కవాసకి నుండి రెండు కొత్త మోటార్‌సైకిళ్లు వస్తున్నాయ్.. టీజర్ విడుదల

జపనీస్ టూవీలర్ బ్రాండ్ కవాసకి భారత మార్కెట్లో రెండు కొత్త మోటార్‌సైకిళ్లను విడుదల చేసేందుకు సిద్ధమవుతోంది. ఈ మేరకు కంపెనీ తమ సోషల్ మీడియా హ్యాండిల్‌పై ఓ కొత్త టీజర్‌ను కూడా విడుదల చేసింది.

కవాసకి నుండి రెండు కొత్త మోటార్‌సైకిళ్లు వస్తున్నాయ్.. టీజర్ విడుదల

ఈ టీజర్ వీడియోలో 'రైడ్ విత్ ప్యాషన్, న్యూ ఏజ్ సెన్సేషన్' అనే క్యాప్షన్‌తో కంపెనీ ఓ రెండు స్పోర్ట్స్ బైక్‌లను టీజ్ చేసింది. దేశంలో బిఎస్6 కాలుష్య నిబంధనలు కఠినతరం చేశాక, కవాసకి తమ ఉత్పత్తులను ఒక్కొక్కటిగా అప్‌గ్రేడ్ చేస్తూ వస్తోంది.

కవాసకి నుండి రెండు కొత్త మోటార్‌సైకిళ్లు వస్తున్నాయ్.. టీజర్ విడుదల

అయితే, కొత్తగా కవాసకి విడుదల చేయనున్న ఈ రెండు మోటార్‌సైకిళ్ల గురించి ప్రస్తుతానికి ఎలాంటి సమాచారం లేకపోయినప్పటికీ, వీటిలో ఒకటి ఖచ్చితంగా 'కవాసకి నింజా 300' యొక్క లేటెస్ట్ బిఎస్6 వెర్షన్ అని మాత్రం తెలుస్తోంది.

కవాసకి నుండి రెండు కొత్త మోటార్‌సైకిళ్లు వస్తున్నాయ్.. టీజర్ విడుదల

కవాసకి బ్రాండ్ నుండి దేశంలో అత్యధికంగా అమ్ముడైన మోటార్‌సైకిళ్లలో నింజా 300 కూడా ఒకటి. ఈ కొత్త 2021 మోడల్ నింజా 300 మునుపటి వెర్షన్‌తో పోల్చుకుంటే, సరికొత్త బాడీ గ్రాఫిక్స్, మైనర్ డిజైన్ అప్‌గ్రేడ్స్‌తో వస్తుందని అంచనా.

కవాసకి నుండి రెండు కొత్త మోటార్‌సైకిళ్లు వస్తున్నాయ్.. టీజర్ విడుదల

ఇదివరకటి మోడల్‌లో కనిపించినట్లుగా ఫ్రంట్ ఫెయిరింగ్‌పైనే అమర్చిన ఇంటిగ్రేటెడ్ ఫ్రంట్ టర్న్ ఇండికేటర్స్, ట్విన్-పాడ్ హెడ్‌లైట్ సెటప్, సెమీ డిజిటల్ ఇన్‌స్ట్రుమెంట్ క్లస్టర్, మజిక్యులర్ ఫ్యూయెల్ ట్యాంక్, స్ప్లిట్ స్టైల్ సీట్స్ వంటి అనేక డిజైన్ ఎలిమెంట్స్‌లో ఎలాంటి మార్పులు ఉండబోవని తెలుస్తోంది.

కవాసకి నుండి రెండు కొత్త మోటార్‌సైకిళ్లు వస్తున్నాయ్.. టీజర్ విడుదల

ఇంజన్ విషయానికి, మునుపటి కవాసకి నింజా 300లో ఉపయోగించిన 296 సిసి, లిక్విడ్-కూల్డ్, పారలల్-ట్విన్ ఇంజన్ గరిష్టంగా 38.4 బిహెచ్‌పి పవర్‌ను మరియు 27 ఎన్‌ఎమ్ టార్క్‌ను ఉత్పత్తి చేస్తుంది. ఈ ఇంజన్ బిఎస్6 అప్‌గ్రేడ్ కారణంగా ఈ గణాంకాల్లో స్వల్ప మార్పు ఉండే అవకాశం ఉంది.

