భారత్‌లో విడుదలకు సిద్దమైన కొత్త యమహా ఎఫ్‌జెడ్-ఎక్స్ బైక్; వివరాలు

కంపెనీ నివేదికల ప్రకారం, కొత్త యమహా ఎఫ్‌జెడ్-ఎక్స్‌ 2021 జూన్ 18 న ఉదయం 11:00 గంటలకు వర్చువల్ ఈవెంట్ ద్వారా ప్రారంభించబడుతుంది. టీవీసీ చిత్రీకరణ సమయంలో ఈ కొత్త యమహా ఎఫ్‌జెడ్-ఎక్స్ యొక్క రహస్య చిత్రాలు బయటపడ్డాయి. ఈ కొత్త యమహా ఎఫ్‌జెడ్-ఎక్స్ బైక్‌ను భారతదేశంలో అనేకసార్లు టెస్ట్ చేయబడింది.

కొత్త ఎఫ్‌జెడ్-ఎక్స్‌ బైక్ డిజైన్ విషయానికొస్తే, ఇది టియర్ ఐ ఆకారపు ఇంధన ఫ్యూయెల్ ట్యాంక్ తో లేటెస్ట్ రెట్రో రూపాన్ని కలిగి ఉంది. ఈ బైక్ లో రోడ్‌స్టర్ డిజైన్‌తో ట్యాంకుకు ఫెయిరింగ్ లేదా ట్రిమ్ లేదని ఇక్కడ మీరు గమనించవచ్చు. అయితే దీనికి బదులుగా మధ్యలో బ్లాక్ అవుట్ స్ట్రిప్‌తో డ్యూయల్-టోన్ ఫ్యూయెల్ ట్యాంక్ కలిగి ఉంటుంది.

ఈ కొత్త యమహా ఎఫ్‌జెడ్-ఎక్స్‌ గుండ్రని ఆకారంలో ఉండే హెడ్‌ల్యాంప్‌లు, బ్లాక్ అవుట్ ఫెండర్లు, ఎగ్జాస్ట్, రిబ్బెడ్ సింగిల్-పీస్ సీట్, రియర్ గ్రాబ్ రైల్, టైర్ హగ్గర్, సింగిల్ పాడ్ ఇన్‌స్టంట్ క్లస్టర్‌తో ఇంటిగ్రేటెడ్ డిఆర్‌ఎల్‌లు వంటి వాటిని కూడా కలిగి ఉంటుంది. ఇందులో ఉన్న క్లస్టర్ దాని స్టాండర్డ్ మోడల్ నుండి తీసుకోబడింది.

ఈ కొత్త ఎఫ్‌జెడ్-ఎక్స్‌ బైక్ మంచి రైడింగ్ అనుభవాన్ని అందిస్తుంది. కావున దీనికి అనుకూలంగా ఉండే ఒక మంచి సీటింగ్ కూడా ఉంటుంది. ఇది విస్తృత హ్యాండిల్ బార్ మరియు ఫుట్‌పెగ్ కలిగి ఉంది. ఇది చూడటానికి చాలా ఆకర్షణీయంగా ఉంటుంది.

కొత్త ఎఫ్‌జెడ్-ఎక్స్‌ బైక్ యొక్క కొలతల విషయానికి వస్తే, దీని పొడవు 2020 మిమీ, 785 మిమీ వెడల్పు మరియు 1115 మిమీ ఎత్తు కలిగి ఉంటుంది. ఈ యమహా ఎఫ్‌జెడ్-ఎక్స్ బైక్‌ యొక్క వీల్ బేస్ 1330 మిమీ వరకు ఉంటుంది. యమహా ఎఫ్‌జెడ్ -150 బైక్‌లో కూడా ఇలాంటి వీల్‌బేస్ ఉంటుంది.

కొత్త యమహా ఎఫ్‌జెడ్-ఎక్స్ బైక్ యొక్క సస్పెన్షన్ సెటప్ విషయానికొస్తే, దీని ముందు భాగంలో టెలిస్కోపిక్ ఫోర్క్ మరియు వెనుక భాగంలో మోనో-షాక్ సెటప్‌తో ప్రీ-లోడ్ అడ్జస్టబుల్ కలిగి ఉంటుంది. ఇక బ్రేకింగ్ విషయానికి వస్తే, ఈ బైక్ యొక్క ముందు భాగంలో 282 మిమీ డిస్క్ బ్రేక్ మరియు వెనుక వైపు 220 మిమీ డిస్క్ బ్రేక్ ఉంటుంది. దీనితో పాటు సింగిల్-ఛానల్ ఎబిఎస్‌ను కూడా ఇందులో ఉంటుంది.

యమహా కంపెనీ యొక్క కొత్త ఎఫ్‌జెడ్-ఎక్స్ అనేది భారత మార్కెట్లో బ్రాండ్ నుండి వచ్చిన స్పెషల్ ఆఫర్. ఈ బైక్ చాలా సింపుల్ డిజైన్ కలిగి ఉంది. అంతే కాదు చూడటానికి చాలా ఆకర్షణీయంగా కూడా ఉంటుంది. కొత్త ఎఫ్‌జెడ్-ఎక్స్ బైక్ భారతదేశంలో లాంచ్ అయిన తర్వాత కవాసకి డబ్ల్యూ 175 బైక్‌లకు ప్రత్యర్థిగా ఉంటుంది.

Source: Bikewale