భారత్‌లో విడుదలకు సిద్దమవుతున్న గోగోరో ఎలక్ట్రిక్ స్కూటర్‌; వివరాలు

గోగోరో కంపెనీ తన వివా ఎలక్ట్రిక్ స్కూటర్‌ను 2019 లో ప్రవేశపెట్టింది. ఇప్పటికే ఈ ఎలక్ట్రిక్ స్కూటర్ విదేశీ మార్కెట్లో మంచి అమ్మకాలతో ముందుకు వెళ్తోంది. అయితే ఇటీవల భారతదేశపు అతిపెద్ద ద్విచక్ర వాహనాల తయారీ సంస్థ హీరో మోటోకార్ప్ గోగోరోతో మౌలిక సదుపాయాలు మరియు ఇతర సౌకర్యాలను అందించడానికి ఒక ఒప్పందం కుదుర్చుకుంది.

ఈ ఒప్పందం ప్రకారం హీరో మోటోకార్ప్ రాబోయే ఎలక్ట్రిక్ స్కూటర్లు గోగోరో యొక్క ఈవి ప్లాట్‌ఫాం ఆధారంగా ఉంటాయి. గోగోరో వివా ఎలక్ట్రిక్ స్కూటర్లను హీరో మోటోకార్ప్ స్టోర్లలో మాత్రమే విక్రయిస్తామని నివేదికలు చెబుతున్నాయి. కావున ఈ స్కూటర్లు హీరో మోటోకార్ప్ విక్రయించనుంది.

MOST READ:మీరు ఎప్పుడూ చూడని లంబోర్ఘిని స్టైల్ మారుతి సుజుకి ఓమ్ని

గోగోరో వివా ఎలక్ట్రిక్ స్కూటర్ యొక్క విషయానికి వస్తే ఈ స్కూటర్ చూడటానికి చాలా ఆకర్షణీయంగా ఉండి యువ వినియోగదారులను ఆకర్షించే విధంగా రూపొందించబడింది. ఈ ఎలక్ట్రిక్ స్కూటర్‌ మంచి ఆకర్షణీయమైన డిజైన్ మరియు అట్రాక్టివ్ కలర్ లో ఉంది.

కంపెనీ నివేదికల ప్రకారం ఈ ఎలక్ట్రిక్ స్కూటర్ గంటకు 30 కి.మీ వేగంతో ప్రయాణించగలదు. అంతే కాకుండా ఇది ఒకసారి పూర్తిగా ఛార్జ్ చేయబడిన తరువాత గంటకు 85 కి.మీ వరకు నడుస్తుంది. ఈ ఎలక్ట్రిక్ స్కూటర్ 3 కిలోవాట్ల మోటారుతో అమర్చబడి ఉంటుంది. ఈ మోటారు 115 ఎన్ఎమ్ టార్క్ ఉత్పత్తి చేస్తుంది.

MOST READ:సింగపూర్‌లో అడుగుపెట్టిన 2021 సుజుకి స్విఫ్ట్ స్పోర్ట్ కార్.. ఇప్పుడు మరిన్ని ఫీచర్స్ & మరింత అప్డేట్

ఈ స్కూటర్ మొత్తంమీద చాలా సింపుల్ డిజైన్‌ను కలిగి ఉంది. అంతే కాకుండా ఈ ఎలక్ట్రిక్ స్కూటర్‌లో అనేక ఫీచర్లు ఉన్నాయి. ఈ స్కూటర్ లో ఎల్‌ఈడీ లైటింగ్, ఎల్‌సీడీ ఇన్‌స్ట్రుమెంట్ కన్సోల్, టూ రైడ్ మోడ్, రీజనరేటివ్ బ్రేకింగ్, కీలెస్ ఇగ్నిషన్ వంటి ఫీచర్లు ఉన్నాయి.

ఈ స్కూటర్ లో బ్యాటరీ ఎక్స్చేంజ్ టెక్నాలజీ కూడా కలిగి ఉంటుంది. ఈ టెక్నాలజీ వల్ల పూర్తిగా ఛార్జ్ చేసిన బ్యాటరీని కొద్ది నిమిషాల్లో ఎక్స్చేంజ్ చేసుకోవడానికి వీలుగా ఉంటుంది. ఈ స్కూటర్‌ యొక్క హ్యాండిల్‌బార్‌లో యుఎస్‌బి ఛార్జింగ్ పోర్ట్ ఉంది. ఈ స్కూటర్ చూడటానికి సింపుల్ గా ఉన్న విధంగా, బరువు కూడా తక్కువగా ఉంటుంది. దీనితోపాటు ఎత్తు కూడా తక్కువగా ఉంటుంది.

MOST READ:కరోనా బాధితులకోసం కొత్త హాస్పిటల్ ప్రారంభించిన ఒమేగా సెకి మొబిలిటీ; పూర్తి వివరాలు

ఈ ఎలక్ట్రిక్ స్కూటర్‌లో 10 ఇంచెస్ వీల్‌బేస్, 740 మిమీ పొడవైన సీటు కలిగి ఉండి కేవలం 80 కిలోల బరువు మాత్రమే కలిగి ఉంటుంది. ఈ స్కూటర్‌లో 21.6 లీటర్ల స్టోరేజ్ ప్లేస్ ఉంది. ఈ ఎలక్ట్రిక్ స్కూటర్ కీలెస్ మరియు బేసిక్ అనే రెండు మోడళ్లలో విక్రయించబడుతుంది.

ఈ ఎలక్ట్రిక్ స్కూటర్ యొక్క కీలెస్ మోడల్ మొత్తం 10 కలర్ ఆప్సన్స్ లో లభిస్తుంది. అయితే బేసిక్ మోడల్ కేవలం 3 కలర్స్ లో మాత్రమే లభిస్తుంది. భారతదేశంలో ఎలక్ట్రిక్ వాహనాలను మరింత వేగంగా విక్రయించడానికి గోగోరో బ్యాటరీ ఎక్స్ఛేంజ్ ప్లాట్‌ఫామ్‌తో హీరో మోటోకార్ప్ భాగస్వామ్యం కుదుర్చుకుంది.

MOST READ:ఆంధ్రప్రదేశ్ ప్రభుత్వానికి రూ. 5 కోట్లు విరాళం ప్రకటించిన కియా మోటార్స్

ఈ భాగస్వామ్యం ప్రపంచంలోని అతిపెద్ద ద్విచక్ర వాహన తయారీ సంస్థ హీరో మోటోకార్ప్ మరియు బ్యాటరీ ఎక్స్ఛేంజ్ టెక్నాలజీలో అగ్రగామి అయిన గొగోరోను కలుపుతుంది. ఈ రెండు సంస్థల భాగస్వామ్యం తరువాత భారతదేశంలో ఎలక్ట్రిక్ ద్విచక్ర వాహనాల అమ్మకాలు మరింత పెరిగే అవకాశం ఉంది.