Just In
- 4 hrs ago వందేభారత్ రైళ్లలో 1 లీటర్ వాటర్ బాటిల్ రద్దు.. రైల్వే శాఖ కీలక నిర్ణయం
- 5 hrs ago వెనుక నుంచి ఢీ కొట్టిన ట్రక్.. ప్రమాదానికి గురైన Hyundai Exter - వీడియో
- 6 hrs ago 2024 Jeep Wrangler Facelift Review Video జీప్ రాంగ్లర్ ఫేస్లిఫ్ట్ ఆఫ్రోడర్ ఫుల్ రివ్యూ వీడియో
- 6 hrs ago 2024 Jeep Wrangler Facelift Review జీప్ రాంగ్లర్ ఫేస్లిఫ్ట్ ఆఫ్రోడర్ పర్ఫామెన్స్ ఫుల్ రివ్యూ
Don't Miss
- Technology వన్ప్లస్ 13 స్మార్ట్ఫోన్ కీలక వివరాలు లీక్.. 6.8 అంగుళాల డిస్ప్లే, 50MP కెమెరా సహా.. పూర్తి వివరాలు..!
- Sports KKR Playing XI: రూ. 24.75 కోట్ల ఆటగాడిపై వేటు! పంజాబ్తో తలపడే కేకేఆర్ తుది జట్టు ఇదే!
- News మరో ఎమ్మెల్సీ ఉపఎన్నికకు షెడ్యూల్ విడుదల: బరిలో తీన్మార్ మల్లన్న
- Lifestyle పాలలో తామరవిత్తనాలు కలుపుకొని తాగితే ఇన్ని ప్రయోజనాలుంటాయా..?
- Finance Jio Cinema Premium: నెలకు 29లతో జియో ప్రీమియం..
- Movies 30 రూపాయలకే మూవీ టికెట్.. ముఖం చాటేసిన ఆడియెన్స్.. భారీ నష్టాల్లో సూపర్ స్టార్స్ మూవీ!
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
కరోనా సెకండ్ వేవ్ ఎఫెక్ట్: భారీగా క్షీణించిన టూవీలర్ సేల్స్!
కరోనా వైరస్ సెకండ్ వేవ్ నేపథ్యంలో గడచిన మే 2021 నెలలో దేశవ్యాప్తంగా విధించిన పాక్షిక లాక్డౌన్లు, కర్ఫ్యూల కారణంగా, ద్విచక్ర వాహనాల అమ్మకాలు భారీగా క్షీణించాయి. గత నెలలో దేశంలోనే అత్యధికంగా అమ్ముడైన టూవీలర్ల జాబితా పరిశీలిస్తే, హీరో స్ప్లెండర్ అత్యధిక అమ్మకాలతో అగ్రస్థానంలో నిలిచింది.
హోండా నుండి అత్యధికంగా అమ్ముడయ్యే యాక్టివా స్కూటర్ తొలిసారిగా ఐదవ స్థానానికి పడిపోయింది. హీరో స్ప్లెండర్ తర్వాతి స్థానంలో హెచ్ఎఫ్ డీలక్స్, బజాజ్ పల్సర్, టివిఎస్ అపాచీ మోడళ్లు ఉన్నాయి. గత నెలలో మోడల్ వారీగా టూవీలర్ల అమ్మకాలు ఇలా ఉన్నాయి:
హీరో స్ప్లెండర్ గత నెలలో దేశంలో అత్యధికంగా అమ్ముడైన మోడల్గా నిలిచింది, గత నెలలో 84,043 యూనిట్లు అమ్ముడయ్యాయి. ఏప్రిల్ 2021లో ఈ మోడల్ అమ్మకాలు 1,61,576 యూనిట్లుగా నిలిచాయి. ఈ సమయంలో హీరో స్ప్లెండర్ అమ్మకాలు 47.9 శాతం క్షీణతను నమోదు చేశాయి.
హీరో మోటోకార్ప్ అందిస్తున్న ఎంట్రీ లెవల్ కమ్యూటర్ మోటార్సైకిల్ హెచ్ఎఫ్ డీలక్స్ గడచిన మే 2021 నెలలో 42,118 యూనిట్లను విక్రయించగా, ఏప్రిల్ 2021లో 71,294 యూనిట్లు విక్రయించింది. ఈ మోడల్ అమ్మకాలు కూడా 40 శాతం క్షీణించాయి.
ఆ తర్వాతి స్థానంలో బజాజ్ పల్సర్ ఉంది. గత నెలలో పల్సర్ అమ్మకాలు 28,636 యూనిట్లుగా నమోదయ్యాయి. అందకు ముందు నెలలో (ఏప్రిల్ 2021లో) ఇవి 35,891 యూనిట్లుగా ఉన్నాయి. ఈ సమయంలో బజాజ్ పల్సర్ అమ్మకాలు 20.2 శాతం క్షీణతను నమోదు చేశాయి.
