హోండా షైన్ కొనేవారికి గుడ్ న్యూస్.. ఇప్పుడు అందుబాటులో క్యాష్‌బ్యాక్ ఆఫర్ కూడా..

హోండా కంపెనీ విడుదల చేసిన ఈ ప్రకటన ప్రకారం హోండా షైన్ బిఎస్ 6 యొక్క వినియోగదారులకు 5% వరకు క్యాష్‌బ్యాక్ పొందవచ్చు, అంటే కార్డుపై రూ. 3,500 వరకు వరకు క్యాష్ బ్యాక్ పొందవచ్చు. ఈ ఆఫర్ ఈఎమ్ఐ లావాదేవీలపై మాత్రమే వర్తిస్తుందని కంపెనీ తెలిపింది.

వినియోగదారులు ఇక్కడ గమనించదగ్గ విషయం ఏమిటంటే ఎస్‌బిఐ క్రెడిట్ కార్డ్ హోల్డర్లకు మాత్రమే ఈ క్యాష్‌బ్యాక్ ఆఫర్ వర్తిస్తుంది. ఈ ఆఫర్ పొందటానికి కనీస లావాదేవీ రూ. 40,000 వరకు ఉండాలి. కంపెనీ యొక్క ఈ ఆఫర్ కేవలం 2021 మే 01 నుండి 2021 జూన్ 30 వరకు అందుబాటులో ఉంటుంది.

హోండా కంపెనీ యొక్క ప్రసిద్ధి చెందిన బైకులలో హోండా షైన్ బిఎస్ 6 ఒకటి. ఇది కంపెనీకి చాలా పెద్ద అమ్మకాలను సాధించడానికి సహాయపడింది. హోండా షైన్ విడుదలైనప్పటి నుంచి దాదాపు 9 మిలియన్ యూనిట్ల అమ్మకాలను దాటిందని కంపెనీ అధికారికంగా ప్రకటించింది.

హోండా మోటార్‌సైకిల్ ఇండియా ప్రకారం, షైన్ గత కొన్ని దశాబ్దాలుగా మంచి అమ్మకాలతో ముందుకు దూసుకెళ్తుంది. ఈ బైక్ మార్కెట్లో ప్రారంభమైన కేవలం రెండు సంవత్సరాలలో అత్యధికంగా అమ్ముడైన 125 సిసి మోటార్‌సైకిల్‌గా నిలిచింది. ఇది మాత్రమే కాకుండా 54 నెలల్లో 1 మిలియన్ కస్టమర్లను పొందగలిగింది.

హోండా షైన్ బిఎస్ 6 ప్రస్తుతం డ్రమ్ బ్రేక్ మరియు డిస్క్ బ్రేక్ అనే రెండు వేరియంట్లలో లభిస్తుంది. కంపెనీ తన బేస్ డ్రమ్ బ్రేక్ వేరియంట్‌ను రూ. 71,550, ఎక్స్‌షోరూమ్ ధరలతో విక్రయిస్తుండగా, హై-స్పెక్ డిస్క్ బ్రేక్ వేరియంట్‌ను ఎక్స్‌-షోరూమ్ ధర ప్రకారం రూ. 76,346 కు విక్రయిస్తోంది.

లేటెస్ట్ బిఎస్ 6 హోండా షైన్‌ యొక్క ఇంజిన్ విషయానికి వస్తే, ఇందులో 124 సిసి సింగిల్ సిలిండర్ ఇంజిన్‌ ఉంటుంది. ఇది 7,500 ఆర్‌పిఎమ్ వద్ద 10.59 బిహెచ్‌పి పవర్, 6,000 ఆర్‌పిఎమ్ వద్ద 11 ఎన్ఎమ్ టార్క్ ఉత్పత్తి చేస్తుంది. దీనికి 5-స్పీడ్ గేర్‌బాక్స్ జతచేయబడి ఉంటుంది.