Just In
- 13 hrs ago 323 కి.మీ రేంజ్తో ప్రీమియం ఎలక్ట్రిక్ బైక్ విడుదల.. ధర తెలిస్తే కొనేందుకు ఆలోచిస్తారు..!!
- 15 hrs ago మరో సమస్యలో చిక్కుకున్న శిల్పా శెట్టి భర్త.. ఆ లగ్జరీ కార్లు సీజ్
- 16 hrs ago కారులో ఎక్కువ సౌండ్తో మ్యూజిక్ వింటూ వెళ్తున్నారా.. మీ కారు ప్రమాదానికి గురయ్యే అవకాశం ఎక్కువ.. ఎందుకంటే??
- 18 hrs ago వరదలో చిక్కుకున్న రోల్స్ రాయిస్.. బానెట్పై కూర్చుకున్న వ్యక్తి (వీడియో)
Don't Miss
- News కేశినేని నాని Vs చిన్ని వార్ లో షర్మిల కొత్త ట్విస్ట్..!!
- Technology Nokia మాతృ సంస్థ HMD నుంచి మూడు కొత్త ఫోన్లు లాంచ్! ధర, స్పెసిఫికేషన్ల వివరాలు
- Sports సూపర్మ్యాన్ స్టబ్స్: మెరుపు ఫీల్డింగ్తో ఢిల్లీని గెలిపించాడు! Video
- Movies Brahmamudi April 25th episode: కావ్యకు సవతి వచ్చినా ఫర్వాలేదా?.. నీవు నా మొగుడిని తగులుకుంటావా? అనామిక
- Lifestyle పెళ్లైన వ్యక్తితో డేటింగా? కాస్త ముందు..వెనకా ఆలోచించండి..లేదంటే కొంప కొల్లేరే..!
- Finance Market Closing: లాభాల్లో ముగిసిన సెన్సెక్స్-నిఫ్టీ.. స్పీడు పెంచిన బుల్స్..
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
వీటిని నడిపేందుకు రిజిస్ట్రేషన్, లైసెన్స్ అవసరం లేదు.. ఎవ్వరైనా నడపొచ్చు!
భారతదేశంలో ఇటీవలి కాలంలో ఎలక్ట్రిక్ వాహనాలకు డిమాండ్ క్రమంగా పెరుగుతున్న సంగతి తెలిసినదే. ఈ నేపథ్యంలో, కొత్త మరియు పాత ఎలక్ట్రిక్ వాహన తయారీ సంస్థలు అనేక రకాల ఎలక్ట్రిక్ వాహనాలను అందుబాటులోకి తెస్తున్నాయి.
ఈ కంపెనీలు ఆఫర్ చేసే కొన్ని రకాల ఉత్పత్తులలో లో-స్పీడ్ ఎలక్ట్రిక్ స్కూటర్లు కూడా ఉంటున్నాయి. ఇలాంటి వాటిని నడిపేందుకు రైడర్లకు ఎలాంటి రిజిస్ట్రేషన్ మరియు లైసెన్స్ అవసరం లేదు.
బిగినర్స్ని దృష్టిలో ఉంచుకొని అన్ని వర్గాల వారికి అనువుగా ఉండేలా ఎలక్ట్రిక్ వాహన తయారీ సంస్థలు ఈ తరహా లో-స్పీడ్ ఎలక్ట్రిక్ స్కూటర్లను, మోపెడ్లను అందిస్తున్నాయి. స్వల్ప దూరాలను చేరుకునేందుకు ఇవి ఎంతో చక్కగా ఉపయోగపడుతాయి.
ప్రస్తుతం మార్కెట్లో అందుబాటులో ఉన్న రిజిస్ట్రేషన్ మరియు లైసెన్స్ అవసరం లేని లో-స్పీడ్ ఎలక్ట్రిక్ స్కూటర్ల వివరాలేంటో ఈ కథనంలో తెలుసుకుందాం రండి:
హీరో ఎలక్ట్రిక్ ఆప్టిమా ఈ5
భారతదేశపు అగ్రగామి ఎలక్ట్రిక్ వాహన తయారీ సంస్థ హీరో ఎలక్ట్రిక్ విక్రయించే లో-స్పీడ్ ఎలక్ట్రిక్ స్కూటర్లలో హీరో ఆప్టిమా ఈ5 ఒకటి. ఈ స్కూటర్ 250 వాట్ డిసి ఎలక్ట్రిక్ మోటారు సాయతో పనిచేస్తుంది. దీని గరిష్ట వేగం గంటకు 25 కిలోమీటర్లుగా ఉంటుంది.