Rank | Model | May 2021 | April 2021 | Growth (%) |
1 | Hero Splendor | 84,043 | 1,61,576 | -47.9 |
2 | Hero HF Deluxe | 42,118 | 71,294 | -40.9 |
3 | Bajaj Pulsar | 28,636 | 35,891 | -20.2 |
4 | TVS Apache | 19,885 | 29,458 | -32.5 |
5 | Honda Activa | 17,006 | 1,09,678 | -84.5 |
6 | Hero Splendor 125 | 16,392 | 31,941 | -48.7 |
7 | Honda CB Shine | 14,666 | 79,416 | -81.5 |
8 | Bajaj Platina | 11,164 | 35,467 | -68.5 |
9 | Suzuki Access | 9,706 | 53,285 | -81.8 |
10 | Royal Enfield Classic 350 | 9,239 | 23,298 | 60.3 |
టీవీఎస్ అపాచీ గడచిన మే నెలలో 19,885 యూనిట్ల అమ్మకాలతో నాలుగో స్థానంలో ఉంది. ఏప్రిల్ 2021లో ఈ మోడల్ అమ్మకాలు 29,458 యూనిట్లుగా ఉన్నాయి. ఈ అమ్మకాలతో పోలిస్తే గత నెల అమ్మకాలు 32.5 శాతం తగ్గాయి.
హోండా మోటార్సైకిల్ అండ్ స్కూటర్ ఇండియా కంపెనీ నుండి అత్యధికంగా అమ్ముడయ్యే పాపులర్ స్కూటర్ యాక్టివా, అమ్మకాల పరంగా తొలిసారిగా ఐదవ స్థానానికి పడిపోయింది. గత మే నెలలో ఈ స్కూటర్ అమ్మకాలు 17,006 యూనిట్లుగా ఉన్నాయి. ఏప్రిల్ 2021 అమ్మకాలతో పోలిస్తే, ఇవి 84.5 శాతం క్షీణతను నమోదు చేశాయి.
హీరో స్ప్లెండర్ 125 మోడల్ 16,392 యూనిట్ల అమ్మకాలతో ఆరవ స్థానంలో ఉంది. గడచిన ఏప్రిల్ 2021 నెలలో విక్రయించిన 31,941 యూనిట్లతో పోలిస్తే, ఇవి 48.7 శాతం క్షీణతను నమోదు చేశాయి. ఆ తర్వాతి స్థానంలో హోండా షైన్ 14,666 యూనిట్ల అమ్మకాలతో7వ స్థానంలో ఉంది. ఈ మోడల్ అమ్మకాలు భారీగా 81 శాతం తగ్గాయి.
బజాజ్ అందిస్తున్న ఎంట్రీ లెవల్ మోటార్సైకిల్ ప్లాటినా అమ్మకాలు గత నెలలో 11,164 యూనిట్లుగా నమోదయ్యాయి. ఏప్రిల్ 2021లో ఇవి 35,467 యూనిట్లు అమ్ముడయ్యాయి. ఈ సమయంలో ప్లాటినా అమ్మకాలు 68 శాతం తగ్గాయి. దాని తరువాతి స్థానంలో సుజుకి యాక్సెస్ 9,706 యూనిట్ల అమ్మకాలతో 9వ స్థానంలో ఉంది. ఏప్రిల్ 2021లో ఇవి 53,285 యూనిట్లుగా అమ్ముడై 81 శాతం క్షీణతను నమోదు చేశాయి.
ఇక ఈ జాబితాలో చివరి స్థానంలో ఉన్నది రాయల్ ఎన్ఫీల్డ్ క్లాసిక్ 350 మోడల్. గత నెలలో క్లాసిక్ 350 మోడల్ అమ్మకాలు 9239 యూనిట్లుగా ఉన్నాయి. ఏప్రిల్ 2021 నెలలో ఇవి 23,298 యూనిట్లుగా నమోదయ్యాయి. ఈ సమయంలో ఈ మోడల్ అమ్మకాలు 60 శాతం తగ్గాయి.
ద్విచక్ర వాహనాల అమ్మకాలపై ఇటీవల ఫడా కూడా ఆందోళన వ్యక్తం చేసింది. దేశంలో కొనసాగుతున్న కరోనా సెకండ్ వేవ్ నేపథ్యంలో, ఈసారి గ్రామీణ ప్రాంతాల్లో అమ్మకాలు ప్రతికూలంగా ప్రభావితమయ్యాయి. ఫలితంగా, ఈ వేసవి కాలంలో ద్విచక్ర వాహనాల అమ్మకాలు భారీగా తగ్గాయి. రాబోయే నెలల్లో ఇది ట్రెండ్ కనిపిస్తుందని ఊహిస్తున్నారు.