Hot Wheels ఎలక్ట్రిక్ మోటార్‌సైకిల్; ఇది చాలా స్పెషల్.. ఎందుకంటే?

Hot Wheels కంపెనీ అనేది ప్రముఖ ఆటోమొబైల్ బొమ్మల తయారీ కంపెనీ. కానీ ఈ కంపెనీ ఇప్పుడు ఎలక్ట్రిక్ వాహనాల తయారీకి శ్రీకారం చుట్టింది. దీని కోసం, కంపెనీ అమెరికన్ ఎలక్ట్రిక్ సైకిల్ తయారీదారు Super73 తో చేతులు కలిపింది. ఫ్లాగ్‌షిప్ మోడల్ Super73-RX యొక్క రియర్ లైఫ్ మోడల్ చేయడానికి కంపెనీ ఈ భాగస్వామ్యాన్ని చేసింది.

Hot Wheels X Super73-RX ఇప్పుడు కేవలం 24 యూనిట్ల ఎలక్ట్రిక్ మోటార్ సైకిల్స్ మాత్రమే తయారుచేసింది. అయితే ప్రస్తుతం ఈ 24 యూనిట్లు ఇప్పటికే అమ్ముడయ్యాయని కంపెనీ తెలిపింది. కంపెనీ ఈ ఎలక్ట్రిక్ మోటార్‌సైకిల్ ధరను US $ 5,000 వద్ద నిర్ణయించింది. అంటే భారత కరెన్సీ ప్రకారం ఇది సుమారు రూ. 3.71 లక్షలు.

ఈ కొత్త Hot Wheels ఎలక్ట్రిక్ మోటార్‌సైకిల్ స్టాండర్డ్ మోడల్ మాదిరిగానే ఉంటుంది. కానీ మంచి డిజైన్ మరియు మంచి స్టైల్ లో ఉంటుంది. ఇది చూడగానే ఆకర్షించే విధంగా ఉంటుంది. Hot Wheels X Super73-RX మోటార్ సైకిల్ కొత్త లైవరీని పొందుతుంది, ఇది బ్లూ మరియు ఆరెంజ్ ట్యాంకులపై Hot Wheels బ్రాండింగ్‌తో పాటు ఫ్రేమ్‌పై అదే రంగు చారలను కలిగి ఉంటుంది.

ఈ మోటార్ సైకిల్ స్పెషల్ కలర్ స్కీమ్ బ్లాక్ కలర్ ప్యానెల్స్‌తో జత చేయబడింది. ఇది మరింత ఆకర్షణీయంగా ఉంటుంది. అంతే కాకుండా ఈ ఎలక్ట్రిక్ మోటార్ సైకిల్ Hot Wheels బ్రాండ్ లోగోను కలిగి ఉన్న హ్యాండిల్‌బార్‌లో ఫోమ్ మరియు సీటును పొందుతుంది. బైక్ యొక్క ఆల్-బ్లాక్ థీమ్‌తో కొనసాగింపు కోసం, కంపెనీ బ్యాటరీ ట్యాంక్ ప్యాడ్, చైన్ మరియు ఫ్రేమ్ మధ్యలో ఉన్న పెద్ద స్టెయిన్‌లెస్ స్టీల్ ప్యానెల్‌ను బ్లాక్ చేసింది.

కొత్త Hot Wheels X Super73-RX మోటార్ సైకిల్ యొక్క పవర్‌ట్రెయిన్ విషయానికి వస్తే, ఈ ఎలక్ట్రిక్ మోటార్ సైకిల్ 960-వాట్-హవర్ బ్యాటరీని కలిగి ఉండి, దాని వెనుక చక్రంలో అమర్చిన ఎలక్ట్రిక్ మోటార్‌కు శక్తినిస్తుంది. దీనిలోని 2 కిలోవాట్ ఎలక్ట్రిక్ మోటార్ 2.7 బిహెచ్‌పి పవర్ అందిస్తుంది.

ఈ ఎలక్ట్రిక్ బైక్ యొక్క గరిష్ట వేగం గంటకు 32 కిలోమీటర్ల వేగంతో 65 కిలోమీటర్ల పరిధిని అందిస్తుంది. ఈ బైక్ ని రైడర్ ఎకో పెడల్ అసిస్ట్ మోడ్‌లో ఉపయోగిస్తే, ఇది 120 కిలోమీటర్ల వరకు పరిధిని అందిస్తుంది. Hot Wheels X Super73-RX బైక్ యొక్క గరిష్ట వేగం గంటకు 45 కిలోమీటర్లు.

Hot Wheels X Super73-RX బైక్ యొక్క ఛార్జింగ్ విషయానికి వస్తే, ఇది 5-ఆంపియర్ ఛార్జర్‌తో బ్యాటరీని 0 నుండి 100 శాతం వరకు ఛార్జ్ చేయడానికి 3-4 గంటలు పడుతుంది. అదేవిధంగా 3-ఆంపియర్ ఛార్జర్‌ని ఉపయోగించి ఛార్జ్ చేయడానికి పట్టే సమయం 6 గంటల నుంచి 7 గంటలు. ఈ బ్యాటరీ ప్యాక్ ఉన్న కొత్త Hot Wheels X Super73-RX బైక్ బరువు 36 కేజీలు మాత్రమే అని కంపెనీ నిర్దారించింది.

ఈ కొత్త Hot Wheels X Super73-RX బైక్ చూడటానికి ఆకర్షణీయంగా ఉండటంతో పాటు అనేక అప్డేటెడ్ ఫీచర్స్ మరియు పరికరాలు ఉంటాయి. కావున బైక్ రైడర్లకు చాల అనుకూలంగా ఉంటుంది. ఈ కారణంగానే చాలా త్వరగా ఈ కొత్త బైక్ అమ్ముడయ్యాయి.

ఇక రానున్న కాలంలో డీజిల్ మరియు పెట్రోల్ వాహనాల విక్రయాలు బాగా తగ్గిపోయే అవకాశాలు కనిపిస్తున్నాయి. ఎందుకంటే చాలామంది వినియోగదారులు ఎక్కువ ఎలక్ట్రిక్ వాహనాలను వాడటానికి చాలా ఆసక్తి చూపుతున్నారు. ఈ కారణంగానే కంపెనీలు కూడా ఎలక్ట్రిక్ వాహనాలను విడుదల చేసి మంచి ప్రజాదరణ పొందుతున్నాయి. రానున్న కాలంలో మొత్తం ఎలక్ట్రిక్ వాహనాలను విడుదల చేయనున్నట్లు కొన్ని కంపెనీలు ఇప్పటికే స్పష్టం చేశాయి.ఏది ఏమైనా ప్రస్తుతం ఎలక్ట్రిక్ వాహన శకం ప్రారంభమయిపోయింది.