Just In
- 23 min ago రూ. 150 కే విమాన టికెట్.. ట్రైన్ జర్నీ కంటే చాలా చీప్.. ఈ స్కీమ్ గురించి మీకు తెలుసా.??
- 15 hrs ago త్వరలో మేడ్ ఇన్ ఇండియా బుల్లెట్ ట్రైన్స్.. ఇక ప్రపంచ దేశాలన్నీ భారత్ వైపు చూడాల్సిందే.!!
- 15 hrs ago హవ్వ!.. ఇలా కూడా ఎవరైనా చేస్తారా?: నోరెళ్లబెడుతున్న నెటిజన్లు
- 17 hrs ago బెంజ్ కారు కొన్న సోషల్ మీడియా సెన్సేషన్ 'కుషా కపిల'.. ధర తెలిస్తే షాకవుతారు!
Don't Miss
- News మళ్లీ బయటపడ్డ ఈవీఎం మోసం ! ఏ బటన్ నొక్కినా బీజేపీకే ఓటు...?
- Finance Stock Market: ఊపిరి పీల్చుకున్న బుల్స్.. లాభాల్లో సెన్సెక్స్-నిఫ్టీ.. ట్రెండిగ్లో జస్ట్డయల్..
- Technology Motorola నుంచి రెండు కొత్త ఇయర్ బడ్స్ లాంచ్! ధర, ఫీచర్లు
- Movies Devara ఎన్టీఆర్ ఫ్యాన్స్ను భయపెడుతున్న రాజమౌళి.. దేవరను వెంటాడుతున్న ఆ సెంటిమెంట్!
- Sports వరల్డ్ కప్కు దూబె ఎంపికైనట్లే.. కానీ ఓ సమస్య- డివిలియర్స్
- Lifestyle 56 ఏళ్లుగా ఎవరికీ కనిపించకుండా ఇంట్లోనే దాక్కున్న ఓ రహస్య వ్యక్తి... ఆడవాళ్లంటే వింత భయం..!
- Travel సిక్కింలోని యుమ్తంగ్ వ్యాలీ వేసవిలో సందర్శనకు ఉత్తమం..
బ్లూటూత్ కనెక్టివిటీతో రానున్న కొత్త 2021 Hero Pleasure+ స్కూటర్
భారతదేశపు అగ్రగామి టూవీలర్ తయారీ కంపెనీ హీరో మోటోకార్ప్ (Hero MotoCorp) అందిస్తున్న ఎంట్రీ లెవల్ స్కూటర్ ప్లెజర్ ప్లస్ (Pleasure+) స్కూటర్ లో కంపెనీ ఓ కొత్త అప్డేటెడ్ వెర్షన్ ను మార్కెట్లో విడుదల చేయనున్నట్లు ప్రకటించింది. ఈ మేరకు కంపెనీ తమ సోషల్ మీడియా హ్యాండిల్ లో కొత్త ప్లెజర్ స్కూటర్ టీజర్ ను కూడా విడుదల చేసింది.
హీరో మోటోకార్ప్ నుండి అత్యధికంగా అమ్ముడవుతున్న స్కూటర్లలో హీరో ప్లెజర్ మొదటి స్థానంలో ఉంటుంది. సరసమైన ధర, తక్కువ బరువు మరియు ఎక్కువ మైలేజ్ వంటి పలు విశిష్ట అంశాల కారణంగా, కస్టమర్లు ఎక్కువగా ఈ మోడల్ ను ఎంచుకుంటున్నారు. పెద్దవారు మరియు మహిళలకు ఇది చాలా ఫేవరేట్ స్కూటర్.
రానున్న పండుగ సీజన్ నేపథ్యంలో, ఈ కొత్త 2021 హీరో ప్లెజర్ ప్లస్ స్కూటర్ (Hero Pleasure+) మార్కెట్లో విడుదలయ్యే అవకాశం ఉంది. తాజాగా విడుదలైన టీజర్ ప్రకారం, హీరో ప్లెజర్ ప్లస్ పూర్తిగా కొత్త హెడ్లైట్ సెటప్ ను కలిగి ఉంటుంది. ఈ కొత్త మోడల్ లో, ప్రస్తుత స్కూటర్ లో కనిపించే ట్రెడిషనల్ హాలోజెన్ హైడ్లైట్ యూనిట్ స్థానంలో కొత్త ఎల్ఈడి డేటైమ్ రన్నింగ్ లైట్లతో కూడిన ఎల్ఈడి హెడ్లైట్ యూనిట్ ను ఉపయోగించారు.
ఈ కొత్త 2021 మోడల్ హీరో ప్లెజర్ ప్లస్ స్కూటర్ లో చేసిన మరొక మార్పు విషయానికి వస్తే, ఇందులో కొత్తగా సెమీ డిజిటల్ ఇన్స్ట్రుమెంట్ క్లస్టర్ ను అందిస్తున్నారు. ఇదివరకు ఈ స్కూటర్ పూర్తిగా అనలాగ్ ఇన్స్ట్రుమెంట్ క్లస్టర్ తో లభించేది. అంతేకాకుండా, కొత్త ప్లెజర్ స్కూటర్ కి మరింత ప్రీమియం లుక్ ని కల్పించేందుకు హెడ్ల్యాంప్ చుట్టూ క్రోమ్ సరౌండింగ్ మరియు సైలెన్సర్ పై క్రోమ్ మఫ్లర్ కవర్ మరియు ఫ్రండ్ అండ్ రియర్ ఫెండర్లపై క్రోమ్ గార్నిష్ వంటి అంశాలు ఉన్నాయి.
