Just In
- 2 hrs ago జాన్ అబ్రహం మనసుదోచిన కొత్త బైక్ ఇదే!.. మీరూ చూడండి
- 2 hrs ago టోల్గేట్ల వద్ద ఇకపై ఈ బోర్డులు ఉండవు.. కేంద్ర ప్రభుత్వం కీలక నిర్ణయం
- 3 hrs ago ట్రయంఫ్ టైగర్ 900 బైకులు మరింత కొత్తగా వచ్చేశాయ్!.. ధర ఎంతో తెలుసా?
- 5 hrs ago రూ. 150 కే విమాన టికెట్.. ట్రైన్ జర్నీ కంటే చాలా చీప్.. ఈ స్కీమ్ గురించి మీకు తెలుసా.??
Don't Miss
- News ఎన్నికల వేళ విశాఖ కేంద్రంగా బొత్సా కీలక ప్రకటన..!!
- Technology 24GB వరకు RAM, 50MP సెల్ఫీ కెమెరా, మూడు 50MP వెనక కెమెరాలతో కొత్త ఫోన్ లాంచ్!
- Lifestyle Gruha Pravesham Wishe in Telugu : గృహప్రవేశం శుభాకాంక్షలను ఇలా తెలపండి..
- Finance Success Story: పుట్టింది చిన్న టైలర్ కొడుకుగా.. ప్రస్తుతం బిలియనీర్.. ఇదిరా సక్సెస్ అంటే..
- Sports ధోనీని ఒప్పించడం కష్టమే..ఆ ఫేక్ న్యూస్ నమ్మొద్దు- రోహిత్
- Travel ఒంటిమిట్ట శ్రీ కోదండరామస్వామి ఆలయంలో టీటీడీ అన్నప్రసాదం ప్రారంభం..
- Movies Devara: ఎన్టీఆర్ ఫ్యాన్స్ను భయపెడుతున్న రాజమౌళి.. దేవరను వెంటాడుతున్న ఆ సెంటిమెంట్!
విడుదలకు సిద్ధమవుతున్న ట్రైయంప్ ట్రైడెంట్ 660: బుకింగ్స్, ఈఎమ్ఐ స్కీమ్
బ్రిటీష్ లగ్జరీ మోటార్సైకిల్ బ్రాండ్ ట్రైయంప్ గతేడాది చివరి భాగంలో ప్రపంచ వ్యాప్తంగా ఆవిష్కరించిన తమ ట్రైడెంట్ 660 రోడ్స్టర్ మోటర్సైకిల్ను కంపెనీ మరికొద్ది రోజుల్లోనే భారత మార్కెట్లో విడుదల చేసేందుకు ప్లాన్ చేస్తోంది.
ఈ మేరకు కంపెనీ తమ సోషల్ మీడియా ఛానెళ్లలో టీజర్లను కూడా విడుదల చేసింది. ట్రైయంప్ ట్రైడెంట్ 660 మోటార్సైకిల్ కోసం ఇప్పటికే బుకింగ్లు కూడా ప్రారంభమయ్యాయి. అంతేకాకుండా, ట్రైయంప్ తమ కస్టమర్ల కోసం రూ.9,999 ప్రత్యేక ఈఎమ్ఐ స్కీమ్ను కూడా పరిచయం చేసింది.
మార్కెట్ అంచనా ప్రకారం, ఈ మోటార్సైకిల్ ధర సుమారు రూ.6.5 లక్షల రేంజ్లో ఉండొచ్చని అంచనా. ఉత్పత్తి వ్యయాన్ని తగ్గించి, సరసమైన ధరకే ఈ మోడల్ను అందించేందుకు కంపెనీ దీనిని సరికొత్త ట్యూబ్లర్ స్టీల్ ఛాస్సిస్పై తయారు చేయనుంది.
