Just In
- 9 hrs ago 323 కి.మీ రేంజ్తో ప్రీమియం ఎలక్ట్రిక్ బైక్ విడుదల.. ధర తెలిస్తే కొనేందుకు ఆలోచిస్తారు..!!
- 11 hrs ago మరో సమస్యలో చిక్కుకున్న శిల్పా శెట్టి భర్త.. ఆ లగ్జరీ కార్లు సీజ్
- 12 hrs ago కారులో ఎక్కువ సౌండ్తో మ్యూజిక్ వింటూ వెళ్తున్నారా.. మీ కారు ప్రమాదానికి గురయ్యే అవకాశం ఎక్కువ.. ఎందుకంటే??
- 14 hrs ago వరదలో చిక్కుకున్న రోల్స్ రాయిస్.. బానెట్పై కూర్చుకున్న వ్యక్తి (వీడియో)
Don't Miss
- News రేవంత్ నన్ను జైల్లో వేస్తాడట..: కాంగ్రెస్ సర్కారుపై కేసీఆర్ నిప్పులు
- Movies Karthika Deepam 2 April 25th: దీపను టార్గెట్ చేసిన పారిజాతం.. దాడి చేస్తే దిక్కెవరు.. సుమిత్ర
- Sports DC vs GT: ఆ తప్పిదంతోనే ఓడిపోయాం: శుభ్మన్ గిల్
- Lifestyle పెళ్లైన వ్యక్తితో డేటింగా? కాస్త ముందు..వెనకా ఆలోచించండి..లేదంటే కొంప కొల్లేరే..!
- Technology OPPO Find X7 Ultra కెమెరా రివ్యూ! అద్భుతమైన ఫీచర్లతో, బెస్ట్ కెమెరా ఫోన్!
- Finance Market Closing: లాభాల్లో ముగిసిన సెన్సెక్స్-నిఫ్టీ.. స్పీడు పెంచిన బుల్స్..
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
TVS Apache RTR 165 RP వర్సెస్ TVS Apache RTR 160 4V: ఈ రెండింటిలో తేడాలు ఏంటి?
చెన్నై కేంద్రంగా పనిచేస్తున్న ప్రముఖ ద్విచక్ర వాహన తయారీ సంస్థ టీవీఎస్ మోటార్ కంపెనీ (TVS Motor Company) ఇటీవల తమ సరికొత్త మోటార్సైకిల్ 'టీవీఎస్ అపాచే 165 ఆర్పి' (TVS Apache 165 RP) ను మార్కెట్లో విడుదల చేసిన సంగతి తెలిసినదే. కొత్త Apache RTR 165 RP కంపెనీ విక్రయిస్తున్న ప్రస్తుత Apache RTR 160 4V యొక్క స్పెషల్ ఎడిషన్ మాదిరిగా ఉంటుంది. కంపెనీ ఈ కొత్త వేరియంట్ ను 'రేస్ పెర్ఫార్మెన్స్ (RP) సిరీస్ కింద అభివృద్ధి చేసింది.
స్టాండర్డ్ అపాతే ఆర్టీఆర్ 160 4వి తో పోల్చుకుంటే, ఈ కొత్త ఆపాచే ఆర్టీఆర్ 165 ఆర్పి మోడల్ మరింత ఎక్కువ పవర్ మరియు మరింత అదనపు స్టైల్ ను కలిగి ఉంటుంది. మరి ఈ రేస్ పెర్ఫార్మెన్స్ వేరియంట్ స్టాండర్డ్ వేరియంట్ తో ఎలా విభిన్నంగా ఉందో ఈ కథనంలో చూద్దాం రండి.
స్టాండర్డ్ TVS Apache RTR 160 4V బైక్ లో ఉపయోగించిన 159.7 cc సింగిల్-సిలిండర్ ఇంజన్కు బదులుగా ఈ కొత్త TVS Apache RTR 165 RP వేరియంట్లో మరింత శక్తివంతమైన 164.9 cc ఇంజన్ను ఉపయోగించారు. ఈ కొత్త ఇంజన్ లో బైక్ యొక్క రేస్ మెషీన్లలో సాధారణంగా కనిపించే హై - లిఫ్ట్ క్యామ్లు, పెద్ద వాల్వ్లు, డ్యూయల్ యాక్యుయేటర్ స్ప్రింగ్లు మరియు డోమ్ ఆకారపు పిస్టన్లు వంటి అనేక భాగాలను కూడా కంపెనీ సవరించింది.
