Just In
- 50 min ago కొత్త స్కూటర్ కొనేవారికి గుడ్ న్యూస్.. ఏథర్ రిజ్టా ప్రీ బుకింగ్లు ప్రారంభం.. రూ. 999 చెల్లిస్తే చాలు
- 2 hrs ago రూ. 10 లక్షల ధరలో టాటా నెక్సాన్ AMT కొత్త వేరియంట్లు విడుదల.. వివరాలివే.!!
- 3 hrs ago కూతురిపై ప్రేమ - కోట్ల రూపాయల కారు గిఫ్ట్ ఇచ్చిన తండ్రి (వీడియో)
- 4 hrs ago టెస్లా, బీవైడీలకు పోటీగా Xiaomi SU7 ఎలక్ట్రిక్ కారు లాంచ్.. 810 కి.మీ రేంజ్
Don't Miss
- Sports వేరీజ్ `మ్యాడ్` మ్యాక్సీ: ఆర్సీబీలో గందరగోళం
- News వైసీపీ అభ్యర్థికి జగన్ బంపర్ ఆఫర్.. పులివెందుల నుంచి పోటీ చేయలంటూ సూచన
- Finance Bank Holidays: ఏప్రిల్ లో 14 రోజులు బ్యాంకులకు సెలవులు..
- Movies Tillu Square: శ్రీలీల సహా అనుపమ క్యారెక్టర్ మిస్ చేసుకున్న హీరోయిన్స్ ఎవరో తెలుసా?
- Travel గుడ్ప్రైడే రోజున లాంగ్వీకెండ్ ప్లాన్ చేస్తున్నారా? అయితే ఈ ప్లేస్లు చూసేయండి...
- Lifestyle అమ్మాయిలూ! హెయిర్ స్ట్రెటనింగ్, కలరింగ్ అంటూ హెయిర్ స్టైల్ కు పోతే ..కిడ్నీలు పోతాయి..జాగ్రత్త సుమీ..!
- Technology వాట్సాప్ కాలింగ్ ఫీచర్ వినియోగిస్తున్నారా.. అయితే ఈ అప్డేట్ మీకోసమే..!!
భారత మార్కెట్లో ఏబిఎస్ ఫీచర్తో లభిస్తున్న చవకైన మోటార్సైకిల్స్!
భారతదేశం ద్విచక్ర వాహనాలకు అతిపెద్ద మార్కెట్. ఇక్కడి మార్కెట్లో కొనుగోలుదారులు ధరతో పాటుగా బ్రాండ్, మైలేజ్ మరియు ఫీచర్స్ వంటి అంశాలకు ఎక్కువగా ప్రాధాన్యత ఇస్తుంటారు. భారత కమ్యాటర్ టూవీలర్ మార్కెట్లో 100సిసి నుండి 150సిసి మధ్యలో అనేక సరసమైన టూవీలర్లు అందుబాటులో ఉన్నాయి.
ఈ మోటార్సైకిళ్లు తక్కువ ధరను కలిగి ఉండటమే కాదు, ఫీచర్ల పరంగా ఎన్నో రెట్లు మెరుగ్గా ఉంటాయి. ప్రత్యేకించి ఈ కథనంలో మనం చెప్పుకోబోయే టూవీలర్లు ఏబిఎస్ (యాంటీ-లాక్ బ్రేకింగ్ సిస్టమ్) ఫీచర్ను కలిగి ఉంటాయి. ఈ ఫీచర్ కలిగిన బైకులు బ్రేకింగ్ విషయంలో చాలా సమర్థవంతంగా ఉంటాయి. అవేంటో తెలుసుకుందాం రండి..!
1. బజాజ్ ప్లాటినా 110
బజాజ్ ప్లాటినా దేశంలోనే అత్యంత చౌకైన ఏబిఎస్ ఫీచర్ కలిగిన బైక్. ఈ బైక్లో కంపెనీ 115.45సిసి సింగిల్ సిలిండర్ ఇంజన్ను ఉపయోగిస్తోంది. ఇది 8.6 బిహెచ్పి పవర్ను మరియు 9.81 ఎన్ఎమ్ టార్క్ను ఉత్పత్తి చేస్తుంది. ఈ ఇంజన్ 5-స్పీడ్ గేర్బాక్స్తో జతచేయబడి ఉంటుంది.
బ్రేకింగ్ విషయానికి వస్తే, బజాజ్ ప్లాటినా 110 బైక్లో సింగిల్ ఛానల్ ఏబిఎస్ (యాంటీ-లాక్ బ్రేకింగ్ సిస్టమ్) ఫీచర్ ఉంటుంది. దీని ముందు చక్రంలో 240 మిమీ డిస్క్ బ్రేక్ ఉంటుంది మరియు వెనుక చక్రంలో 110 మిమీ డ్రమ్ బ్రేక్ ఉంటుంది. మార్కెట్లో ఈ బైక్ ధర రూ.66,739 (ఎక్స్-షోరూమ్, ఢిల్లీ)గా ఉంది.
2. బజాజ్ పల్సర్ 150 నియాన్
బజాజ్ నుండి లభిస్తున్న 150 సిసి వెర్షన్ పల్సర్ 150 నియాన్ కూడా సింగిల్ ఛానెల్ ఏబిఎస్ ఫీచర్తో లభిస్తుంది. ఈ బైక్లో, 149.5 సిసి సామర్థ్యం గల సింగిల్ సిలిండర్, ఎయిర్-కూల్డ్ ఇంజన్ను ఉపయోగించారు. ఇది 14 బిహెచ్పి పవర్ను మరియు 13.2 ఎన్ఎమ్ టార్క్ను ఉత్పత్తి చేస్తుంది.
