Just In
- 1 hr ago కొత్త ఆస్టన్ మార్టిన్ వాంటేజ్ కూల్ స్పోర్ట్స్ కారు లాంచ్.. గంటకు 325 కి.మీ వేగం.. ధర, ఫీచర్లు ఇవే..
- 15 hrs ago 323 కి.మీ రేంజ్తో ప్రీమియం ఎలక్ట్రిక్ బైక్ విడుదల.. ధర తెలిస్తే కొనేందుకు ఆలోచిస్తారు..!!
- 16 hrs ago మరో సమస్యలో చిక్కుకున్న శిల్పా శెట్టి భర్త.. ఆ లగ్జరీ కార్లు సీజ్
- 18 hrs ago కారులో ఎక్కువ సౌండ్తో మ్యూజిక్ వింటూ వెళ్తున్నారా.. మీ కారు ప్రమాదానికి గురయ్యే అవకాశం ఎక్కువ.. ఎందుకంటే??
Don't Miss
- News ఎల్లుండే వైసీపీలోకి యనమల ? చర్చలు పూర్తి..!
- Finance Stock Market: ప్లాట్ గా స్టాక్ మార్కెట్లు.. టెక్ మహీంద్రాలో భారీ కుదుపు..!
- Lifestyle ప్రపంచంలోనే అత్యంత పోషకమైన వేచూర్ ఆవు పాలు: గిన్నీస్ రికార్డ్ సాధించిన ఈ ఆవు గురించి ఆసక్తికరమైన విషయాలు
- Sports RCBకి గుడ్ న్యూస్: ప్లే ఆఫ్స్కు ఇలా ఈజీగా చేరొచ్చు!
- Technology Nokia మాతృ సంస్థ HMD నుంచి మూడు కొత్త ఫోన్లు లాంచ్! ధర, స్పెసిఫికేషన్ల వివరాలు
- Movies Brahmamudi April 25th episode: కావ్యకు సవతి వచ్చినా ఫర్వాలేదా?.. నీవు నా మొగుడిని తగులుకుంటావా? అనామిక
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
2022 జూన్ అమ్మకాల్లో స్వల్ప వృద్ధి: హీరో మోటోకార్ప్
ప్రముఖ టూ వీలర్ తయారీ సంస్థ 'హీరో మోటోకార్ప్' (Hero MotoCorp) తన 2022 జూన్ నెల అమ్మకాల నివేదికలను అధికారికంగా విడుదల చేసింది. ఈ గణాంకాల ప్రకారం కంపెనీ అమ్మకాలు మునుపటి ఏడాదికంటే కూడా 3.35 శాతం పెరుగుదలను నమోదు చేసినట్లు తెలిసింది. అయితే కంపెనీ యొక్క మొత్తం అమ్మకాల గురించి పూర్తి సమాచారం ఈ కథనంలో తెలుసుకుందాం.. రండి.
హీరో మోటోకార్ప్ యొక్క గణాంకాల ప్రకారం, 2022 జూన్ నెలలో మొత్తం 4,84,867 యూనిట్ల ద్విచక్ర వాహనాలను విక్రయించినట్లు తెలిసింది. అయితే కంపెనీ ఇదే నెల గత సంవత్సరం అంటే 2021 జూన్ నెలలో కేవలం 4,69,160 యూనిట్లను మాత్రమే విక్రయించినట్లు తెలిపింది. దీన్ని బట్టి చూస్తే కంపెనీ అమ్మకాలు 2021 జూన్ కంటే కూడా 2022 జూన్ లో పెరిగాయి.
గణాంకాల ప్రకారం, హీరో మోటోకార్ప్ యొక్క మొత్తం దేశీయ విక్రయాలు 2022 జూన్ నెలలో 4,63,210 యూనిట్లుగా తెలిసింది. అయితే 2021 జూన్ నెలలో కంపెనీ యొక్క దేశీయ విక్రయాల 4,38,514 యూనిట్లు. ఇక సెగ్మెంట్ల వారీగా అమ్మకాలను గమనిస్తే, 2021 జూన్లో విక్రయించిన 4,41,536 యూనిట్లతో పోలిస్తే 2022 జూన్లో మోటార్సైకిళ్ల విక్రయాలు 4,61,421 యూనిట్లకు పెరిగాయి.
హీరో మోటోకార్ప్ యొక్క స్కూటర్స్ సేల్స్ విషయానికి వస్తే, కంపెనీ 2022 జూన్ మొత్తం 23,446 స్కూటర్లను విక్రయించింది. అదే సమయంలో 2021 జూన్లో కంపెనీ 27,624 యూనిట్లను విక్రయించింది. స్కూటర్ అమ్మకాల్లో కంపెనీ కొంత తగ్గుదలను నమోదు చేసింది.
