Click it and Unblock the Notifications
Just In
Don't Miss
-
IREDA: భారీగా లాభాలను ప్రకటించిన ఐఆర్ఈడీఏ.. -
Karthika Deepam 2 April 20th: దీపపై పగతో రగిలిపోతున్న నర్సింహ.. శౌర్యని ఇక్కడే చదివిస్తానంటున్న దశరద్! -
సూపర్ మ్యాన్ జడేజా: గాల్లోకి డైవ్ చేస్తూ ఒంటిచేత్తో క్యాచ్ Video -
Dell నుంచి నాలుగు కొత్త Ai ల్యాప్టాప్లు! ధర,స్పెసిఫికేషన్లు -
భారీ వర్షం - వాతావరణ శాఖ బిగ్ అలర్ట్..!! -
వేసవిలో కిడ్నీలు భద్రంగా ఉండాలంటే రోజూ ఎన్ని గ్లాసుల నీళ్లు తాగాలో తెలుసా? -
తెలంగాణలోని గొంతెమ్మగుట్ట సందర్శనకు బయలుదేరుదామా..?
ఫిబ్రవరి అమ్మకాల్లో హోండా యాక్టివాను ఓడించిన హీరో స్ప్లెండర్!
గడచిన ఫిబ్రవరి 2021 నెలలో అత్యధికంగా అమ్ముడైన ద్విచక్ర వాహనాల సమాచారం వెల్లడైంది. గత నెలలో హీరో స్ప్లెండర్, దేశంలోనే అత్యధికంగా అమ్ముడయ్యే టూవీలర్ టైటిల్‌ను దక్కించుకున్న హోండా యాక్టివాను ఓవర్‌టేక్ చేసి అగ్రస్థానంలో నిలిచింది. ఫిబ్రవరి 2021లో మొత్తం 10,14,963 యూనిట్లు టూవీలర్లు అమ్ముడయ్యాయి.
గడచిన సంవత్సరం ఇదే సమయంలో పోలిస్తే మొత్తం టూవీలర్ల అమ్మకాలు 6.44 శాతం వృద్ధిని సాధించాయి. గత నెలలో మోడల్ వారీగా టాప్-10 టూవీలర్ల అమ్మకాలు ఇలా ఉన్నాయి:
ఫిబ్రవరి 2021లో హీరో స్ప్లెండర్ అత్యధికంగా అమ్ముడైన మోడల్‌గా నిలిచింది. గత నెలలో ఇది 2,47,422 యూనిట్ల స్ప్లెండర్ మోటార్‌సైకిళ్లు అమ్ముడయ్యాయి. ఫిబ్రవరి 2020లో ఈ మోడల్ అమ్మకాలు 2,15,196 యూనిట్లుగా ఉన్నాయి. ఈ సమయంలో ఇది 14.98 శాతం వృద్ధిని నమోదు చేసింది.
MOST READ:ఒకరిపై ఒకరు కూర్చుని ప్రమాదకరమైన బైక్ స్టంట్స్ చేసిన యువతులు [వీడియో]
ఇకపోతే, రెండవ స్థానానికి పడిపోయిన హోండా యాక్టివా గడచిన నెలలో 2,09,389 యూనిట్ల అమ్మకాలను నమోదు చేసింది. ఫిబ్రవరి 2020లో ఇవి 2,22,961 యూనిట్లుగా ఉన్నాయి. ఈ సమయంలో యాక్టివా అమ్మకాలు 6 శాతం తగ్గాయి.