ఈ స్కూటర్ లో చేయబోయే అతిపెద్ద అప్డేట్ ఏంటంటే, కొత్త ప్లెజర్ ప్లస్ స్కూటర్ ఇప్పుడు బ్లూటూత్ కనెక్టివిటీ ఫీచర్ తో అందుబాటులోకి రాబోతోంది. ఇందుకోసం డ్యాష్బోర్డ్ పై ఇన్స్ట్రుమెంట్ కన్సోల్ లో ఒక చిన్న డిజిటల్ స్క్రీన్ ఇవ్వబడింది, దీనిలో ఇన్కమింగ్ కాల్ అలర్ట్, ఎస్ఎమ్ఎస్ అలర్ట్, మిస్డ్ కాల్ అలర్ట్ మరియు ఫోన్ బ్యాటరీ స్థితి వంటి సమాచారం తెలియజేయబడుతుంది.
ఇంకా ఈ ఎల్సిడిపై ఓడోమీటర్ రీడింగ్ మరియు స్కూటర్ లోని ఫ్యూయల్ ట్యాంక్ యొక్క ఇంధన స్థాయిని కూడా చూడొచ్చు. ప్రస్తుత మోడల్తో పోలిస్తే, పైన చెప్పుకున్నట్లుగా కొత్త హీరో ప్లెజర్ ప్లస్ ఇతర కాస్మెటిక్ అప్డేట్ లతో అందుబాటులోకి రానుంది. ఇందులో కొత్తగా జోడించిన ఎల్ఈడి డేటైమ్ రన్నింగ్ లైట్స్, ఎల్ఈడి హెడ్లైట్స్ మరియు బ్లూటూత్ ఆధారిత ఇన్స్ట్రుమెంట్ క్లస్టర్ ఫీచర్లు ప్రధాన ఆకర్షణగా నిలుస్తాయి.
కొత్త 2021 హీరో ప్లెజర్ ప్లస్ స్కూటర్ లో ఇంజన్ పరంగా ఎలాంటి మార్పు ఉండబోదని తెలుస్తోంది. కంపెనీ ప్రస్తుత మోడల్ లో ఉపయోగిస్తున్న అదే ఇంజన్నే ఈ కొత్త మోడల్ లోనూ కొనసాగించవచ్చని భావిస్తున్నారు. హీరో ప్లెజర్ ప్లస్ యొక్క ప్రస్తుత మోడల్ లో 110 సిసి ఇంజన్ ను ఉపయోగించారు. ఈ ఇంజన్ గరిష్టంగా 8 బిహెచ్పి పవర్ ను మరియు 8.7 ఎన్ఎమ్ టార్క్ ను ఉత్పత్తి చేస్తుంది. ఇది సివిటి ఆటోమేటిక్ గేర్బాక్స్ తో జతచేయబడి ఉంటుంది.
ఈ సరికొత్త 2021 హీరో ప్లెజర్ ప్లస్ స్కూటర్ ధర, లభ్యత మరియు బుకింగ్స్ వంటి మరిన్ని వివరాలను హీరో మోటోకార్ప్ త్వరలోనే వెల్లడిస్తుందని భావిస్తున్నారు. ప్రస్తుతం, ఈ బ్రాండ్ నుండి స్కూటర్ లైనప్ లో ప్లెజర్ ప్లస్, మ్యాస్ట్రో ఎడ్జ్ 110, మ్యాస్ట్రో ఎడ్జ్ 125 బిఎస్6, కొత్త మ్యాస్ట్రో ఎడ్జ్ 125 మరియు డెస్టినీ 125 బిఎస్6 మోడళ్లు అందుబాటులో ఉన్నాయి.
హీరో ఎక్స్పల్స్ 200 లాంచ్ కోసం సన్నాహాలు
ఇదిలా ఉంటే, హీరో మోటోకార్ప్ తమ కొత్త ఎక్స్పల్స్ (XPlus 200) ఆఫ్-రోడ్ అడ్వెంచర్ బైక్ ని భారత మార్కెట్లో విడుదల చేయడానికి సన్నాహాలు చేస్తోంది. కంపెనీ శుక్రవారం (అక్టోబర్ 7వ తేదీ) నాడు తమ కొత్త ఎక్స్పల్స్ 200 బైక్ ని విడుదల చేయనుంది. కొత్త అవతార్ మరియు కొత్త ఫీచర్లతో వస్తున్న ఈ బైక్ కస్టమర్లను ఆకర్షించగలదని కంపెనీ ధీమాగా ఉంది.
హీరో మోటోకార్ప్ గడచిన సెప్టెంబర్ 2021 నెల అమ్మకాల గణాంకాలను కూడా విడుదల చేసింది. గత నెలలో కంపెనీ మొత్తం 5,30,000 యూనిట్ల ద్విచక్ర వాహనాలను విక్రయించింది. వీటిలో 5,00,050 యూనిట్లు దేశీయ మార్కెట్ లో విక్రయించగా, మిగిలిన 25,000 యూనిట్లు విదేశాలకు ఎగుమతి చేయబడ్డాయి.
సెప్టెంబర్ 2021 లో, కంపెనీ మొత్తం 4,89,417 యూనిట్ల బైక్లను విక్రయించగా, స్కూటర్ల అమ్మకాలు 40,929 యూనిట్లుగా ఉన్నాయి. గత సంవత్సరం సెప్టెంబర్ 2020 నెలలో, హీరో మోటోకార్ప్ మొత్తం 7,15,718 యూనిట్ల బైకులు మరియు స్కూటర్లను విక్రయించగా, ఈ సంవత్సరం సెప్టెంబర్ నెలలో 1,85,372 యూనిట్ల తక్కువ అమ్మకాలను నమోదు చేసింది. సెప్టెంబర్ 2020 తో పోలిస్తే గత నెల అమ్మకాలు 25.90 శాతం క్షీణించాయి.