హీరో మోటోకార్ప్ FY 2023 మొదటి త్రైమాసికంలో (ఏప్రిల్ - జూన్ 2022) 13.90 లక్షల యూనిట్లను విక్రయించింది, ఇది 11.89 లక్షల యూనిట్లతో పోలిస్తే, ఈ సంవత్సరం మొదటి త్రైమాసికం (జనవరి-మార్చి 2022) నుండి 17% వృద్ధిని నమోదు చేసింది. కంపెనీ 10.25 లక్షల యూనిట్లను విక్రయించిన మునుపటి ఆర్థిక సంవత్సరం (FY22) త్రైమాసికం కంటే కూడా మంచి వృద్ధిని నమోదు చేయగలిగింది.
Hero | June'22 | June'21 | YTD FY'23 | YTD FY'22 |
Motorcycles | 4,61,421 | 4,41,536 | 13,06,294 | 9,59,589 |
Scooters | 23,446 | 27,624 | 83,899 | 64,918 |
Total | 4,84,867 | 4,69,160 | 13,90,193 | 10,24,507 |
Domestic | 4,63,210 | 4,38,514 | 13,28,166 | 9,40,707 |
Exports | 21,657 | 30,646 | 62,027 | 83,800 |
మొత్తం మీద కంపెనీ యొక్క అమ్మకాలు 2021 జూన్ కంటే కూడా 2022 జూన్ లో కొంత అభివృద్దిని నమోదు చేసింది. అయితే రానున్న రోజుల్లో కంపెనీ మరింత వృద్ధిని నమోదు చేయగలదని ఆశిస్తున్నాము.
ఇదిలా ఉండగా.. కంపెనీ ఇటీవల దేశీయ మార్కెట్లో తన కొత్త 'ప్యాషన్ ఎక్స్టెక్' (Passion XTEC) విడుదల చేసింది. దేశీయ మార్కెట్లో విడుదలైన ఈ కొత్త బైక్ ప్రారంభ ధర రూ. 74,590 (ఎక్స్-షోరూమ్, ఢిల్లీ). ఈ బైక్ రెండు వేరియంట్లలో అందుబాటులో ఉంది. అవి ఎక్స్టెక్ డ్రమ్ వేరియంట్ (రూ.74,590) మరియు ఎక్స్టెక్ డిస్క్ వేరియంట్ (రూ.78,990). ఈ లేటెస్ట్ బైక్ ఇప్పుడు చాలా అప్డేటెడ్ ఫీచర్స్ పొందుతుంది. ఇందులో ప్రధానంగా చెప్పుకోదగ్గ మార్పులు బ్లూటూత్ కనెక్టివిటీ మరియు డిజిటల్ ఇన్స్ట్రుమెంట్ క్లస్టర్. ఇప్పుడు ఈ కొత్త బైక్ ఈ రెండు లేటెస్ట్ ఫీచర్స్ పొందుతుంది.
హీరో ప్యాషన్ ఎక్స్టెక్ బైక్ లో ఇప్పుడు బ్లూటూత్ కనెక్టివిటీ ఫీచర్ ఉండటం వల్ల వాహన వినియోగదారుడు స్మార్ట్ఫోన్కి కనెక్ట్ చేసుకోవచ్చు. బ్లూటూత్కు కనెక్ట్ అయిన తర్వాత, బైక్ ఇన్స్ట్రుమెంట్ క్లస్టర్లో కాల్ అలర్ట్, రియల్ టైమ్ మైలేజ్ ఇండికేటర్, లో-ఫ్యూయెల్ వార్ణింగ్ లైట్ మరియు సర్వీస్ రిమైండర్ వంటి వాటిని ప్రదర్శిస్తుంది.
హీరో మోటోకార్ప్ యొక్క ఈ కొత్త బైక్ 110 సిసి బిఎస్6 ఇంజిన్ పొందుతుంది. ఈ ఇంజిన్ ఇది 7500 ఆర్పిఎమ్ వద్ద 9 బిహెచ్పి పవర్ మరియు 5000 ఆర్పిఎమ్ వద్ద 9.79 ఎన్ఎమ్ టార్క్ ప్రొడ్యూస్ చేస్తుంది. ఇది 4-స్పీడ్ గేర్బాక్స్తో జతచేయబడి ఉంటుంది. ఈ బైక్ ఇప్పుడు మరింత మెరుగైన మైలేజ్ అందించడానికి ఐ3ఎస్ టెక్నాలజీని కలిగి ఉంది. కావున మంచి పనితీరుని అందిస్తుంది.