Just In
- 1 hr ago గొప్ప మనసు చాటుకున్న రాఘవ లారెన్స్.. దివ్యాంగులకు టీవీఎస్ స్కూటర్ల పంపిణీ
- 3 hrs ago 5 రూపాయల గొడవ.. చిర్రెత్తి సోషల్ మీడియాలో పోస్ట్ చేసిన ప్రయాణికుడు.. అసలేం జరిగిందంటే.!!
- 5 hrs ago జనాలు ఎక్కువగా కొంటున్న టాప్-3 SUVలు ఇవే.. జాబితాలో లేని టాటా కార్లు!!
- 8 hrs ago జాన్ అబ్రహం మనసుదోచిన కొత్త బైక్ ఇదే!.. మీరూ చూడండి
Don't Miss
- Sports PBKS vs MI: తొండాటకు ముగింపు.. కెమెరా ముందు టాస్ కాయిన్ ఫలితం! వీడియో
- News నెల్లూరు జైలుకు జగన్ పై దాడి కేసు నిందితుడు సతీష్-14 రోజుల రిమాండ్..!
- Movies డైరెక్టర్లకు అమ్మాయిలను సప్లై.. సీనియర్ ఆర్టిస్ట్ చీకటి కోణం వెనుక వాస్తవం అదేనట!
- Lifestyle గుడ్నైట్ సందేశాలను ఇలా సరదాగా పంపుకోండి..
- Technology 40 గంటలకు పైగా బ్యాటరీ బ్యాకప్, ChatGPT వాయిస్ AI సపోర్టుతో నథింగ్ ఇయర్బడ్స్ విడుదల.. సేల్ వివరాలు!
- Finance Market Closing: నష్టాల్లోకి జారుకున్న సెన్సెక్స్-నిఫ్టీ.. ఆ రెండిటిపైనే అందరి కన్ను..
- Travel ఒంటిమిట్ట శ్రీ కోదండరామస్వామి ఆలయంలో టీటీడీ అన్నప్రసాదం ప్రారంభం..
Vmoto Fleet Concept F01 ఎలక్ట్రిక్ స్కూటర్ కాన్సెప్ట్ ఆవిష్కరణ, వివరాలు
గత నెలలో ఇటలీలోని మిలాన్లో జరిగిన 2021 అంతర్జాతీయ మోటార్సైకిల్ షో (2021 EICMA) లో చైనా-ఆస్ట్రేలియన్ కంపెనీ అయిన 'విమోటో సోకో' (Vmoto Soco) తమ అధునాతన ఎలక్ట్రిక్ బైక్ 'విమోటో స్టాష్' (Vmoto Stash) ను ఆవిష్కరించిన సంగతి తెలిసినదే. కాగా, కంపెనీ ఇప్పుడు ఓ సరికొత్త స్కూటర్ కాన్సెప్ట్ ను ఆవిష్కరించి ప్రపంచ దృష్టిని ఆకర్షిస్తోంది.
ఈ ఫొటోలలో కనిపిస్తున్న ఇ-స్కూటర్ కాన్సెప్ట్ మోడల్ ను ఆస్ట్రేలియాలోని బెర్తాలో ఉన్న విమోటో మరియు చైనాకు చెందిన సూపర్ సోకో సంయుక్తంగా అభివృద్ధి చేసింది. ఇరు కంపెనీలు కలిసి రూపొందించిన ఈ కొత్త కాన్సెప్ట్ మోడల్ ఇ-స్కూటర్ కు 'ఫ్లీట్ కాన్సెప్ట్ ఎఫ్01' (Fleet Concept F01) అనే పేరు పెట్టాయి. విమోటో సోకో తమ ఎలక్ట్రిక్ ద్విచక్ర వాహనాలను ప్రపంచవ్యాప్తంగా విడుదల చేయాలని యోచిస్తోంది.
విమోటో సోకో ఫ్లీట్ కాన్సెప్ట్ ఎఫ్01 ఎలక్ట్రిక్ స్కూటర్ ను వ్యక్తిగత ఉపయోగం కోసం కాకుండా, కేవలం వాణిజ్య వినియోగం కోసం మాత్రమే రూపొందించారు. వాణిజ్య ద్విచక్ర వాహన విభాగంలో సరుకు రవాణాను దృష్టిలో ఉంచుకొని దీనిని తయారు చేశారు. ఈ ద్విచక్ర వాహనం వెనుక భాగంలో ఇచ్చిన పెద్ద లగేజ్ క్యారియర్ విభాగమే దీనికి నిదర్శనం. కార్గో మరియు సామాను లోడ్ చేయడానికి ఈ క్యారియర్ ద్విచక్ర వాహనంపై అందించబడుతుంది.
