Just In
- 12 hrs ago ఏథర్ రిజ్టా ఎలక్ట్రిక్ స్కూటర్కు పోటీగా ఆంపియర్ NXG.. ఆ రోజే లాంచ్
- 13 hrs ago క్రాష్ టెస్ట్లో శభాష్ అనిపించిన కియా కేరెన్స్.. ఆ విభాగంలో 5 స్టార్ రేటింగ్
- 16 hrs ago వందేళ్ల వయసులో తాత జోరు.. 50 ఏళ్ల ప్రీమియర్ పద్మినిలో షికారు.. వీడియో చూసేయండి
- 18 hrs ago ఈ కార్లు కొనుగోలు చేసేవారికి శుభవార్త!.. మైండ్ బ్లోయింగ్ డిస్కౌంట్స్
Don't Miss
- Movies Karthika Deepam 2 April 24th: దీప తాళికట్టిన భార్య.. నరసింహ చెప్ప పగలగొట్టిన సుమిత్ర
- News త్వరలో గురు-శుక్ర సంయోగం.. ఈ రాశులవారికి పట్టిందల్లా బంగారం
- Sports CSK vs LSG: అతని వల్లే గెలిచే మ్యాచ్లో ఓడాం: రుతురాజ్ గైక్వాడ్
- Lifestyle ఈ 4 రాశుల వారు ఉత్తమ సెక్స్ భాగస్వాములు అవుతారు... వీరిని లైఫ్ పార్ట్నర్ గా పొందడం అదృష్టం!
- Technology ధర రూ.10 వేల కంటే తక్కువ ధరకే రియల్మి 5G స్మార్ట్ఫోన్.. విడుదల తేదీ ఖరారు..!
- Finance Market Closing: లాభాల్లో ముగిసిన సెన్సెక్స్-నిఫ్టీ.. మార్కెట్లను లాగిన మెటల్ స్టాక్స్..
- Travel ఫ్యామిలీ ట్రిప్ ప్లాన్ చేస్తున్నారా? అయితే, తెలంగాణలోని ఈ ప్రాంతం బెస్ట్..!
సుజుకి హయబుసాకి పోటీగా కొత్త 2021 కవాసాకి జెడ్ఎక్స్-14ఆర్ ఆవిష్కరణ!
జపనీస్ ప్రీమియం మోటార్సైకిల్ బ్రాండ్ కవాసకి తమ సరికొత్త 2021 జెడ్ఎక్స్-14ఆర్ సూపర్బైక్ను అమెరికన్ మార్కెట్లో ఆవిష్కరించింది. ఇది కొత్త గ్రాఫిక్స్తో పాటుగా కొత్త పెయింట్ స్కీమ్తో రానుంది. కాకపోతే, ఇందులోని మెకానికల్స్ మరియు ఇతర విడిభాగాల్లో మాత్రం ఎలాంటి మార్పులు ఉండబోవు.
కొత్త 2021 జెడ్ఎక్స్-14ఆర్ సూపర్బైక్ ఈ విభాగంలో నేరుగా సుజుకి హయబుసాతో పోటీ పడనుంది. కవాసాకి నింజా జెడ్ఎక్స్-14 ఆర్ ఒక ప్రత్యేకమైన మోటార్సైకిల్. ఇది దాని ప్రత్యేకమైన డిజైన్ మరియు పెద్ద పరిమాణంతో తక్షణమే గుర్తించదగిన మోటారుసైకిల్.
కవాసకి నింజా జెడ్ఎక్స్-14ఆర్ సూపర్బైక్ను మొట్టమొదట 2006 లో ప్రారంభించారు. ఇది మొదటిసారిగా మార్కట్లోకి వచ్చినప్పుడు, కవాసాకి నింజా జెడ్ఎక్స్-14ఆర్ ప్రపంచంలోనే అత్యంత శక్తివంతమైన ప్రొడక్షన్ మోటార్సైకిల్గా అవతరించింది.