హీరో ఎలక్ట్రిక్ ఆప్టిమా ఈ5 ఎలక్ట్రిక్ స్కూటర్లో 48 వి / 28 ఏహెచ్ లిథియం అయాన్ బ్యాటరీ ప్యాక్ ఉంటుంది. పూర్తి ఛార్జీపై ఈ ఎలక్ట్రిక్ స్కూటర్ గరిష్టంగా 65 కిలోమీటర్ల రేంజ్ (మైలేజ్)ని ఆఫర్ చేస్తుందని కంపెనీ పేర్కొంది. ఇందులో లీడ్-యాసిడ్ బ్యాటరీ వేరియంట్ను కూడా కంపెనీ అందిస్తోంది.
ఒకినావా లైట్
జపనీస్ ఎలక్ట్రిక్ స్కూటర్ బ్రాండ్ అయిన ఒకినావా, భారత మార్కెట్లో విక్రయిస్తున్న ఎంట్రీ లెవల్ ఎలక్ట్రిక్ స్కూటర్లలో ఒకినావా లైట్ మోడల్ ఒకటి. ఇది చూడటానికి ఫ్యూచరిస్టిక్ డిజైన్ను కలిగిన ట్రెడిషనల్ స్కూటర్లా అనిపిస్తుంది. అత్యాధునిక సాంకేతిక పరిజ్ఞానంతో తయారు చేసిన ఒకినావా లైట్ ఎలక్ట్రిక్ స్కూటర్ పూర్తి ఎల్ఈడి లైటింగ్ను కలిగి ఉంటుంది. ఈ ఎలక్ట్రిక్ స్కూటర్లో 250 వాట్ల బిఎల్డిసి ఎలక్ట్రిక్ మోటార్ ఉంటుంది.
ఈ స్కూటర్ కూడా గరిష్టంగా గంటకు 25 కి.మీ వేగంతో పరుగులు తీస్తుంది. ఇందులో 1.25 కెడబ్ల్యూహెచ్ లిథియం అయాన్ బ్యాటరీ ప్యాక్ ఉంటుంది. ఇది పూర్తి ఛార్జీపై 60 కిలోమీటర్ల రేంజ్ను ఆఫర్ చేస్తుంది. ఈ బ్యాటరీని పూర్తిగా ఛార్జ్ చేయడానికి 4 నుండి 5 గంటలు పడుతుంది. ఇందులో ఇ-ఏబిఎస్ రీజనరేటివ్ బ్రేకింగ్ టెక్నాలజీ ఉంటుంది. దీని సాయంతో బ్రేక్ వేసిన ప్రతిసారి బ్యాటరీ చార్జ్ అవుతుంది.
ఒకినావా ఆర్30
ఒకినావా అందిస్తున్న ఎంట్రీ లెవల్ ఎలక్ట్రిక్ స్కూటర్లలో మరొక మోడల్ ఆర్30. ఈ ఎలక్ట్రిక్ స్కూటర్ను నడపడానికి కూడా రిజిస్ట్రేషన్, లైసెన్స్ అవసరం లేదు. చూడటానికి స్కూటీ పెప్ మాదిరిగా కనిపించే ఈ ఎలక్ట్రిక్ స్కూటర్ కూడా గరిష్టంగా గంటకు 25 కిలోమీటర్ల వేగంతో ప్రయాణిస్తుంది.
ఒకినావా ఆర్30 ఎలక్ట్రిక్ స్కూటర్లో 1.25 కిలోవాట్ల లిథియం అయాన్ బ్యాటరీ ప్యాక్ మరియు 250 వాట్ బిఎల్డిసి ఎలక్ట్రిక్ మోటార్ ఉంటుంది. ఇందులోని బ్యాటరీ పూర్తి ఛార్జీపై 60 కిలోమీటర్ల రేంజ్ను అందిస్తుంది. ఈ బ్యాటరీని చార్జ్ చేయటానికి 4-5 గంటల సమయం పడుతుంది. ఇందులో కూడా ఇ-ఏబిఎస్ రీజనరేటివ్ బ్రేకింగ్ టెక్నాలజీ ఉంటుంది. ఫలతంగా, బ్రేక్ వేసిన ప్రతిసారి బ్యాటరీ చార్జ్ అవుతుంది.
