2021 టీవీఎస్ స్టార్ సిటీ ప్లస్ ఇప్పుడు కొత్త కలర్‌లో.. అదే ఫీచర్స్.. అదే పర్ఫెమెన్స్

టీవీఎస్ స్టార్ సిటీ ప్లస్ డిస్క్ మరియు డ్రమ్ అనే రెండు వేరియంట్లలో అందించబడుతుంది. ఈ రెండు వేరియంట్లు కొత్త పెయింట్ స్కీమ్ తో అందుబాటులోకి వచ్చాయి. టీవీఎస్ స్టార్ సిటీ ప్లస్ ప్రారంభ ధర రూ. 65,865 కాగా, ఇందులోని టాప్-స్పెక్ ‘డిస్క్' వేరియంట్‌ ధర రూ. 68,465 (ఎక్స్-షోరూమ్,ఢిల్లీ) వరకు ఉంది.

టీవీఎస్ యొక్క స్టార్ సిటీ ప్లస్ ఈ కొత్త కలర్ లో మాత్రమే కాకుండా, ఇతర కలర్ స్కీమ్ లలో కూడా లభిస్తుంది. ఇందులో ఉన్న ‘డిస్క్' వేరియంట్‌ను బ్లాక్ రెడ్ పెయింట్ స్కీమ్‌లో అందిస్తున్నారు. మరోవైపు, ‘డ్రమ్' వేరియంట్‌ను బ్లాక్ / బ్లూ, గ్రే / బ్లాక్, రెడ్ / బ్లాక్ మరియు వైట్ / బ్లాక్ కలర్ స్కీమ్‌లలో అందిస్తున్నారు.

టీవీఎస్ కంపెనీ ఇటీవలే మోటారుసైకిల్ యొక్క డిస్క్ వేరియంట్‌తో పాటు ఇతర మార్పులను ప్రవేశపెట్టింది. ఇందులో కొత్త రోటో పెటల్ డిస్క్ బ్రేక్‌లు, (ఇటి-ఫై) ఎకో-థ్రస్ట్ ఫ్యూయల్ ఇంజెక్షన్ ఇంజన్, యుఎస్‌బి ఛార్జింగ్ సాకెట్ మరియు ఎల్‌ఇడి హెడ్‌ల్యాంప్ ఉన్నాయి.

ఈ కొత్త ప్యాసింజెర్ మోటార్‌సైకిల్ సింగిల్ సిలిండర్ ఎయిర్-కూల్డ్ 109 సిసి ఇంజిన్‌తో పనిచేస్తుంది. ఇది 7350 ఆర్‌పిఎమ్ వద్ద గరిష్టంగా 8.08 బిహెచ్‌పి మరియు 4500 ఆర్‌పిఎమ్ వద్ద 8.7 ఎన్ఎమ్‌ టార్క్ ఉత్పత్తి చేస్తుంది. ఈ ఇంజిన్ 4 స్పీడ్ స్టాండర్డ్ గేర్‌బాక్స్‌తో జతచేయబడుతుంది.

ఇది బిఎస్ 4 కంటే 15 శాతం ఎక్కువ ఇంధన సామర్థ్యాన్ని కలిగిస్తుంది. అంతే కాకుండా ఇందులో ఉన్న ఫ్యూయెల్ ఇంజెక్షన్ కారణంగా, ఇంజిన్‌పై ఇంధనం సున్నితంగా ఉంటుంది. అన్ని వాతావరణ పరిస్థితులలోనూ ఇంజిన్ను ప్రారంభించడానికి అనుకూలంగా ఉంటుందని కంపెనీ తెలిపింది.

ఈ బైక్ యొక్క డిజైన్ విషయానికి వస్తే, ఇందులో సింగిల్-పీస్ హ్యాండిల్ బార్, 10-లీటర్ ఫ్యూయెల్ ట్యాంక్, డ్యూయల్-టోన్ ఫినిషింగ్‌తో సింగిల్-పీస్ సీట్ మరియు సెమీ డిజిటల్ ఇన్స్ట్రుమెంట్ క్లస్టర్, డిజిటల్ స్క్రీన్ ఫ్యూయెల్ లెవల్ ఇండికేటర్, ఓడో మీటర్ వంటివి ఉన్నాయి.

మోటారుసైకిల్ యొక్క సస్పెన్షన్ విషయానికి వస్తే, దీని ముందు భాగంలో స్టాండర్డ్ టెలిస్కోపిక్ ఫోర్కులు మరియు వెనుక వైపు 5 టైప్స్ అడ్జస్టబుల్ షాక్ అబ్జార్బర్ ఉన్నాయి. అంతే కాకుండా స్టార్ సిటీ ప్లస్ యొక్క స్టాండర్డ్ వేరియంట్లో ఇరువైపులా డ్రమ్ బ్రేక్‌లతో అందిస్తున్నారు.

టీవీఎస్ కంపెనీ యొక్క ప్రజాదరణపొందిన బైకులలో స్టార్ సిటీ ప్లస్ ఒకటి. కంపెనీ ఈ బైక్ ని హొలీ పండుగ సందర్భంగా కొత్త కలర్ స్కీమ్ తో అందించడం వల్ల మరింత ఎక్కువ అమ్మకాలు పెరిగే అవకాశం ఉంది. ఈ కలర్ మాత్రమే కాకుండా వాహనదారుడు ఇందులో అందుబాటులో ఉన్న ఇతర కలర్ స్కీమ్స్ కూడా ఎంచుకోవచ్చు.