| Rank | Model | Feb-21 | Feb-20 | Growth (%) |
| 1 | Hero Splendor | 2,47,422 | 2,15,196 | 14.98 |
| 2 | Honda Activa | 2,09,389 | 2,22,961 | -6.09 |
| 3 | Hero HF Deluxe | 1,26,309 | 1,75,997 | -28.23 |
| 4 | Honda CB Shine | 1,15,970 | 50,825 | 128.18 |
| 5 | Bajaj Pulsar | 81,454 | 75,669 | 7.65 |
| 6 | TVS Jupiter | 52,189 | 31,440 | 66.00 |
| 7 | TVS XL Super | 51,445 | 55,802 | -7.81 |
| 8 | Suzuki Access | 48,496 | 50,103 | -3.21 |
| 9 | Bajaj Platina | 46,264 | 33,799 | 36.88 |
| 10 | Royal Enfield Classic 350 | 36,025 | 41,786 | -13.79 |
ఈ జాబితాలో మూడవ స్థానంలో నిలిచింది హీరో మోటోకార్ప్ అందిస్తున్న హెచ్ఎఫ్ డీలక్స్. గత నెలలో 1,26,309 యూనిట్ల హెచ్ఎఫ్ డీలక్స్ మోడళ్లు అమ్ముడయ్యాయి. గత ఏడాది ఇదే సమయంలో ఇవి 1,75,997 యూనిట్లుగా ఉన్నాయి. ఈ సమయంలో ఈ మోడల్ అమ్మకాలు 28 శాతం తగ్గాయి.
గత నెలలో హోండా సిబి షైన్ అమ్మకాలు అత్యధికంగా 128 శాతం పెరిగాయి. ఫిబ్రవరి 2020లో 50,825 యూనిట్లుగా ఉన్న షైన్ అమ్మకాలు గత నెలలో 1,15,970 యూనిట్లుగా నమోదయ్యాయి. ఫిబ్రవరి 2021లో బజాజ్ పల్సర్ 81,454 యూనిట్ల అమ్మకాలతో ఐదవ స్థానంలో ఉంది.
టీవీఎస్ జూపిటర్ స్కూటర్ ఫిబ్రవరి 2021లో 52,189 యూనిట్ల అమ్మకాలను నమోదు చేసింది. ఫిబ్రవరి 2020లో ఈ మోడల్ అమ్మకాల సంఖ్య 31,440 యూనిట్లుగా ఉంది. ఈ సమయంలో టీవీఎస్ జూపిటర్ అమ్మకాల పరంగా 66 శాతం వృద్ధిని నమోదు చేసింది.
MOST READ:పోలీస్ ఫోర్స్ కోసం కొత్త 2021 ఫోర్డ్ పికప్ ట్రక్కులు; పూర్తి వివరాలు
టీవీఎస్ అందిస్తున్న ఎంట్రీ లెవల్ కమ్యూటర్ మోపెడ్ టీవీఎస్ ఎక్స్ఎల్ సూపర్ అమ్మకాలు కూడా జోరందుకున్నాయి. గత నెలలో ఈ మోడల్ అమ్మకాలు 51,445 యూనిట్లుగా ఉన్నాయి. ఆ తర్వాతి (8వ) స్థానంలో సుజుకి యాక్సెస్ స్కూటర్ ఉంది.
ఫిబ్రవరి 2020 అమ్మకాల (50,103) సంఖ్యతో పోలిస్తే, ఫిబ్రవరి 2021లో సుజుకి యాక్సెస్ అమ్మకాలు 3 శాతం క్షీణించి 48,496 యూనిట్లుగా నమోదయ్యాయి. ఇకపోతే, గత నెలలో బజాజ్ ప్లాటినా 46,264 యూనిట్ల అమ్మకాలతో 9వ స్థానంలో ఉంది. ఈ మోడల్ అమ్మకాలు 36 శాతం పెరిగాయి.
MOST READ:ట్రాఫిక్ సిగ్నల్ పోల్‌కి సెలబ్రేషన్ చేసిన బెంగళూరు పోలీసులు.. ఎందుకో తెలుసా?
ఈ జాబితాలో చివరిగా 10వ స్థానంలో నిలిచింది రాయల్ ఎన్‌ఫీల్డ్ క్లాసిక్ 350 మోడల్. ఫిబ్రవరి 2021లో మొత్తం 36,025 యూనిట్లు అమ్ముడుపోయాయి. అయితే, ఫిబ్రవరి 2020లో క్లాసిక్ 350 మోడల్ విక్రయాలు గరిష్టంగా 41,786 యూనిట్లుగా ఉన్నాయి. ఈ సమయంలో క్లాసిక్ 350 అమ్మకాలు 13 శాతం క్షీణించాయి.
Source: Rushlane
