దేశీయ మార్కెట్లో విడుదలైన కొత్త జావా 42 బాబర్.. ధర రూ. 2.06 లక్షలు

దేశీయ మార్కెట్లో విడుదలైన కొత్త జావా 42 బాబర్‌ మూడు కలర్ ఆప్సన్స్ లో లభిస్తుంది. అవి మిస్టిక్ కాపర్, మూన్‌స్టోన్ వైట్ మరియు జాస్పర్ రెడ్. కలర్ ని బట్టి ధరలు కూడా మారుతాయి.

• జావా 42 బాబర్‌ మిస్టిక్ కాపర్: రూ. 2.06 లక్షలు (ఎక్స్-షోరూమ్)
• జావా 42 బాబర్‌ మూన్‌స్టోన్ వైట్: రూ. 2.07 లక్షలు (ఎక్స్-షోరూమ్)
• జావా 42 బాబర్‌ జాస్పర్ రెడ్: రూ. 2.09 లక్షలు (ఎక్స్-షోరూమ్)



Colour Variant	Price
Mystic Copper	₹2,06,500
Moonstone White	₹2,07,500
Jasper Red (Dual Tone)	₹2,09,187



జావా 42 బాబర్‌ చూడగానే ఆకర్శించే విధంగా తయారుచేయబడి ఉంటుంది. కావున ఇందులో కొత్త రౌండ్ హెడ్‌ల్యాంప్, ఇండిపెండెంట్ క్లాక్ కన్సోల్, కొత్త హ్యాండిల్ బార్, కొత్త ఫ్యూయల్ ట్యాంక్, పూర్తిగా రీడిజైన్ చేయబడిన అడ్జస్టబుల్ సీటు మరియు వెనుక ఫెండర్‌పై చిన్న లగేజ్ ర్యాక్ వంటివి ఉన్నాయి. అయితే ఇందులో ఇప్పుడు వీల్‌బేస్ కొంత ఎక్కువగా ఉంటుంది.



జావా 42 బాబర్ బైక్ అనేది పెరాక్ బాబర్ యొక్క స్టైలింగ్ ఎలిమెంట్‌లను కలిగి ఉంటుంది. కావున ఇది మంచి స్టైలింగ్ పొందుతుంది. ఇందులో నెగటివ్ LCD డిస్‌ప్లే కూడా చూడవచ్చు. అయితే టెయిల్-ల్యాంప్ పెరాక్‌కి భిన్నంగా ఉండటం గమనించవచ్చు.



కొత్త జావా 42 బాబర్‌ బైక్ 334 సిసి సింగిల్-సిలిండర్ లిక్విడ్-కూల్డ్ యూనిట్ పొందుతుంది. ఇది 30.64 హెచ్‌పి పవర్ మరియు 32.64 ఎన్ఎమ్ టార్క్‌ ఉత్పత్తి చేస్తుంది. ఇది 6-స్పీడ్ గేర్‌బాక్స్‌తో జత చేయబడి ఉంటుంది, కావున మంచి పనితీరుని అందిస్తుంది.



కొత్త జావా 42 బాబర్ బైక్ రైడర్ కి మరింత సౌకర్యవంతమైన రైడింగ్ అనుభూతిని అందించడానికి అద్భుతమైన సస్పెన్షన్ సెటప్ కూడా అందిస్తుంది. అదే సమయంలో బ్రేకింగ్ కూడా అద్భుతంగా ఉంటుంది. ఈ బైక్ స్పోక్డ్ వీల్స్ పొందుతుంది.



జావా 42 బాబర్ అద్భుతమైన డిజైన్ కలిగి, మంచి పనితీరుని అందించేలా రూపొందించబడి ఉంటుంది. అయితే ప్రస్తుతం దీనికి ప్రత్యక్ష ప్రత్యర్థులు లేదు, కానీ ధరల విషయంలో మాత్రం జావా పెరాక్ కి ప్రత్యర్థిగా ఉంటుంది. ఇంతకు ముందు చెప్పినట్లుగా ధరలు ఎంచుకునే కలర్ ఆప్సన్ ని బట్టి ఉంటాయి.



డ్రైవ్‌స్పార్క్ అభిప్రాయం:

పండుగ సీజన్ లో జావా 42 బాబర్ విడుదల కావడం బైక్ ప్రేమికులకు మంచి శుభవార్త అనే చెప్పాలి. ఈ బైక్ దాని మునుపటి మోడల్స్ కంటే కూడా చాలా ఆధునికంగా ఉంటుంది, కావున మార్కెట్లో తప్పకుండా మంచి అమ్మకాలను పొందుతుందని ఆశిస్తున్నాము. దేశీయ మార్కెట్లో విడుదలయ్యే కొత్త కార్లు మరియు బైకుల గురించి మరిన్ని వివరాలు ఎప్పటికప్పుడు తెలుసుకోవడానికి తెలుగు డ్రైవ్‌స్పార్క్ ఛానల్ చూస్తూ ఉండండి.