ఈ బైక్లో సెమీ డిజిటల్ ఇన్స్ట్రుమెంట్ క్లస్టర్ వంటి కొన్ని ప్రీమియం ఫీచర్లు కూడా లభిస్తాయి. బ్రేకింగ్ విషయానికి వస్తే, ఈ బైక్ వెనుక చక్రంలో 130 మిమీ డ్రమ్ బ్రేక్ మరియు ముందు చక్రంలో 230 మిమీ డిస్క్ బ్రేక్ ఉన్నాయి. మార్కెట్లో ఈ బైక్ ధరలు రూ.98,291 నుండి ప్రారంభమవుతాయి (ఎక్స్-షోరూమ్, ఢిల్లీ).
3. హోండా యునికార్న్
జపనీస్ టూవీలర్ బ్రాండ్ హోండా నుండి లభిస్తున్న బెస్ట్ కమ్యూటర్ మోటార్సైకిల్ యునికార్న్. ఈ బైక్లో 162.7 సిసి ఎయిర్-కూల్డ్ ఇంజన్ను ఉపయోగించారు. ఈ ఇంజన్ గరిష్టంగా 12.92 బిహెచ్పి పవర్ను మరియు 14 ఎన్ఎమ్ టార్క్ను ఉత్పత్తి చేస్తుంది. ఈ ఇంజన్ 5 స్పీడ్ గేర్బాక్స్తో జతచేయబడి ఉంటుంది.
హోండా యునికార్న్లో హాలోజన్ హెడ్లైట్ మరియు టెయిల్ లైట్, అనలాగ్ కన్సోల్, ఇంజన్ కిల్ స్విచ్, త్రీ పాడ్ అనలాగ్ ఇన్స్ట్రుమెంట్ క్లస్టర్ మొదలైన ఫీచర్లు ఉన్నాయి. బ్రేకింగ్ విషయానికి వస్తే, ఈ బైక్ వెనుక చక్రంలో 130 మిమీ డ్రమ్ బ్రేక్ మరియు ముందు చక్రంలో 240 మిమీ డిస్క్ బ్రేక్ ఉంటాయి. ఇది సింగిల్ ఛానల్ ఏబిఎస్ను సపోట్ చేస్తుంది. మార్కెట్లో ఈ బైక్ ధర రూ.98,931 (ఎక్స్-షోరూమ్, ఢిల్లీ)గా ఉంది.
4. టీవీఎస్ అపాచి ఆర్టిఆర్ 160
దేశీయ టూవీలర్ బ్రాండ్ టీవీఎస్ అందిస్తున్న పాపులర్ అపాచి ఆర్టిఆర్ 160 మోడల్ కూడా ఏబిఎస్ ఫీచర్తో లభిస్తుంది. ఈ బైక్లో 159.7 సిసి సింగిల్ సిలిండర్ ఇంజన్ ఉంటుంది. ఇది గరిష్టంగా 15.53 బిహెచ్పి పవర్ను మరియు 13.9 ఎన్ఎమ్ టార్క్ను ఉత్పత్తి చేస్తుంది. ఈ ఇంజన్ 5 స్పీడ్ గేర్బాక్స్తో జతచేయబడి ఉంటుంది.
టీవీఎస్ అపాచి ఆర్టిఆర్ 160 బైక్లో ట్యూబ్ లెస్ టైర్లు, ఎల్ఈడి డేటైమ్ రన్నింగ్ లైట్లు, సెమీ డిజిటల్ ఇన్స్ట్రుమెంట్ కన్సోల్, సింగిల్ ఛానల్ యాంటీ-లాక్ బ్రేకింగ్ సిస్టమ్ వంటి ఫీచర్లు అందుబాటులో ఉన్నాయి. మార్కెట్లో ఈ బైక్ ధరలు రూ.1.06 లక్షల (ఎక్స్-షోరూమ్, ఢిల్లీ) నుండి ప్రారంభమవుతాయి.
5. బజాజ్ అవెంజర్ 160 స్ట్రీట్
బజాజ్ ఆటో అందిస్తున్న ఎంట్రీ లెవల్ క్రూయిజర్ మోటార్సైకిల్ అవెంజర్ 160 స్ట్రీట్ మోడల్ కూడా సింగిల్ ఛానెల్ ఏబిఎస్ ఫీచర్తో అందుబాటులో ఉంది. ఈ బైక్లో అమర్చిన 160 సిసి సింగిల్ సిలిండర్ డిటిఎస్ఐ ఇంజన్ గరిష్టంగా 15 బిహెచ్పి పవర్ను మరియు 13.7 న్యూటన్ మీటర్ టార్క్ను ఉత్పత్తి చేస్తుంది.
ఈ ఇంజన్ 5-స్పీడ్ గేర్బాక్స్తో జతచేయబడి ఉంటుంది. ఈ క్రూయిజర్ బైక్లో అల్లాయ్ వీల్స్, ట్యూబ్ లెస్ టైర్స్, సింగిల్ పాడ్ ఇన్స్ట్రుమెంట్ కన్సోల్ వంటి ఫీచర్లు ఉన్నాయి. ఈ బైక్ ముందు భాగంలో 280 మిమీ డిస్క్ బ్రేక్ ఉంటుంది. మార్కెట్లో ఈ బైక్ ధర రూ.1.08 లక్షలు (ఎక్స్-షోరూమ్) ఢిల్లీగా ఉంది.