త్వరపడండి.. హోండా యునికార్న్ బైక్‌పై అద్భుతమైన ఆఫర్

ఇప్పుడు కంపెనీ ఇచ్చిన సమాచారం ప్రకారం కొత్త హోండా యునికార్న్ బైక్‌ను కొనుగోలు చేసే వినియోగదారులకు 5% వరకు క్యాష్‌బ్యాక్ ఆఫర్‌ లభిస్తుంది. కానీ దీనికి కొన్ని షరతులు వర్తిస్తాయి. వినియోగదారుడు దీనిని గమనించాలి. కంపెనీ ఇస్తున్న ఈ ఆఫర్ ఎస్బిఐ క్రెడిట్ కార్డ్ ద్వారా ఈఎంఐ లావాదేవీలకు మాత్రమే చెల్లుతుంది. అంతే కాకుండా కనీస లావాదేవీ విలువ రూ. 40,000 అని కూడా కంపెనీ ప్రకటించింది.

హోండా కంపెనీ అందిస్తున్న ఈ క్యాష్‌బ్యాక్ ఆఫర్ 2021 జూన్ 30 వరకు అందుబాటులో ఉంటుంది. ఈ కొత్త హోండా యునికార్న్ బైక్‌పై అందించే క్యాష్‌బ్యాక్ ఆఫర్ గురించి మరింత తెలుసుకోవడానికి సమీప హోండా మోటార్‌సైకిల్ మరియు స్కూటర్ ఇండియా డీలర్‌షిప్‌ను సందర్శించవచ్చు.

భారత మార్కెట్లో విక్రయించబడుతున్న ఈ కొత్త బిఎస్-6 హోండా యునికార్న్ బైక్ చాలా ఆకర్షణీయంగా ఉండటమే కాకుండా మంచి పర్ఫామెన్స్ కూడా అందిస్తుంది . ఈ కొత్త బైక్‌లో 162.7 సిసి, సింగిల్ సిలిండర్, ఫ్యూయల్ ఇంజెక్ట్ ఇంజన్ ఉంటుంది. ఇది 7,500 ఆర్‌పిఎమ్‌ వద్ద 12.5 బిహెచ్‌పి శక్తిని మరియు 5,500 ఆర్‌పిఎమ్‌ వద్ద 14 ఎన్ఎమ్ టార్క్ ఉత్పత్తి చేస్తుంది. ఈ ఇంజిన్‌తో 5-స్పీడ్ గేర్‌బాక్స్ తో జతచేయబడి ఉంటుంది.

కొత్త హోండా యునికార్న్ బైక్‌ ఇంపీరియల్ రెడ్ మెటాలిక్, మాట్టే యాక్సిస్ గ్రే మెటాలిక్, పెర్ల్ ఇగ్నిస్ బ్లాక్ వంటి కలర్స్ లో దేశీయ మార్కెట్లో అమ్మకానికి ఉంది. ఈ బైక్ యొక్క సస్పెన్షన్ సెటప్ విషయానికి వస్తే, దీని ముందు భాగంలో టెలిస్కోపిక్ ఫోర్కులు మరియు వెనుక భాగంలో మోనో-షాక్ సెటప్ అమర్చబడి ఉంటుంది.

ఈ బైక్ లో మంచి సేఫ్టీ ఫీచర్స్ కూడా అందుబాటులో ఉంటాయి. ఈ బైక్ లోని బ్రేకింగ్ సెటప్ విషయానికి వస్తే, దీని ముందు భాగంలో డిస్క్ బ్రేక్, వెనుక భాగంలో డ్రమ్ బ్రేక్ అమర్చబడి ఉంటుంది. సింగిల్-ఛానల్ ఎబిఎస్ కూడా ఇందులో అందించబడుతుంది. కావున మంచి బ్రేకింగ్ సెటప్ కలిగి ఉంటుంది.

హోండా మోటార్ సైకిల్ ఇండియా ఇప్పుడు ఎంపిక చేసిన స్కూటర్స్ మరియు బైక్ మోడళ్లపై క్యాష్‌బ్యాక్ ఆఫర్లను అందిస్తోంది. ఈ ఆఫర్లు ప్రస్తుతం ఎక్కువ మంది వినియోగదారులను ఆకర్షించడంలో సహాయపడతాయి. తద్వారా ఈ బైక్ మంచి అమ్మకాలతో ముందుకు వెళ్లే అవకాశం ఉంటుంది.

ప్రస్తుతం కంపెనీ అందిస్తున్న ఆఫర్ పరిమిత సమయం వరకు మాత్రమే. కావున ఈ బైక్ కొనాలనుకునే వినియోగదారులు ఇప్పుడే మీ సమీపంలోని హోండా మోటార్ సైకిల్ షోరూమ్ సందర్శించి, దీని గురించి మరింత సమాచారం తెలుసుకుని కొనుగోలు చేయవచ్చు.