ఎలక్ట్రిక్ ద్విచక్ర వాహనంపై ఇద్దరు ప్రయాణించే అవకాశం ఉంటుంది. ఈ వాహనంలో పిలియన్ రైడర్ కోసం కూడా సౌకర్యవంతమైన సీటు ఉంటుంది. ప్రపంచవ్యాప్తంగా, ఎలక్ట్రిక్ వాహనాల విప్లవం నడుస్తోంది. ఆటోమొబైల్ కంపెనీలు దశల వారీగా తమ పెట్రోల్ వాహనాలను నిలిపివేయడం ద్వారా ఎలక్ట్రిక్ వాహనాలను ప్రవేశపెట్టాలని ప్రయత్నిస్తున్నాయి. ఇందుకోసం కంపెనీలు ప్రకటనలు కూడా జారీ చేస్తున్నాయి. ఈ నేపథ్యంలో విమోటో సోకో గ్రూప్ కొత్త ఫ్లీట్ కాన్సెప్ట్ ఎఫ్01 ఎలక్ట్రిక్ స్కూటర్ కాన్సెప్ట్ మోడల్ను పరిచయం చేసింది.
విమోటో సోకో ఆవిష్కరించిన ఈ సరికొత్త ఫ్లీట్ కాన్సెప్ట్ ఎఫ్01 ఎలక్ట్రిక్ స్కూటర్ ను అతి త్వరలో విక్రయానికి తీసుకురావాలని కంపెనీ భావిస్తోంది. ఈ స్కూటర్ వెనుక వైపు మాత్రమే కాకుండా ముందు భాగంలో కూడా గణనీయమైన లగేజ్ సామర్థ్యం ఉంది. ఈ ఎలక్ట్రిక్ స్కూటర్ ను ఒక్కసారి పూర్తిగా ఛార్జ్ చేస్తే గరిష్టంగా 90 కి.మీ వరకు ప్రయాణించవచ్చని కంపెనీ తెలిపింది. ఈ ఎలక్ట్రిక్ వాహనం 2000 వాట్ల ఎలక్ట్రిక్ మోటార్తో పనిచేస్తుంది. అయితే, దీని గరిష్ట వేగం గంటకు 45 కిమీ మాత్రమే.
అలాగే, ఈ ఎలక్ట్రిక్ వాహనాన్ని పూర్తిగా ఛార్జ్ చేయడానికి సుమారు ఆరు గంటల సమయం పడుతుంది. దీని ఫాస్ట్ ఛార్జింగ్ టెక్నాలజీ గురించి ప్రస్తుతానికి కంపెనీ ఎలాంంటి వివరాలను విడుదల చేయలేదు. సస్పెన్షన్ విషయానికి వస్తే, ముందు భాగంలో సంప్రదాయ టెలిస్కోపిక్ ఫోర్కులు మరియు వెనుక బాగంలో స్వింగ్ఆర్మ్ సస్పెన్షన్ సెటప్ ఉన్నాయి. అదనంగా, ఉత్తమ బ్రేకింగ్ అనుభవం కోసం ఇది సిబిఎస్ (కాంబీ బ్రేకింగ్ సిస్టమ్) తో లభిస్తుంది. విమోటో ఫ్లీట్ కాన్సెప్ట్ ఎఫ్01 ఎలక్ట్రిక్ స్కూటర్లో ఉన్న ఆకర్షణీయమైన ఫీచర్లు చాలానే ఉన్నాయి.
ఇందులో సొగసైన హెడ్ల్యాంప్, ప్రత్యేకమైన U - ఆకారపు డేటైమ్ రన్నింగ్ లైట్లు మరియు ప్రత్యేకంగా కనిపించే హ్యాండిల్బార్ ఉన్నాయి. ఇంకా ఈ బైక్పై పూర్తి డిజిటల్ ఇన్స్ట్రుమెంట్ కన్సోల్ కూడా అందించబడుతుంది. ఫ్లీట్ కాన్సెప్ట్ F01 ఇ-స్కూటర్లో అత్యుత్తమ డ్రైవింగ్ అనుభూతి కోసం ముందువైపు 16-అంగుళాల చక్రాలు మరియు వెనుకవైపు 14-అంగుళాల వీల్స్ ఉపయోగించారు. వీటిపై పట్టణ రహదారులను తట్టుకోగల సామర్థ్యం కలిగిన టైర్లను అమర్చారు.
విమోటో సోకో గ్రూప్ భారత మార్కెట్లో ఇంకా తమ వ్యాపారాన్ని ప్రారంభించలేదు. బర్డ్ ఎలక్ట్రిక్ మొబిలిటీతో కంపెనీ తన ఉత్పత్తులను భారతదేశంలో మార్కెట్ చేయడానికి ఒక కూటమిని ఏర్పరుచుకున్నట్లు నివేదించబడింది. దీని ఆధారంగా, సంస్థ యొక్క ద్విచక్ర వాహనాలు బర్డ్ బ్రాండ్ క్రింద అతి త్వరలో విడుదల కానున్నాయి. లేటెస్ట్ అప్డేట్స్ కోసం తెలుగు డ్రైవ్స్పార్క్ ని గమనిస్తూ ఉండండి.