వాహన ప్రియులారా.. రైడింగ్‌కి సిద్ధమవ్వండి.. మీకు నచ్చిన బైక్స్ ఆగష్టులో వచ్చేస్తున్నాయ్

ఓలా ఎలక్ట్రిక్ స్కూటర్:

ఇప్పుడు మార్కెట్లో హాట్ టాపిక్ గా మారిన ఎలక్ట్రిక్ స్కూటర్ ఓలా. ఓలా ఎలక్ట్రిక్ స్కూటర్ దేశీయ మార్కెట్లో విడుదల కాకముందే అత్యంత ప్రజాదరణ పొందిన వాహనంగా మారింది. ఈ ఎలక్ట్రిక్ స్కూటర్ లాంచ్ తేదీని కంపెనీ ఇంకా అధికారికంగా వెల్లడించలేదు. కానీ ఈ స్కూటర్ ఆగష్టు నెలలో విడుదలయ్యే అవకాశం ఉంది.

ఇప్పటికే ఈ ఎలక్ట్రిక్ స్కూటర్ బుకింగ్స్ భారీ సంఖ్యలో జరుగుతున్నాయి. కంపెనీ ఈ ఎలక్ట్రిక్ స్కూటర్ యొక్క బుకింగ్స్ ప్రారంభించిన కేవలం 24 గంటల్లో ఏకంగా 1 లక్ష యూనిట్లకు పైగా బుకింగ్స్ నమోదైనట్లు కంపెనీ అధికారికంగా తెలిపింది. ఈ స్కూటర్ యొక్క ధర గురించి కూడా ఇంకా అధికారిక సమాచారం అందుబాటులో లేదు.

బిఎమ్‌డబ్ల్యూ సి 400 జిటి:

బిఎమ్‌డబ్ల్యూ మోటొరాడ్ తన కొత్త సి 400 జిటి మ్యాక్సీ-స్కూటర్‌ను 2021 ఆగస్టు నెలలో భారత మార్కెట్లో విడుదల చేయనుంది. ఈ మ్యాక్సీ స్కూటర్ టీజర్‌ను కంపెనీ కొంతకాలం క్రితం విడుదల చేసింది. ఈ స్కూటర్ ధర విషయానికి వస్తే, ఇది ప్రీమియం ధరతో లాంచ్ అయ్యే అవకాశం ఉంది. కావున ఈ స్కూటర్ ధర ఎక్కువగా ఉండే అవకాశం ఉంటుంది.

రాయల్ ఎన్ఫీల్డ్ క్లాసిక్ 350:

దేశీయ మార్కెట్లో యువకులకు ఎంతగానో ఇష్టమైన బైకులలో ఒకటైన రాయల్ ఎన్ఫీల్డ్ తన క్లాసిక్ 350 బైక్ యొక్క కొత్త వెర్షన్ ని 2021 ఆగస్టులో విడుదల చేయనుంది. టెస్టింగ్ సమయంలో ఈ కొత్త వెర్షన్ బైక్ ఇప్పటికే చాలా సార్లు గుర్తించబడింది. ఇది దాని మునుపటి మోడల్ కంటే కూడా చాలా అప్డేటెడ్ వెర్సన్ కానుంది. ఈ కొత్త మోడల్ కొత్త ఇంజిన్, ఫ్రేమ్, ఫీచర్లు మరియు టెక్నాలజీని పొందే అవకాశం ఉంటుంది.

సింపుల్ ఎనర్జీ:

దేశీయ మార్కెట్లో ఎలక్ట్రిక్ వాహనాల సంఖ్య భారీగా పెరిగిపోతున్న సందర్భంగా అనేక కొత్త కంపెనీలు కూడా తమ ఎలక్ట్రిక్ వాహనాలను విడుదల చేస్తున్నాయి. ఇందులో ఒకటి సింపుల్ వన్ ఎలక్ట్రిక్. ఈ కంపెనీ తన ఎలక్ట్రిక్ స్కూటర్ ను 2021 ఆగస్టు 15 న భారతదేశంలో విడుదల చేయనుంది.

ప్రస్తుతం, కంపెనీ ఈ కొత్త ఎలక్ట్రిక్ స్కూటర్ కి సంబంధించిన ఫీచర్స్ మరియు స్పెసిఫికేషన్ల గురించి ఎటువంటి అధికారిక సమాచారం ఇవ్వలేదు. కానీ మార్కెట్లోకి ప్రవేశించిన తరువాత, ఈ ఎలక్ట్రిక్ స్కూటర్ ఏథర్ 450 ఎక్స్, టివిఎస్ ఐక్యూబ్ మరియు ఓలా ఎలక్ట్రిక్ స్కూటర్ల వంటి వాటికీ ప్రత్యర్థిగా ఉంటుంది.

రాయల్ ఎన్‌ఫీల్డ్ క్లాసిక్ సిగ్నల్స్:

రాయల్ ఎన్ఫీల్డ్ క్లాసిక్ 350 కోట వెర్షన్ తో పాటు, కంపెనీ తన కొత్త క్లాసిక్ 350 సిగ్నల్స్ ను కూడా వచ్చే నెల అంటే 2021 ఆగష్టు నెలలో విడుదల చేయనుంది. ఈ బైక్ కొంతకాలం క్రితం టెస్టింగ్ సమయంలో కూడా గుర్తించబడింది. అయితే ఈ బైక్ గురించి కంపెనీ ఇంకా ఎటువంటి అధికారిక సమాచారం అందివ్వలేదు. దీని గురించి పూర్తి సమాచారం విడుదల సమయంలో వెల్లడయ్యే అవకాశం ఉంటుంది.

హోండా హార్నెట్ 2.0 అడ్వెంచర్:

ప్రముఖ ద్విచక్ర వాహన తయారీ సంస్థ హోండా మోటార్ సైకిల్ ఇండియా, తన కొత్త బైక్ హార్నెట్ 2.0 బేస్డ్ అడ్వెంచర్ బైక్‌ను వచ్చే నెలలో భారతదేశంలో విడుదల చేయనున్నట్లు కంపెనీ నివేదికల ద్వారా తెలుస్తుంది. దేశీయ మార్కెట్లో ఈ బైక్ విడుదలైన తరువాత, హోండా యొక్క రెడ్‌వింగ్ లైన్ నుండి విక్రయించబడుతుంది. ఈ కొత్త బైక్ ధర రూ. 1.20 లక్షల నుండి రూ. 1.50 లక్షల వరకు ఉండే అవకాశం ఉంటుంది.

వాహనం ప్రియులు ఎంతగానో ఎదురు చూస్తున్న ఈ బైక్ దేశీయ మార్కెట్లో విడుదలవ్వడానికి ఇంకా ఎంతో సమయం లేదు. కావున వాహనదారులందరూ రైడింగ్ కి సిద్దమవ్వండి.