ఒక ఛార్జ్‌తో 130 కి.మీ.. డ్రైవింగ్ లైసెన్స్ అవసరమే లేని కొత్త ఒకినవ స్కూటర్

ఈ ఒకినవ ఎలక్ట్రిక్ స్కూటర్ వ్యక్తిగత ఉపయోగం కోసం కూడా ఉపయోగించవచ్చని కంపెనీ తెలిపింది. ఇందుకోసం కంపెనీ కస్టమైజేషన్ ఆప్షన్లను కూడా ఇందులో అందించింది. భారత మార్కెట్లో విడుదలైన ఈ ఒకినావా డ్యూయల్‌ ఎలక్ట్రిక్ స్కూటర్ ధర 58,998 రూపాయలు.

భారత మార్కెట్లో ఈ స్కూటర్ జెమోపాయ్ మిసోతో ప్రత్యేకంగా పోటీ పడబోతోంది. ఈ స్కూటర్ యొక్క ప్రత్యేక లక్షణం ఏమిటంటే ఇది 200 కిలోల వరకు బరువును మోయగల సామర్థ్యాన్ని కలిగి ఉంటుంది. కావున లగేజ్ మోయడానికి ఇది చాలా బాగా ఉపయోగపడుతుంది.

MOST READ:అమెరికా కొత్త ప్రెసిడెంట్ జో బైడెన్ ఉపయోగించే 'దెయ్యం' కారు గురించి తెలుసా?

ఈ కొత్త ఒకినవ డ్యూయెల్ ఎలక్ట్రిక్ స్కూటర్ లో ఫ్రంట్ మరియు రియర్ లోడింగ్ క్యారియర్‌లను కలిగిఉంది. ఇందులో గ్యాస్ సిలిండర్లు, హెవీ హార్డ్‌వేర్ పరికరాలు, వాటర్ క్యాన్లు, కిరాణా, మందులు, కోల్డ్ స్టోరేజ్ మొదలైన వస్తువులను ఈ క్యారియర్‌లపై ఉంచుకుని సులభంగా తీసుకెళ్లవచ్చు.

దీని కోసం ఒకినవ డెలివరీ బాక్స్‌లు, స్టాక్ చేయగల డబ్బాలు మరియు కోల్డ్ స్టోరేజ్ బాక్స్‌లు వంటి అనేక అదనపు అనుకూలీకరించదగిన యాక్సససరీస్ కూడా అందిస్తోంది. ఒకినావా ఈ ఎలక్ట్రిక్ స్కూటర్ ని రెండు కలర్ అప్సన్లలో అందిస్తుంది. అవి ఫైర్ రెడ్ మరియు షాన్షైన్ ఎల్లో కలర్స్.

MOST READ:బైక్ మ్యూజియంలో అగ్నికి ఆహుతైన అరుదైన వాహనాలు

ఒకినవ డ్యూయల్ దాదాపు 70% మెటల్ బాడీని ఉపయోగిస్తుందని అంతే కాకుండా కంపెనీ ఉత్పత్తుల్లో 92 శాతం స్థానికీకరించబడిందని కంపెనీ అధికారికంగా ప్రకటించింది. ఏప్రిల్ 2021 నాటికి ఇది 100% చేరుకోవడమే లక్ష్యమని కూడా కంపెనీ పేర్కొంది.

ఒకినవ డ్యూయల్ ఎలక్ట్రిక్ స్కూటర్ 250 వాట్ల ఎలక్ట్రిక్ మోటారును ఉపయోగిస్తుంది. ఇది గరిష్టంగా 25 కిలోమీటర్ల వేగంతో ప్రయాణిస్తుంది. కావున వాహనదారులు ఈ స్కూటర్‌ను నడపడానికి ప్రత్యేకంగా డ్రైవింగ్ లైసెన్స్ మరియు ఆర్‌సి వంటివి తీసుకోవాల్సిన అవసరం లేదు.

MOST READ:బువ్వ తిను, బుల్లెట్ బైక్ పట్టుకెళ్లు: రాయల్ ఎన్‌ఫీల్డ్ 'బుల్లెట్' థాలి ఛాలెంజ్

ఈ స్కూటర్ 48 వాట్ల 55Ah వేరు చేయగలిగిన లిథియం అయాన్ బ్యాటరీని కలిగి ఉంటుంది. ఈ బ్యాటరీని కేవలం 1.5 గంటల్లో 80 శాతం, 4 నుంచి 5 గంటల్లో 100 శాతం ఛార్జ్ చేసుకోగలదు. ఈ కొత్త ఒకినవ డ్యూయెల్ ఎలక్ట్రిక్ స్కూటర్ బరువు 75 కిలోలు. ఈ స్కూటర్ ఒకే ఛార్జీతో 130 కిలోమీటర్ల పరిధిని అందిస్తుందని కంపెనీ పేర్కొంది.

ఒకినవ డ్యూయెల్ ఎలక్ట్రిక్ స్కూటర్ యొక్క ఫీచర్స్ విషయానికి వస్తే, ఈ స్కూటర్‌లో రిమోట్ ఫంక్షన్, సైడ్ ఫుట్‌రెస్ట్, ఫ్రంట్ గ్లోవ్ బాక్స్ మరియు ఛార్జింగ్ పోర్ట్ వంటివి ఉన్నాయి. దీనితో పాటు, పుష్-టైప్ పిలియన్ సీట్లను కూడా కలిగి ఉంటుంది. ఈ స్కూటర్లు చూడటానికి చాలా సింపుల్ గా ఉన్నప్పటికీ చాలా ఆకర్షనీయంగా ఉంది. ఇది ప్రధానంగా వస్తువులను డెలివరీ చేయడానికి చాలా అనుకూలంగా ఉంటుంది.

MOST READ:వామ్మో.. ఆరుగురు పర్యాటకులున్న కారుని నోటితో లాగేసిన పులి [వీడియో]