ఈ అప్గ్రేడెడ్ ఇంజన్ 10,000 ఆర్పిఎమ్ వద్ద 19.2 బిహెచ్పి శక్తిని ఉత్పత్తి చేయగలదు. టీవీఎస్ అపాచే ఆర్టీఆర్ 160 4వితో పోలిస్తే, ఆర్టీఆర్ 165 ఆర్పి మోడల్ సుమారుగా 1.65 బిహెచ్పి అదనపు శక్తిని ఉత్పత్తి చేస్తుంది. కాగా, అపాచే ఆర్టీఆర్ 165 ఆర్పి వేరియంట్ 14.2 ఎన్ఎమ్ టార్క్ను జనరేట్ చేస్తుంది. అదే సమయంలో స్టాండర్డ్ అపాచే ఆర్టీఆర్ 160 4వి మోడల్ 14.77 ఎన్ఎమ్ టార్క్తో పోలిస్తే ఇది కొంచెం తక్కువగా ఉంటుంది. అయితే, ట్రాక్ రైడింగ్ కోసం ఇందులోని ఇంజన్ ను రీట్యూన్ చేసినట్లుగా తెలుస్తోంది.
ఈ కొత్త మోడల్ లో గరిష్ట టార్క్ 8250 ఆర్పిఎమ్ వద్ద నిర్మించబడింది. స్టాండర్డ్ 160 4వి వేరియంట్ కంటే ఇది 1500 రెవ్స్ ఎక్కువ. దీని పీక్ పవర్ కూడా చాలా ఎక్కువ, ఫలితంగా దీని పవర్ డెలివరీ చాలా ఎక్కువగా ఉంటుంది, అగ్రెసివ్ డౌన్ షిఫ్టుల సమయంలో వెనుక చక్రానికి అదనపు మద్దతు కోసం స్లిప్పర్ అసిస్ట్ క్లచ్ కూడా ఇందులో ఇవ్వడం జరిగింది. అలాగే, మరింత స్పోర్టీయర్ లుక్ కోసం జిపి165ఆర్ రేస్ బైక్లో ఉన్న అదే కలర్ ఆప్షన్ నుండి ప్రేరణ పొందిన ఈ కొత్త TVS RTR 165 RP ఎడిషన్ ను కలర్ చేయడం జరిగింది.
ఈ కలర్ ఆప్షన్ లోని ముదురు నీలం మరియు తెలుపు ఎరుపు గీతలు స్పోర్టీ అనుభూతిని అందిస్తాయి. రెడ్ వీల్స్ జోడింపుతో స్పోర్టీ అప్పీల్ మరింత పెరుగుతుంది. అపాచో ఆర్టీఆర్ 165 ఆర్పి మోడల్లోని బ్రాస్ కోటింగ్ తో కూడిన చైన్ కూడా చాలా ఆసక్తికరంగా కనిపిస్తుంది. సాధారణ చైన్ల కంటే ఇది మరింత మన్నికగా మరియు నిశ్శబ్దంగా ఉంటుందని టీవీఎస్ పేర్కొంది. అపాచే యొక్క స్టాండర్డ్ ఎడిషన్ ఆర్టీఆర్ 160 4వి కూడా స్పాన్ అడ్జస్టబుల్ లివర్లతో పాటు రెడ్ వీల్స్ను కలిగి ఉంటుంది.
ఈ ఫీచర్ టీవీఎస్ అపాచే ఆర్టీఆర్ 165 ఆర్పి ఎడిషన్లో కూడా అందుబాటులో ఉంటుంది. ఈ ప్రత్యేకమైన టీవీఎస్ అపాచే ఆర్టీఆర్ 165 ఆర్పి వేరియంట్ లిమిటెడ్ ఎడిషన్ మోడల్ గా అందుబాటులో ఉంటుంది. ఫలితంగా, కంపెనీ ఈ మోడల్ ఉత్పత్తిని కేవలం 200 యూనిట్లకు మాత్రమే పరిమితం చేసింది. భారత మార్కెట్లో ఈ లిమిటెడ్ ఎడిషన్ మోడల్ ఎక్స్-షోరూమ్ ధర రూ. 1.45 లక్షలు గా ఉంది.
ఇది స్టాండర్డ్ అపాచే ఆర్టీఆర్ 160 4వి మోడల్ ధర కంటే దాదాపు రూ. 25,000 ఎక్కువగా ఉంటుంది. కంపెనీ ఈ మోటార్సైకిల్ విక్రయాలను ఆన్లైన్లో నిర్వహించనున్నట్లు ప్రకటించింది మరియు దీనికి సంబంధించిన మరింత సమాచారం కోసం టీవీఎస్ అధికారిక వెబ్సైట్ను సందర్శించవచ్చు. రేసింగ్ శ్రేణిలో నిర్మించబడిన కొత్త టీవీఎస్ అపాచే ఆర్టీఆర్ 165 ఆర్పి, కంపెనీ యొక్క రేస్ పెర్ఫార్మెన్స్ సిరీస్ ప్రొడక్ట్ పోర్ట్ఫోలియో క్రింద తయారైన మొదటి ఉత్పత్తి. ఈ లైనప్ లో కంపెనీ భవిష్యత్తులో మరిన్ని కొత్త ఉత్పత్తులను ప్రవేశపెట్టే అవకాశం ఉంది.