రూ. 70 వేలకే కొత్త యమహా ఫాసినో 125 స్కూటర్; కొత్త ఫీచర్స్ & కొత్త కలర్స్

యమహా ఫాసినో 125 ధరల విషయానికి వస్తే డ్రమ్ బ్రేక్ వేరియంట్ ధర రూ .70,000 (ఎక్స్-షోరూమ్, ఢిల్లీ) కాగా, డిస్క్ బ్రేక్ వేరియంట్ ధర రూ. 76,530 (ఎక్స్-షోరూమ్, ఢిల్లీ) వరకు ఉంటుంది. ఈ స్కూటర్‌ను కంపెనీ హైబ్రిడ్ ఇంజన్ టెక్నాలజీతో తీసుకువచ్చింది.

యమహా ఫాసినో 125 కొత్త స్ప్లిట్ ఎల్‌ఇడి హెడ్‌లైట్, ఎల్‌ఇడి టెయిల్ లైట్ మరియు ఎల్‌ఇడి డేటైమ్ రన్నింగ్ లైట్‌ వంటి వాటిని కలిగి ఉంటుంది. ఈ స్కూటర్ యొక్క టెయిల్ లైట్ డిజైన్ మునుపటి కంటే సన్నగా ఉంటుంది. స్కూటర్ రెండు సైడ్ ప్యానెల్స్‌పై ఫాసినో 3 డి లోగో ఇవ్వబడింది.

కొత్త ఫాసినో ఇప్పుడు 9 కలర్ ఆప్షన్లలో అందుబాటులో ఉంటుంది.అవి:

• వివిడ్ రెడ్ స్పెషల్ (డిస్క్ వేరియంట్)
• మాట్ బ్లాక్ స్పెషల్ (డిస్క్ వేరియంట్)
• కూల్ బ్లూ మెటాలిక్ డార్క్
• మాట్ బ్లూ
• సువే కాపర్
• పసుపు కాక్టెయిల్
• సియాన్ బ్లూ
• మెటాలిక్ బ్లాక్
• వివిడ్ రెడ్



ఈ కొత్త స్కూటర్ లో మెటల్ ఫ్రంట్ ఆప్రాన్ మరియు మడ్‌గార్డ్‌ వంటివి అమర్చబడి ఉంటాయి. అంతే కాకూండా ఇందులో 110 మిమీ రియర్ టైర్ కూడా అందుబాటులో ఉంటుంది, కావున ఇది రోడ్డుపై ప్రయాణించేటప్పుడు మునుపటికంటే ఎక్కువ గ్రిప్ కలిగి ఉంటుంది.



ఈ స్కూటర్ 'యమహా కనెక్ట్' కనెక్టివిటీ ఫీచర్‌తో కొత్త ఫుల్లీ డిజిటల్ ఇన్స్ట్రుమెంట్ క్లస్టర్‌ను కూడా పొందుతుంది. ఈ ఫీచర్ సహాయంతో స్కూటర్‌ను బ్లూటూత్ ద్వారా స్మార్ట్‌ఫోన్‌కు కనెక్ట్ చేయవచ్చు. సైడ్ స్టాండ్ ఇంజిన్ కటాఫ్ స్విచ్ స్కూటర్‌లో ఇవ్వబడింది తద్వారా స్టాండ్ తెరిచినప్పుడు స్కూటర్ స్టార్ట్ కాదు.



ఫామినో యొక్క ఇంజిన్‌లో కంపెనీ పెద్ద మార్పులు చేసింది. ఈ కొత్త స్కూటర్ బ్లూ కోర్ హైబ్రిడ్ ఇంజిన్‌తో పనిచేస్తుంది, ఇది స్కూటర్‌లో ఇన్‌స్టాల్ చేసిన బ్యాటరీ నుండి శక్తిని పొందుతుంది. అవసరమైనప్పుడు ఈ ఇంజన్ మరింత శక్తిని ఉత్పత్తి చేస్తుందని కంపెనీ పేర్కొంది. హైబ్రిడ్ ఇంజిన్ కఠినమైన భూభాగాల్లో లేదా ఎక్కేటప్పుడు బ్యాటరీ సహాయంతో ఎక్కువ శక్తిని ఉత్పత్తి చేస్తుంది.



యమహా ఫాసినో 125 సిసి సింగిల్ సిలిండర్, ఎయిర్-కూల్డ్, ఫ్యూయల్ ఇంజెక్ట్ హైబ్రిడ్ ఇంజిన్‌తో పనిచేస్తుంది, ఇది 8.2 బిహెచ్‌పి పవర్ మరియు 10.3 ఎన్ఎమ్ టార్క్ ఉత్పత్తి చేస్తుంది. కొత్త స్కూటర్‌లో స్మార్ట్ మోటారు జనరేటర్ టెక్నాలజీని కూడా అందుబాటులో ఉంటుంది. ఈ కారణంగా స్కూటర్ ఎటువంటి శబ్దం లేకుండా ప్రారంభమవుతుంది. ఈ ఫీచర్ ఇప్పుడు మార్కెట్లో విడుదలవుతున్న చాలా కొత్త బైక్‌లు మరియు స్కూటర్లలో అందుబాటులో ఉంది.



కొత్త యమహా ఫాసినో 21 లీటర్ల అండర్-సీట్ స్టోరేజ్ స్పేస్ ఇవ్వబడింది. కావున ఇందులో పెద్ద సైజ్ హెల్మెట్ కూడా సులభంగా ఉంచుకోవచ్చు. అండర్ సీట్లో యుఎస్‌బి ఛార్జింగ్ సౌకర్యం కూడా ఉంటుంది. కొత్త యమహా ఫాసినో 125 భారత మార్కెట్లో సుజుకి యాక్సెస్ 125, టివిఎస్ ఎన్ టార్క్ 125 మరియు హోండా యాక్టివా 125 వంటివి వాటికి ప్రత్యర్థిగా ఉంటుంది.