ఆగస్ట్ 15న రానున్న 'సింపుల్ ఎనర్జీ' ఎలక్ట్రిక్ స్కూటర్

తాజాగా బెంగుళూరుకి చెందిన ఎలక్ట్రిక్ వెహికల్ స్టార్టప్ కంపెనీ సింపుల్ ఎనర్జీ, తమ మొట్టమొదటి ఎలక్ట్రిక్ స్కూటర్‌ను ఆగస్టు 15, 2021వ తేదీన మార్కెట్లో విడుదల చేయనున్నట్లు ప్రకటించింది. ఈ ఎలక్ట్రిక్ స్కూటర్‌ను మార్క్-2 అనే కోడ్‌నేమ్‌తో అభివృద్ధి చేస్తున్నారు.

సింపుల్ ఎనర్జీ ఇప్పటికే ఈ ఎలక్ట్రిక్ స్కూటర్‌ను భారత రోడ్లపై విస్తృతంగా పరీక్షిస్తోంది. కంపెనీ తమ ప్రొడక్షన్ వేరియంట్‌ను మార్కెట్లో విడుదల చేసేందుకు సిద్ధమవుతోంది. దేశీయ మార్కెట్లో సింపుల్ ఎనర్జీ మార్క్-2 ఎలక్ట్రిక్ స్కూటర్ ధర రూ.1.10 - రూ.1.20 లక్షల మధ్యలో ఉండొచ్చని అంచనా.

ఆసక్తికరమైన విషయం ఏంటంటే, ఈ ఎలక్ట్రిక్ స్కూటర్ పూర్తి చార్జిపై గరిష్టంగా 230 కిలోమీటర్ల రేంజ్‌ను అందిస్తుంది. ఈ మైలేజ్ విషయాన్ని స్వయంగా ఏఆర్ఏఐ (ఆటోమోటివ్ రీసెర్చ్ అసోసియేషన్ ఆఫ్ ఇండియా) ధృవీకరించిందని కంపెనీ పేర్కొంది.

ఆటోమోటివ్ రీసెర్చ్ అసోసియేషన్ ఆఫ్ ఇండియా (ఏఆర్ఏఐ) ఈ స్కూటర్‌ను పూర్తిస్థాయిలో పరీక్షించి ఒక బ్యాటరీ పూర్తి చార్జ్‌పై గరిష్టంగా 230 కిలోమీటర్ల వరకూ ప్రయాణించినట్లు ధృవీకరించింది. ఈ ప్రోటోటైప్ ఎలక్ట్రిక్ స్కూటర్‌ను ఎకో మోడ్‌లో పరీక్షించిన్నట్లు కంపెనీ తెలిపింది.

సింపుల్ ఎనర్జీ గత సంవత్సరం ఈ ఎలక్ట్రిక్ స్కూటర్ యొక్క ప్రోటోటైప్ వెర్షన్ మార్క్-1 ను ఉత్పత్తి చేసింది మరియు ఇప్పుడు ఈ ప్రోటోటైప్ యొక్క ప్రొడక్షన్ వేరియంట్ మార్క్-2 ను సిద్ధం చేసింది. సింపుల్ ఎనర్జీ మార్క్-2 ఎలక్ట్రిక్ స్కూటర్‌లో 4 కిలోవాట్ల అవర్ బ్యాటరీ ప్యాక్ ఉంటుంది.

ఈ బ్యాటరీ ప్యాక్‌ని సింపుల్ ఎనర్జీ సంస్థ స్వయంగా అభివృద్ధి చేసింది. ఈ ఎలక్ట్రిక్ స్కూటర్ యొక్క గరిష్ట వేగం గంటకు 100 కిలోమీటర్లు. ఇది కేవలం 3.6 సెకన్లలోనే గంటకు 0 - 50 కిలోమీటర్ల వేగాన్ని చేరుకోగలదు. మార్కెట్లో విడుదలైన తర్వాత, ఇది ప్రస్తుతం లభించే అత్యంత వేగవంతమైన ఈ-స్కూటర్లలో ప్రధానమైనదిగా మారుతుంది.

