2021 F3 రోసో సూపర్‌స్పోర్ట్ బైక్‌ ఆవిష్కరించిన ఎంవి అగస్టా; వివరాలు

కొత్త 2021 ఎంవి అగస్టా ఎఫ్3 రోసో సూపర్‌స్పోర్ట్ బైక్‌లోని అతిపెద్ద అప్‌గ్రేడ్ ఏమిటంటే, ఇందులో ఉన్న ఇంజిన్. ఇది యూరో 5 కాలుష్య నియమాలకు అనుగుణంగా అప్డేట్ చేయబడింది. ఈ బైక్ 798 సిసి, ఇన్లైన్ త్రీ సిలిండర్, లిక్విడ్-కూల్డ్ సెటప్ కలిగి ఉంది. ఈ ఇంజిన్ 13,000 ఆర్‌పిఎమ్ వద్ద 145 బిహెచ్‌పి శక్తిని మరియు 10,100 ఆర్‌పిఎమ్ వద్ద 87 ఎన్ఎమ్ పీక్ టార్క్ ఉత్పత్తి చేస్తుంది.

యూరో 5 కాలుష్య నియమాలకు అనుగుణంగా అప్డేట్ కాకముందు ఎంవి అగస్టా ఎఫ్ 3 రోసో బైక్‌లోని ఇంజన్ 13,000 ఆర్‌పిఎమ్ వద్ద 146 బిహెచ్‌పి మరియు 10,600 ఆర్‌పిఎమ్ వద్ద 88 ఎన్ఎమ్ ఉత్పత్తి చేసింది. ఇంజిన్ 6-స్పీడ్ గేర్‌బాక్స్ క్విక్-షిఫ్ట్ ఈఏఎస్ 3.0 ద్వి-డైరెక్షనల్ క్విక్‌షిఫ్టర్‌తో అమర్చబడి ఉంటుంది.

ఈ కొత్త సూపర్‌స్పోర్ట్ బైక్‌లో ఎలక్ట్రానిక్ రైడర్ ఎయిడ్స్ ఉన్నాయి. ఇందులో ఎబిఎస్ మరియు ట్రాక్షన్ కంట్రోల్ కూడా ఉన్నాయి. కాక్‌పిట్‌లో బ్లూటూత్-కనెక్టివిటీతో 5.5 ఇంచెస్ టిఎఫ్‌టి డిస్‌ప్లే ఉంది. ఇది వాహనదారునికి కావలసిన సమాచారాన్ని అందిస్తుంది.

ఇది ఎంజి రైడ్ అప్లికేషన్‌తో పనిచేస్తుంది. కొత్త ఎంవి అగస్టా ఎఫ్ 3 రోసో సూపర్‌స్పోర్ట్ బైక్ యొక్క స్టైలింగ్ మొత్తం దాన్ని పాత మోడల్ మాదిరిగానే ఉంటుంది. కావున ఈ కొత్త బైక్ లో స్టైలింగ్ పరంగా ఎటువంటి అప్డేట్స్ నిర్వహించబడలేదు.

ఈ బైక్‌లో సింగిల్-పాడ్ హెడ్‌లైట్లు, రియర్-వ్యూ మిర్రర్ ఇంటిగ్రేటెడ్ టర్న్ ఇండికేటర్స్, ఫుల్-ఫెయిరింగ్ డిజైన్, స్ప్లిట్-స్టైల్ సీట్లు, ట్రిపుల్-అవుట్ ఎగ్జాస్ట్ బాక్స్ మరియు సింగిల్ సైడెడ్ స్వింగార్మ్ వంటివి ఉన్నాయి.

కొత్త 2021 ఎంవి అగస్టా ఎఫ్ 3 రోసో సూపర్‌స్పోర్ట్ బైక్ యొక్క సస్పెన్షన్ సెటప్ విషయానికి వస్తే, దాని ముందు భాగంలో మార్జోరీ అప్ సైడ్‌ఫోర్క్ మరియు వెనుక భాగంలో సాచ్స్ మోనో-షాక్ సెటప్ ఉన్నాయి. ఇవన్నీ ఈ బైక్ యొక్క సామర్థ్యాన్ని మరింత పెంచడానికి అనుకూలంగా ఉంటుంది.

ఈ కొత్త బైక్ యొక్క బ్రేకింగ్ సిస్టమ్ విషయానికి వస్తే, దీని ముందు భాగంలో ట్విన్ డిస్క్ బ్రేక్‌లు మరియు వెనుక భాగంలో సింగిల్ రోటర్ మరియు బ్రెంబో బేస్డ్ కాలిపర్లు ఉన్నాయి. ఈ బైక్ లో మంచి సేఫ్టీ ఫీచర్లు కూడా ఉంటాయి. కంపెనీ అందించిన సమాచారం ప్రకారం ఇది త్వరలో అంతర్జాతీయ మార్కెట్లో విడుదల కానుంది. కానీ భారతదేశంలో లాంచ్ అవుతుందా అనే విషయం గురించి ఖచ్చితమైన సమాచారం లేదు.