స్పాట్ టెస్ట్‌లో కనిపించిన కొత్త బజాజ్ పల్సర్ 250ఎఫ్ బైక్; వివరాలు

బజాజ్ కంపెనీ తన పల్సర్ సిరీస్ బైకుల కోసం పూర్తిగా కొత్త ప్లాట్‌ఫామ్‌ను అభివృద్ధి చేస్తున్నట్లు సమాచారం. ఇందులో భాగంగానే సరికొత్త పల్సర్ 250 ఎఫ్ బైక్ స్పాట్ టెస్ట్ లో గుర్తించబడింది. ఈ కొత్త బజాజ్ పల్సర్ 250ఎఫ్ బైక్‌ను ఈ ఏడాది చివర్లో భారత మార్కెట్లో విడుదలచేసే అవకాశం ఉంది.

కొత్త బజాజ్ పల్సర్ 250 సెమీ ఫెయిర్ బైక్ భారతదేశంలో తొలిసారిగా స్పాట్ టెస్ట్ లో గుర్తించబడింది. ఈ కొత్త బైక్ యొక్క స్పాట్ టెస్ట్ ఫోటోలను వెల్లడించింది. ఈ మోడల్‌ను పల్సర్ 250ఎఫ్ అని పిలుస్తారు. ఫోటోలలో కనిపించిన విధంగా ఈ పల్సర్ 250 ఎఫ్ చూడటానికి చాలా స్టైలిష్ గా ఉంది.

ఈ కొత్త పల్సర్ 250 ఎఫ్ బైక్‌లో క్వార్టర్ ఫెయిరింగ్, ఫ్యూయల్ ట్యాంక్, ఫెయిరింగ్-మౌంటెడ్ రియర్ వ్యూ మిర్రర్స్, హెడ్‌ల్యాంప్ విభాగానికి ఆనుకొని ఉన్న క్లిప్-ఆన్ హ్యాండిల్‌బార్ ఉన్నాయి. ఈ కొత్త బైక్‌కు గ్రాబ్ రైల్ మరియు కొత్త ఎల్‌ఈడీ టెయిల్ లాంప్ డిజైన్ లభిస్తుంది. ఇందులో అల్లాయ్ వీల్స్, టైర్ హగ్గర్స్, డిస్క్ బ్రేక్స్ మరియు ఎగ్జాస్ట్ కూడా ఉన్నాయి.

ఈ కొత్త పల్సర్ 250ఎఫ్ ఇంజిన్ విషయానికొస్తే, ఇందులో సరికొత్త 250 సిసి ఆయిల్-కూల్డ్ ఇంజిన్‌ ఉంటుంది. ఈ ఇంజన్ సుమారు 24 బిహెచ్‌పి శక్తిని ఉత్పత్తి చేయగలదని భావిస్తున్నారు. ఈ ఇంజిన్ 6-స్పీడ్ గేర్‌బాక్స్‌తో జతచేయబడి ఉంటుంది. ఈ బైక్‌లో స్ప్లిట్ సీట్లు కూడా ఉంటాయి, ఈ సెమీ ఫైర్డ్ బైక్ కొద్దిగా స్పోర్టి లుక్ కలిగి ఉంటుంది.

బజాజ్ పల్సర్ 250 ఎఫ్ బైక్ యొక్క సస్పెన్షన్ సెటప్ విషయానికి వస్తే, ఈ బైక్ యొక్క ముందు భాగంలో స్టాండర్డ్ టెలిస్కోపిక్ ఫోర్కులు మరియు వెనుక భాగంలో మోనో షాక్ సెటప్‌తో వస్తుంది. అదే విధంగా ఇందులో ఉన్న బ్రేకింగ్ విషయానికి వస్తే, ఈ బైక్ ముందు మరియు వెనుక భాగంలో డిస్క్ బ్రేక్‌లు కలిగి ఉంటుంది.

ఈ కొత్త బైక్ లో డ్యూయెల్ ఛానల్ ఏబీఎస్ స్టాండర్డ్ గా అందించబడుతుంది. ఈ కొత్త బైక్‌ను ఈ ఏడాది చివర్లో భారత మార్కెట్లో విడుదల చేసే అవకాశం ఉంది. కొత్త బజాజ్ పల్సర్ 250ఎఫ్ భారత మార్కెట్లోకి ప్రవేశించిన తర్వాత సుజుకి జిక్సర్ 250, యమహా ఎఫ్ జెడ్-25 మరియు కెటిఎమ్ డ్యూక్ 250 వంటి వాటికి ప్రత్యర్థిగా ఉంటుంది.

భారత మార్కెట్లో ఈ బైక్ విడుదలైన తరువాత ఇతర కంపెనీలకు మంచి ప్రత్యర్థిగా ఉంటుంది. ఈ కొత్త బైక్ చూడటానికి చాలా ఆకర్షణీయంగా ఉంటుంది. ఈ బైక్ మునుపటి మోడల్స్ లాగే మంచి అమ్మకాలతో అత్యంత ప్రజాదరణ పొందుతుందని ఆశిస్తున్నాము.

Source: Bikewale