స్వాతంత్ర్య దినోత్సవం రోజున బెంగుళూరు నగరంలో ఈ ఎలక్ట్రిక్ స్కూటర్‌ను ప్రారంభించనున్నట్లు కంపెనీ తెలిపింది. బెంగుళూరులోనే కంపెనీ యొక్క ఆర్ అండ్ డి మరియు ఫ్యాక్టరీలను కంపెనీ ఏర్పాటు చేసింది.

మొదటి దశలో భాగంగా, ఈ ఎలక్ట్రిక్ స్కూటర్‌ను బెంగళూరులో విడుదల చేసిన తరువాత, చెన్నై మరియు హైదరాబాద్ నగరాల్లో కూడా దీనిని విడుదల చేయనున్నారు. ఆ తర్వాతి కాలంలో మరిన్ని కొత్త నగరాల్లో ఈ మోడల్‌ను ప్రవేశపెట్టనున్నారు. ఈ స్కూటర్ విడుదలకు ముందే కంపెనీ బెంగళూరులో ఛార్జింగ్ స్టేషన్లను ఏర్పాటు చేయడానికి సన్నాహాలు చేస్తోంది.

సింపుల్ ఎనర్జీ సంస్థకు బెంగుళూరులోని వైట్‌ఫీల్డ్‌లో ఒక పెద్ద తయారీ కేంద్రం ఉంది. ఈ ప్లాంట్‌లో ప్రతి సంవత్సరం 50,000 స్కూటర్లు తయారు చేయబడతాయి. ఈ స్కూటర్ల తయారీలో పూర్తిగా భారతదేశంలో తయారైన విడిభాగాలనే ఉపయోగిస్తామని మరియు దీనిని పూర్తిగా భారతదేశంలోనే తయారు చేస్తామని కంపెనీ తెలిపింది.

ఈ స్కూటర్ తయారీలో అత్యాధునిక సాంకేతిక పరిజ్ఞానానికి సంస్థ ప్రాధాన్యత ఇచ్చింది. ఇందులో కనెక్టింగ్ టెక్నాలజీతో పాటుగా IP67-రేటెడ్ వాటర్‌ప్రూఫ్ టచ్‌స్క్రీన్ డిస్‌ప్లే కూడా ఉంటుంది. మార్కెట్లోని ఇతర స్కూటర్ల మాదిరిగా ఇది హబ్ మౌంటెడ్ మోటార్‌ను కూడా స్కూటర్ మధ్య భాగంలో మోటారుని కలిగి ఉంటుంది మరియు ఇది చైన్ డ్రైవ్ ద్వారా నడుస్తుంది.

సింపుల్ మార్క్ -2లో తొలగించగల బ్యాటరీ, బ్లూటూత్ కనెక్టివిటీ, గూగుల్ మ్యాప్స్, జిపిఎస్ ఆధారిత నావిగేషన్, డిజిటల్ టచ్‌స్క్రీన్ వంటి అనేక ఫీచర్లను కలిగి ఉంటుంది. కంపెనీ రేట్ చేసిన వివరాల ప్రకారం, ఈ ఎలక్ట్రిక్ స్కూటర్ కోసం ఛార్జింగ్ సమయం వరుసగా హోమ్ ఛార్జర్ ద్వారా 40 నిమిషాలు మరియు ఫాస్ట్ ఛార్జర్ ద్వారా 17 నిమిషాలుగా ఉంటుంది.

ఇప్పటికే మార్క్ -2 ఎలక్ట్రిక్ స్కూటర్ కొనుగోలు కోసం 1,000 మందికి పైగా వినియోగదారులు ఆసక్తి చూపినట్లు కంపెనీ ఒక నివేదికలో తెలిపింది. నిధుల కొరత ఉండకుండా ఎలక్ట్రిక్ స్కూటర్లను పరిశోధించి తయారు చేయడానికి కంపెనీ పెట్టుబడిదారుల కోసం వెతుకుతోంది. తాజా నివేదిక ప్రకారం, ఈ కంపెనీ దేశంలోని 4 చిన్న మరియు పెద్ద నగరాల్లో డీలర్‌షిప్‌లు మరియు సర్వీస్ సెంటర్లను కూడా ప్రారంభించేందుకు సిద్ధంగా ఉంది.