కవాసకి నుండి రెండు కొత్త మోటార్‌సైకిళ్లు వస్తున్నాయ్.. టీజర్ విడుదల

ఈ ఇంజన్ స్లిప్పర్ క్లచ్‌తో కూడిన సిక్స్-స్పీడ్ గేర్‌బాక్స్‌తో జతచేయబడి ఉంటుంది. ఈ కొత్త 2021 మోడల్ కవాసకి నింజా 300 ఇప్పుడు కవాసకి బ్రాండ్ యొక్క డెడికేటెడ్ 'రైడాలజీ' కనెక్టివిటీ అప్లికేషన్‌తో వచ్చే అవకాశం ఉంది.

కవాసకి నుండి రెండు కొత్త మోటార్‌సైకిళ్లు వస్తున్నాయ్.. టీజర్ విడుదల

ఈ అప్లికేషన్ బ్లూటూత్-కనెక్టెవిటీ ఫీచర్‌ను కలిగి ఉండి, రైడర్ తన స్మార్ట్‌ఫోన్ సాయంతో మోటార్‌సైకిల్‌కు రిమోట్‌గా కనెక్టయ్యి, వివిధ రకాల సమాచారాన్ని పొందేందుకు సహకరిస్తుంది. ఈ బైక్‌లో కొత్తగా చేసిన అప్‌గ్రేడ్స్ కారణంగా, దీని ధర కూడా అధికంగా ఉండే అవకాశం ఉంది.

కవాసకి నుండి రెండు కొత్త మోటార్‌సైకిళ్లు వస్తున్నాయ్.. టీజర్ విడుదల

గతంలో బిఎస్4 వెర్షన్ కవాసకి నింజా 300 మోటార్‌సైకిల్‌ను రూ.2.98 లక్షలు (ఎక్స్-షోరూమ్)లకు విక్రయించేవారు. కాగా, ఈ కొత్త 2021 మోడల్ కవాసకి నింజా 300 ధర సుమారు రూ.3.20 లక్షలు (ఎక్స్-షోరూమ్) రేంజ్‌లో ఉండొచ్చని అంచనా.

కవాసకి నుండి రెండు కొత్త మోటార్‌సైకిళ్లు వస్తున్నాయ్.. టీజర్ విడుదల

అప్‌గ్రేడెడ్ కవాసకి నింజా 300 మోటార్‌సైకిల్ కోసం ఇప్పటికే కొన్ని డీలర్‌షిప్ కేంద్రాలు అనధికారిక బుకింగ్‌లను కూడా స్వీకరిస్తున్నట్లుగా తెలుస్తోంది. ఈ మోడల్‌లో ఉపయోగించే భాగాలను స్థానికంగా సమీకరించడం ద్వారా కంపెనీ ఈ మోటార్‌సైకిల్ ఉత్పత్తి వ్యయాన్ని గణనీయంగా తగ్గించాలని చూస్తోంది.

కవాసకి నుండి రెండు కొత్త మోటార్‌సైకిళ్లు వస్తున్నాయ్.. టీజర్ విడుదల

కాగా, ఈ టీజర్ ఫొటోలో కవాసకి పేర్కొన్న రెండవ మోటార్‌సైకిల్‌కు సంబంధించి ప్రస్తుతానికి ఎలాంటి సమాచారం లేదు. అయితే, రానున్న వారాల్లో దీనికి సంబంధించి కొంత సమాచారం తెలిసే అవకాశం ఉంది. బహుశా ఇది పూర్తిగా సరికొత్త మోడల్ అయి ఉంటుందని అంచనా.

Most Read Articles
1976

English summary
Kawasaki India Teases Two New Motorcycles; Launch Expected Soon. Read in Telugu.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X