ఇది ప్రపంచంలోని ఇతర సూపర్ స్పోర్ట్ / స్పోర్ట్స్ టూరర్ మోటార్సైకిళ్ల కంటే ఎక్కువ స్థానభ్రంశం (ఇంజన్ డిస్ప్లేస్మెంట్ లేదా ఇంజన్ సీసీ) కలిగి ఉంటుంది. వాస్తవానికి, ఇది ఈ రోజు వరకు కూడా అతిపెద్ద ఇంజన్ కలిగిన సూపర్స్పోర్ట్ / స్పోర్ట్స్ టూరర్ మోటార్సైకిల్.
కవాసాకి ఇప్పుడు అమెరికన్ మార్కెట్లో ఈ లెజెండరీ మోటార్సైకిల్ యొక్క 2021 వెర్షన్ను విడుదల చేసింది. పెరల్ స్టార్మ్ గ్రే / మెటాలిక్ డయాబ్లో బ్లాక్ అనే కొత్త కలర్ స్కీమ్ ఇందులో అతిపెద్ద మార్పుగా ఉంటుంది. ఇది మెటాలిక్ బ్లాక్ పెయింట్ ఫినిషింగ్స్తో కలిపి రెడ్ యాక్సెంట్స్ పొందుతుంది.
ఈ మార్పు మినహా, ఈ మోటారుసైకిల్ ఓవరాల్ డిజైన్ మరియు ఫీచర్లు మాత్రం మారకుండా అలానే ఉంటుంది. ఇంజన్ విషయానికి వస్తే, ఇందులో అదే ఇన్లైన్ ఫోర్ సిలిండర్ 1,441 సిసి ఇంజన్ను ఉపయోగించారు. ఈ ఇంజన్ గరిష్టంగా 197.2 బిహెచ్పి శక్తిని మరియు 153.5 ఎన్ఎమ్ గరిష్ట టార్క్ను ఉత్పత్తి చేస్తుంది. ఇది 6-స్పీడ్ గేర్బాక్స్తో జతచేయబడి ఉంటుంది.
ఆసక్తికరమైన విషయం ఏంటంటే, ఈ ఇంజన్ ఇప్పటికీ యూరో 5 / బిఎస్ 6 ఉద్గార నిబంధనలకు లోబడి ఉండదు. అంతేకాకుండా, ఇందులోని పాత ప్రైమరీ ఎలక్ట్రానిక్స్ ప్యాకేజీ కూడా అలాగే ఉంచబడింది. ఇది రెండు రైడింగ్ మోడ్లు, ట్రాక్షన్ కంట్రోల్ మరియు ఏబిఎస్ ఫీచర్లను కలిగి ఉంటుంది.
నిజానికి ఈ ఎలక్ట్రానిక్ ఫీచర్లు ఓ 2021 వెర్షన్ సూపర్బైక్లో ఉండాల్సినవి కావు. ఆధునిక టెక్నాలజీ అందుబాటులోకి వచ్చిన ఈ రోజుల్లో కూడా కొత్త 2021 కవాసకి నింజా జెడ్ఎక్స్-14ఆర్ సూపర్బైక్ పాత ఫీచర్లనే కలిగి ఉండటం మోటారిస్టులను నిరుత్సాహపరచే అంశం.
కవాసాకి ఈ మోటారుసైకిల్ను ఎక్కువగా అభివృద్ధి చేయడానికి ప్రయత్నించలేదనిపిస్తుంది. బహుశా కవాసకి నింజా జెడ్ఎక్స్-14ఆర్ సూపర్బైక్లో ఇదే చివరి అప్గ్రేడ్ కావచ్చని తెలుస్తోంది. ఈ మోటార్సైకిల్లో అతిపెద్ద మార్పులను చివరిసారిగా 2012లో చేశారు. దాదాపు ఒక దశాబ్దం తరువాత కూడా ఈ మోటార్సైకిల్ ఇప్పటికీ అదే విధంగా ఉంది.