సుజుకి వి-స్ట్రోమ్ 650ఎక్స్‌టి బిఎస్6 మోడల్‌పై రూ.1.15 లక్షల బెనిఫిట్స్!

మార్చ్ నెలలో సుజుకి వి-స్ట్రోమ్ 650ఎక్స్‌టి మోటార్‌సైకిల్‌ను కొనుగోలు చేసే కస్టమర్లు రూ.65,000 విలువైన యాక్ససరీలను మరియు రూ.50,000 విలువైన ఎక్సేంజ్ ప్రయోజనాలను పొందవచ్చు. ఈ యాక్ససరీస్‌లో అల్యూమినియం చైన్‌గార్డ్ సెంటర్ స్టాండ్ మొదలైనవి ఉన్నాయి.

ఎక్సేంజ్ ప్రయోజనాలను వద్దనుకునే వారి కోసం కంపెనీ రూ.40,000 విలువైన ఇన్సూరెన్స్ ప్రయోజనాలను అందిస్తుంది. కంపెనీ పేర్కొన్న ఎక్సేంజ్ బోనస్‌ను పొందాలంటే కస్టమర్లు తమ వద్ద పాత మోటార్‌సైకిల్‌ను కొత్త సుజుకి వి-స్ట్రోమ్ 650ఎక్స్‌టి కోసం ట్రేడ్ ఇన్ చేయాల్సి ఉంటుంది. అయితే, ఈ పాత మోడళ్లు తప్పనిసరిగా 350సీసీ కన్నా అధిక ఇంజన్ సామర్థ్యం కలిగినవి అయి ఉండాలి.

బిఎస్6 అప్‌డేట్‌తో మార్కెట్లో అందుబాటులోకి వచ్చిన సుజుకి వి-స్ట్రోమ్ 650ఎక్స్‌టి ధర రూ.8.84 లక్షలు (ఎక్స్-షోరూమ్, ఢిల్లీ)గా ఉంది. గతంలో కంపెనీ విక్రయించిన బిఎస్4 మోడల్‌తో పోలిస్తే, ఈ బిఎస్6 మోడల్ ధర రూ. రూ.1.4 లక్షలు అధికంగా ఉంటుంది.

కొత్త 2020 సుజుకి వి-స్ట్రోమ్ 650ఎక్స్‌టి బిఎస్6 మోడల్ ఇప్పుడు ఛాంపియన్ ఎల్లో నెంబర్ 2 మరియు పెరల్ గ్లాసీయర్ వైట్ అనే రెండు రంగుల్లో లభిస్తుంది. ఇందులో బిఎస్4 మోడల్‌లో ఉపయోగించిన అదే ఇంజన్‌ను బిఎస్6 ప్రమాణాలకు అనుగుణంగా అప్‌గ్రేడ్ చేశారు.

ఈ మోటార్‌సైకిల్‌లో ఉపయోగించిన 645 సిసి డిఓహెచ్‌సి వి-ట్విన్ ఇంజన్ 8800 ఆర్‌పిఎమ్ వద్ద గరిష్టంగా 69.7 బిహెచ్‌పి పవర్‌ను మరియు 6500 ఆర్‌పిఎమ్ వద్ద 62 ఎన్ఎమ్ టార్క్‌ను ఉత్పత్తి చేస్తుంది. ఈ ఇంజన్ స్టాండర్డ్ సిక్స్-స్పీడ్ గేర్‌బాక్స్‌తో జతచేయబడి ఉంటుంది. సులువైన స్టార్టింగ్ కోసం ఇందులో సుజుకి ఈజీ స్టార్ట్ సిస్టమ్ ఫీచర్ ఉంటుంది.

సుజుకి వి-స్ట్రోమ్ 650ఎక్స్‌టి బిఎస్6 అడ్వెంచర్-టూరింగ్ మోటార్‌సైకిల్‌లో ఎల్‌ఈడి హెడ్‌ల్యాంప్‌లు, ఎత్తైన మరియు సర్దుబాటు చేయగల విండ్‌స్క్రీన్, నకల్ గార్డ్స్, ఇంజన్ ప్రొటెక్టర్ ,స్పోక్ వీల్స్, సింగిల్-పీస్ సీట్, సీటు వెనుక భాగంలో లగేజ్ క్యారియర్ మరియు ఎత్తులో అమర్చిన పెద్ద సైలెన్స్ వంటి డిజైన్ ఫీచర్లు ఉన్నాయి.

మెకానిల్స్ విషయానికి వస్తే, ఇందులో ముందు వైపు 43 మిమీ సర్దుబాటు చేయగల టెలిస్కోపిక్ ఫోర్కులు మరియు వెనుక వైపు మోనో-షాక్ సస్పెన్షన్ సెటప్ ఉంటాయి. అలాగే, ముందు భాగంలో 310 మిమీ ట్విన్ డిస్క్‌లతో ట్విన్-పిస్టన్ కాలిపర్స్ మరియు వెనుక వైపు 260 మిమీ సింగిల్ డిస్క్ సింగిల్-పిస్టన్ కాలిపర్ సెటప్ ఉంటుంది.

ఈ మోటార్‌సైకిల్ వివిధ ట్రాక్షన్ కంట్రోల్ మోడ్స్ మరియు డ్యూయెల్-ఛానల్ ఏబిఎస్ ఎలక్ట్రానిక్ రైడర్ అసిస్టెన్స్ ఉంటాయి. ఇన్‌స్ట్రుమెంట్ క్లస్టర్‌లో గేర్ స్థానం మరియు స్పీడోమీటర్ కోసం పెద్ద అనలాగ్ టాకోమీటర్ మరియు డిజిటల్ రీడౌట్లను కలిగి ఉంటుంది. డిజిటల్ మీటర్‌కు దిగువ విభాగంలో ఓడోమీటర్, ట్విన్-ట్రిప్ మీటర్, గడియారం, ఇంధన స్థాయి, కూలెంట్ టెంపరేచర్ మరియు ట్రాక్షన్-కంట్రోల్ వంటి ఫీచర్లు ఉన్నాయి.