvs iQube ఫీచర్లు:
ప్రస్తుతం మార్కెట్లో Tvs iQube ఎలక్ట్రిక్ స్కూటర్ ధర రూ.1.01 లక్షలు (ఆన్-రోడ్, ఢిల్లీ)గా ఉంది. ఈ స్కూటర్లో అమర్చిన 3 లిథియం అయాన్ బ్యాటరీ ప్యాక్ ఉంటుంది. పూర్తి చార్జ్పై ఈ స్కూటర్ 80 కిలోమీటర్ల రేంజ్ను (ఎకో మోడ్లో) ఆఫర్ చేస్తుంది. దీని గరిష్ట వేగం గంటకు 80 కిలోమీటర్లు.
Tvs iQube ఎలక్ట్రిక్ స్కూటర్ కేవలం 4.2 సెకన్లలో గంటకు 0-40 కిలోమీటర్ల వేగాన్ని చేరుకుంటుంది. కేవలం నాలుగు గంటల వ్యవధిలోనే ఇందులోని బ్యాటరీలను 0 నుండి 75 శాతం వరకు ఛార్జ్ చేసుకోవచ్చు. వీటిని పూర్తిగా 100 శాతం ఛార్జ్ చేయటానికి ఐదు గంటలకు పైగా సమయం పడుతుంది.