జపాన్ మార్కెట్లో కొత్త 2021 హోండా డియో స్కూటర్ విడుదల; ఫీచర్లు

హోండా డియా స్కూటర్ స్టైలిష్ రూపం మరియు స్పోర్టీ పెర్ఫార్మెన్స్‌తో యువ కొనుగోలుదారులను తొలిచూపులోనే ఆకట్టుకుంటోంది. మంచి రోడ్ ప్రెజెన్స్ కలిగి ఈ స్కూటర్ ఇప్పుడు తాజాగా జపాన్ మార్కెట్లో కూడా లభ్యం కానుంది.

అయితే, జపాన్ మార్కెట్లో విడుదలైన కొత్త 2021 హోండా డియో స్కూటర్, ప్రస్తుతం భారత మార్కెట్లో లభిస్తున్న డియో మోడల్ కన్నా కాస్తంత భిన్నంగా ఉంటుంది. ఈ కొత్త మోడల్‌లో హెడ్‌ల్యాంప్ మరియు టర్న్ ఇండికేటర్ ల్యాంహ్ హౌసింగ్ చాలా కొత్తగా అనిపిస్తుంది.

MOST READ:ఈ టైర్లు పంక్చర్ కావు.. ఇదేంటనుకుంటున్నారా.. వీడియో చూడండి

ఇందులో హెడ్‌ల్యాంప్ హ్యాండిల్ బార్‌కు అమర్చబడి ఉంటుంది. టర్న్ ఇండికేటర్స్ మరియు ఎల్ఈడి డేటైమ్ రన్నింగ్ లైట్లను ఫ్రంట్ బాడీ క్లస్టర్‌లో అమర్చబడి ఉంటాయి. అయితే, ఓవరాల్ డిజైన్ సిల్హౌట్ మాత్రం అలానే ఉంటుంది.

ఈ స్పోర్టీ హోండా డియో స్కూటర్‌లో సరికొత్త ఇన్‌స్ట్రుమెంట్ క్లస్టర్ ఉంటుంది, ఇది స్కూటర్ స్పీడ్, ఇంధన స్థాయి మరియు ఇతర ప్రాథమిక సమాచారాన్ని రైడర్‌కు తెలియజేస్తుంది. ఇంకా ఇందులో ఇంజన్ ఇమ్మొబిలైజర్, హాఫ్ లీటర్ వాటర్ బాటిలో హోల్డర్ వంటి ఫీచర్లు కూడా ఉన్నాయి.

MOST READ:శిల్పా శెట్టి గ్యారేజ్‌లో చేరిన మరో ఖరీదైన లగ్జరీ కార్, ఇదే

ఈ స్కూటర్ సీట్ క్రింది భాగంలో ఓ ఫుల్ ఫేస్ హెల్మెట్‌కు సరిపోయేంతగా 18 లీటర్ల స్టోరేజ్ స్పేస్ ఉంటుంది. కొత్త 2021 హోండా డియో 110 సిసి ఎయిర్-కూల్డ్ ఇంజన్‌ను ఉపయోగించారు. ఈ ఇంజన్ గరిష్టంగా 8.7 పిఎస్ శక్తిని మరియు 9 ఎన్ఎమ్ టార్క్‌ను ఉత్పత్తి చేస్తుంది.

బ్రేకింగ్ విషయానికి వస్తే, ముందు వైపు డిస్క్ మరియు వెనుక వైపు డ్రమ్ బ్రేక్స్ ఉంటాయి. ఇవి కాంబీ బ్రేకింగ్ సిస్టమ్‌ను సపోర్ట్ చేస్తాయి. ఇక సస్పెన్షన్ విషయానికి వస్తే, ముందు భాగంలో టెలిస్కోపిక్ ఫోర్కులు మరియు వెనుక భాగంలో సింగిల్ షాక్ అబ్జార్వర్ ఉంటాయి.

MOST READ:ప్రమాదానికి గురైన శిల్పా శెట్టి భర్త కార్, కానీ కార్‌లో ఉన్నది మాత్రం అతడు కాదు.. ఇంకెవరు

జపాన్ మార్కెట్లో కొత్త 2021 హోండా డియో స్కూటర్ ధర 2,20,00 జపనీస్ యెన్‌లుగా ఉంది. అక్కడి మార్కెట్లో ఇది నాలుగు రంగులలో లభిస్తుంది. అవి: మ్యాట్ స్టార్ బ్లూ మెటాలిక్, మ్యాట్ గెలాక్సీ బ్లాక్ మెటాలిక్, పెరల్ అండ్ జాస్మిన్ వైట్ మరియు సిల్వర్ మెటాలిక్.

జపనీస్ మార్కెట్లో విడుదలైన ఈ కొత్త 2021 హోండా డియో స్కూటర్ మన దేశ కరెన్సీలో సుమారు రూ.1.5 లక్షల వెలను కలిగి ఉంటుంది. అధిక ధర కారణంగా, హోండా ఈ కొత్త 2021 డియో స్కూటర్‌ను భారతదేశంలో విడుదల చేసే అవకాశం లేదు.

MOST READ:ఫ్రెంచ్ బ్రాండ్ సిట్రోయెన్ సి5 ఎయిర్‌క్రాస్ ఫస్ట్ డ్రైవ్ రివ్యూ.. వచ్చేసింది.. చూసారా..!