కవాసకి బైక్స్‌పై జూన్ ఆఫర్స్; రూ.50,000 వరకూ డిస్కౌంట్స్!

కవాసకి వెర్సిస్ 650, వల్కాన్ ఎస్, నింజా 1000 ఎస్ఎక్స్, డబ్ల్యూ 800, కెఎల్ఎక్స్ 110, కెఎల్ఎక్స్ 140 మరియు కెఎక్స్ 100 మోటార్‌సైకిళ్లపై కంపెనీ ఈ ఆఫర్లను అందిస్తోంది. మరి ఆ వివరాలేంటో తెలుసుకుందాం రండి.

ఆఫర్లు మరియు డిస్కౌంట్ వివరాలు

* రోడ్-లీగల్ మోటార్‌సైకిళ్లయిన వెర్సిస్ 650, వల్కాన్ ఎస్, నింజా 1000 ఎస్ఎక్స్, డబ్ల్యూ 800 మోడళ్ల కోసం కొత్త బిగినింగ్ వోచర్.

* స్ట్రీట్ లీగల్ కాని మోటార్‌సైకిళ్లయిన కెఎల్ఎక్స్ 110, కెఎల్ఎక్స్ 140 మరియు కెఎక్స్ 100 మోడళ్ల కోసం ఆఫ్-రోడ్ వోచర్.

* ఈ ఆఫర్లు జూన్ 1 నుండి జూన్ 30, 2021 వరకు చెల్లుబాటులో ఉంటాయి.

కవాసాకి ఈ నెలలో కొనుగోలు చేసే అన్ని అర్హత కలిగిన రోడ్-లీగల్ మోటార్‌సైకిళ్ల కోసం 'న్యూ-బిగినింగ్ వోచర్' డిస్కౌంట్ కూపన్‌లను అందిస్తోంది. ఈ వోచర్ మొత్తాన్ని సదరు పెర్ఫార్మెన్స్ మోటార్‌సైకిల్ యొక్క ఎక్స్-షోరూమ్ ధరను తగ్గించడానికి ఉపయోగించుకోవచ్చు.

ఈ డిస్కౌంట్ వోచర్ యొక్క మోటార్‌సైకిల్ యొక్క విలువపై ఆధారపడి ఉంటుంది. వల్కాన్ ఎస్ క్రూయిజర్‌పై రూ.20,000 వోచర్‌ను అందిస్తున్నారు. ఇది మోటార్‌సైకిల్ ధర ఎక్స్-షోరూమ్ ధర తగ్గించడంలో ఉపయోగపడుతుంది. అదేవిధంగా, వెర్సిస్ 650, నింజా 1000 ఎస్ఎక్స్ మరియు డబ్ల్యూ 800 మోటార్ సైకిళ్లకు రూ.30,000 డిస్కౌంట్ వోచర్‌ను అందిస్తున్నారు.

కవాసాకి భారతదేశంలో విక్రయించే ఆఫ్-రోడ్ మోటార్‌సైకిళ్లపై 'ఆఫ్-రోడ్ వోచర్' డిస్కౌంట్ కూపన్‌లను కూడా అందిస్తోంది. ఇవి కేవలం ట్రాక్ ఉపయోగం కోసం మాత్రమే అందుబాటులో ఉన్న నాన్-స్ట్రీట్-లీగల్ మోటార్‌సైకిళ్లు.

వీటిలో కవాసకి కెఎల్ఎక్స్110 మోడల్‌పా రూ.30,000 డిస్కౌంట్ కూపన్‌ను అందిస్తున్నారు. అలాగే, కవాసకి కెఎల్‌ఎక్స్ 140, మరియు కవాసకి కెఎక్స్ 100 మోడళ్లపై వరుసగా రూ.40,000 మరియు రూ.50,000 డిస్కౌంట్ కూపన్‌ను అందిస్తున్నారు.

కవాసకి భారతదేశంలో కె-కేర్ పేరుతో ఓ కొత్త మెయింటినెన్స్ ప్యాకేజీని కూడా ప్రవేశపెట్టింది. ఈ ప్యాకేజీని ప్రస్తుతం 2021 మోడల్ ఇయర్ నింజా జెడ్ఎక్స్-10ఆర్ మోడల్‌పై మాత్రమే అందిస్తున్నారు. కే-కేర్ మెయింటినెన్స్ ప్యాకేజీలో విస్తరించిన వారంటీ (ఎక్స్‌టెండెడ్ వారంటీ) మరియు వార్షిక నిర్వహణ ఒప్పందం (యాన్యువల్ మెయింటినెన్స్ కాంట్రాక్ట్)లు ఉన్నాయి.

కె-కేర్ ప్యాకేజీతో, బైక్ యొక్క వారంటీ 4 సంవత్సరాలు / 50,000 కిలోమీటర్లకు విస్తరించబడుతుంది. మరోవైపు, ఏఎమ్‌సి సర్వీస్ వ్యయంపై పొదుపును నిర్ధారిస్తుంది. ఎవరైనా వినియోగదారులు తమ కవాసకి బైక్‌ను విక్రయించినట్లయితే, ఈ కె-కేర్ ప్యాకేజీని కూడా తదుపరి యజమానికి బదిలీ చేయవచ్చు.

కవాసాకి భారత మార్కెట్లో విక్రయించే కొన్ని ప్రసిద్ధ మోడళ్లపై డిస్కౌంట్లను అందిస్తోంది. డిస్కౌంట్ తరువాత, కవాసకి వెర్సిస్ 650 ధర రూ.6.78 లక్షల (ఎక్స్-షోరూమ్)గా ఉంటుంది. పరిమిత స్టాక్‌లో లభించే నాన్-స్ట్రీట్-లీగల్ కెఎల్ఎక్స్ మరియు కెఎక్స్ మోటార్‌సైకిళ్లపై గరిష్టంగా రూ.50,000 వరకూ నగదు ప్రయోజనం లభిస్తుంది.