ఆంపియర్ రియో ఎలైట్
ఆంపియర్ రియో ఎలైట్ ఎలక్ట్రిక్ స్కూటర్ డిజైన్ చూడటానికి హోండా డియో పెట్రోల్ స్కూటర్ మాదిరిగా ఉంటుంది. ప్రీమియం లుక్లో కనిపించే ఈ ఎలక్ట్రిక్ స్కూటర్లో ఎల్ఈడీ హెడ్ల్యాంప్, టెయిల్ లైట్, డిజిటల్ ఇన్స్ట్రుమెంట్ కన్సోల్ మరియు యుఎస్బి ఛార్జింగ్ స్లాట్ వంటి ఫీచర్లను కలిగి ఉంటుంది.
ఈ స్కూటర్లో 250 వాట్ల బిఎల్డిసి ఎలక్ట్రిక్ మోటార్ ఉంటుంది. ఈ స్కూటర్ కూడా గరిష్టంగా గంటకు 25 కి.మీ వేగంతో ప్రయాణించగలదు. కంపెనీ ఈ ఎలక్ట్రిక్ స్కూటర్ను లిథియం అయాన్ బ్యాటరీ ప్యాక్ మరియు లీడ్-యాసిడ్ బ్యాటరీ ఆప్షన్లలో అందిస్తోంది. ఇందులోని బ్యాటరీ పూర్తి చార్జ్పై 60 కి.మీ రేంజ్ను ఆఫర్ చేస్తుంది.
హీరో ఎలక్ట్రిక్ ఫ్లాష్ ఈ2
హీరో ఎలక్ట్రిక్ ఫ్లాష్ ఈ 2 ఎలక్ట్రిక్ స్కూటర్ భారతదేశంలో అత్యంత సరసమైన లిథియం-అయాన్ బ్యాటరీతో నడిచే ఎలక్ట్రిక్ స్కూటర్. ఇందులో 250 వాట్ ఎలక్ట్రిక్ మోటార్ మరియు 48 వోల్ట్ 28 ఏహెచ్ లిథియం అయాన్ బ్యాటరీని ఉపయోగించారు. దీని గరిష్ట వేగం గంటకు 25 కిలోమీటర్లు. పూర్తి ఛార్జీపై ఇది 65 కిలోమీటర్ల వరకు ప్రయాణించగలదు.
లోహియా ఒమా స్టార్ ఎల్ఐ
ఎలక్ట్రిక్ స్కూటర్ తయారీ సంస్థ లోహియా అందిస్తున్న ఒమా స్టార్ ఎల్ఐ ఎలక్ట్రిక్ స్కూటర్ భారతదేశంలో చౌకైన ఎలక్ట్రిక్ స్కూటర్లో ఒకటి. ఈ స్కూటర్లో 250 వాట్ సామర్థ్యం కలిగిన ఎలక్ట్రిక్ మోటారును ఉపయోగించారు. ఇందులోని బ్యాటరీ సాయంతో ఒకే ఛార్జ్పై గరిష్టంగా 60 కిలోమీటర్ల దూరం ప్రయాణించవచ్చు.
పైన పేర్కొన్న అన్ని ఎలక్ట్రిక్ స్కూటర్ల గరిష్ట వేగాన్ని గంటకు 25 కిలోమీటర్లకు మాత్రమే పరిమితం చేయబడి ఉంటుంది. ప్రస్తుతం, ఎలక్ట్రిక్ వాహనాల విషయంలో అమలులో ఉన్న నిబంధనల ప్రకారం, ఇలా గంటకు 25 కి.మీ. మరియు అంత కన్నా తక్కువ వేగంతో నడిచే ఎలక్ట్రిక్ వాహనాలకు రిజిస్ట్రేషన్ అవసరం ఉండదు. అలాగే, వాటిని నడిపే రైడర్లకు లైసెన్స్ కూడా ఉండాల్సిన అవసరం లేదు.