ఈ మోటార్సైకిల్లో విశాలమైన హ్యాండిల్బార్లు, గుండ్రటి హెడ్ల్యాంప్ క్లస్టర్, మోకాలి ఇండెంట్లతో కూడిన వంపులు తిరిగిన ఫ్యూయల్ ట్యాంక్ డిజైన్, స్టెప్-అప్ సీట్, పెరిగిన టెయిల్ డిజైన్, ఎక్స్పోజ్డ్ మెకానికల్ బిట్స్, కాంపాక్ట్ ఎగ్జాస్ట్ మరియు పూర్తి డిజిటల్ ఇన్స్ట్రుమెంట్ క్లస్టర్ వంటి ఫీచర్లతో రావచ్చని సమాచారం.
అంతేకాకుండా, ఈ మోటార్సైకిల్ ముందు భాగంలో తలక్రిందులుగా ఉన్న ఫోర్కులు (అప్సైడ్ డౌన్ ఫోర్క్స్) మరియు వెనుక భాగంలో మోనో-షాక్ సస్పెన్షన్ సెటప్ ఉంటాయి. అలాగే, ఇందులోని బ్రేక్లను నిస్సిన్ బ్రాండ్ నుండి గ్రహించనున్నారు. ఇవి డ్యూయెల్-ఛానల్ ఏబిఎస్ను సపోర్ట్ చేస్తాయి. ఇంకా ఇందులో ట్రాక్షన్ కంట్రోల్ ఫీచర్ను కూడా ఆఫర్ చేసే అవకాశం ఉంది.
ఇంజన్ విషయానికి వస్తే, ట్రైయంప్ ట్రైడెంట్ 660 మోడల్లో కంపెనీ తమ స్ట్రీట్ ట్రిపుల్ మరియు డేటోనా మోడళ్లలో ఉపయోగించిన 675 సిసి, లిక్విడ్-కూల్డ్ ట్రిపుల్-సిలిండర్ ఇంజన్ను ఉపయోగించవచ్చని సమాచారం.
ఈ ఇంజన్ బిఎస్6 ఉద్గార ప్రమాణాలకు అనుగుణంగా ఉంటుంది మరియు ఇది సుమారు 88 బిహెచ్పి శక్తి మరియు 65 ఎన్ఎమ్ టార్క్ ఉత్పత్తి చేస్తుందని భావిస్తున్నారు. ఈ ఇంజన్ 6-స్పీడ్ గేర్బాక్స్తో జతచేయబడుతుంది మరియు ఇందులో స్లిప్పర్ క్లచ్ కూడా ఉండే అవకాశం ఉంది.
ఈ మోటార్సైకిల్ ఎలక్ట్రానిక్ హార్డ్వేర్ గురించి కంపెనీ ఎలాంటి వివరాలను వెల్లడించలేదు, అయితే ఈ మోటార్సైకిల్లో మూడు రైడింగ్ మోడ్లు కూడా లభిస్తాయని తెలుస్తోంది. ఇది ఈ విభాగంలో కవాసకి జెడ్650 మరియు హోండా సిబి650ఆర్ వంటి మోడళ్లకు పోటీగా నిలుస్తుంది.
ట్రైడెంట్ పేరుకు పెద్ద చరిత్రే ఉంది..
ట్రైయంప్ 1970 చివర్లో బిఎస్ఏ (బర్మింగ్హామ్ స్మాల్ ఆర్మ్స్) కంపెనీతో చేతులు కలిపి ట్రైడెంట్ మరియు బిఎస్ఏ రాకెట్ 3 అనే మోడళ్లను ప్రవేశపెట్టింది.
ఈ బ్రాండ్ తిరిగి 1990 ఆరంభంలో ట్రైడెంట్ పేరుతో 900సిసి ట్రిపుల్ మోటార్సైకిల్ను విడుదల చేసింది. అయితే, ఆ మోటార్సైకిల్ 1998లో నిలిపివేయబడింది.
కాగా.. ట్రైయంప్ ముచ్చటగా మూడోసారి ట్రైడెంట్ పేరును తమ కొత్త 2021 660సీసీ మోటార్సైకిల్ కోసం ఉపయోగిస్తోంది.