భారత్‌లో పూర్తిగా అమ్ముడైన యమహా ఆర్15 మోటోజిపి ఎడిషన్..! ఇక ఆ వేరియంటే దిక్కు..!!

భారతదేశంలో యమహా వైజెడ్ఎఫ్-ఆర్15 వి4 మోటార్‌సైకిల్ యొక్క మాన్‌స్టర్ ఎనర్జీ మోటోజిపి వేరియంట్ పూర్తిగా విక్రయించబడినప్పటికీ, దేశంలో విక్రయించబడిన యూనిట్ల సంఖ్యకు సంబంధించి యమహా ఇంకా ఎటువంటి డేటాను విడుదల చేయలేదు. స్టాండర్డ్ YZF-R15M మోడల్‌తో ఈ స్పెషల్ ఎడిషన్ YZF-R15 V4 MotoGP ఎడిషన్ స్పెషల్ బాడీ గ్రాఫిక్స్‌తో పాటుగా కొన్ని ప్రత్యేకమైన ఫీచర్లను కూడా కలిగి ఉంటుంది. ఈ స్పెషల్ ఎడిషన్ పూర్తిగా అమ్ముడైపోయిన నేపథ్యంలో, కస్టమర్లు ఇప్పుడు దీనికి ప్రత్యామ్నాయంగా స్టాండర్డ్ Yamaha YZF-R15M V4 వేరియంట్‌ను కొనుగోలు చేయవచ్చు.

ఇది స్టాండర్డ్ YZF-R15M మోటార్‌సైకిల్‌పై ఆధారపడి ఉంటుంది కాబట్టి, ఈ మోటార్‌సైకిల్‌లో సింగిల్-పాడ్ ఎల్ఈడి ప్రొజెక్టర్ హెడ్‌లైట్, స్ప్లిట్ సీట్లు, ఎల్ఈడి డేటైమ్ రన్నింగ్ లైట్లు మొదలైన ఫీచర్లు ఉన్నాయి. యమహా తమ ఆర్15 యొక్క వెర్షన్ 4 (4వ తరం) మోడల్‌ను గతేడాది భారత మార్కెట్లో ప్రారంభించింది. ఈ కొత్త మోడల్ యమహా బ్రాండ్ విక్రయిస్తున్న పెద్ద Yamaha YZF-R7 బైక్ నుండి ప్రేరణ పొంది డిజైన్ చేయబడింది. కంపెనీ దీనికి కొత్త డిజైన్‌తో పాటు, సరికొత్త ఫీచర్లను జోడించింది.

యమహా ఆర్15 వి4 బైక్ లో ట్రాక్షన్ కంట్రోల్ సిస్టమ్ (టిసిఎస్) మరియు క్విక్ షిఫ్టర్ వంటి కొన్ని ఫస్ట్-ఇన్-సెగ్మెంట్ ఫీచర్లను కూడా జోడించారు. ఇది గేర్ షిఫ్ట్ ఇండికేటర్, ట్రాక్ మరియు స్ట్రీట్ మోడ్‌తో YZF-R1 మోడల్ నుండి ప్రేరణ పొందిన కొత్త ఎల్‌సిడి ఇన్‌స్ట్రుమెంట్ క్లస్టర్‌ని కూడా కలిగి ఉంటుంది. ఈ బైక్ లో మరింత అగ్రెసివ్ గా ఉండే ఫెయిరింగ్స్, మజిక్యులర్ ఫ్యూయెల్ ట్యాంక్ మరియు పొడవైన విండ్‌స్క్రీన్ వంటి డిజైన్ ఎలిమెంట్స్ ఉన్నాయి. స్పోర్టియర్ స్టైలింగ్ డిజైన్‌ను కలిగిన ఈ మోటార్‌సైకిల్ ఇప్పుడు మరింత సౌకర్యవంతమైన సీటింగ్ పొజిషన్ తో అప్‌గ్రేడ్ చేయబడింది. కాబట్టి, ఇది రోజువారీ రైడింగ్ కోసం కూడా చాలా సౌకర్యంగా ఉంటుంది.

కంపెనీ తమ ఆర్15 వెర్షన్ 4 మోడల్‌ను మొత్తం రెండు వేరియంట్లలో ప్రవేశపెట్టింది. ఇందులో మొదటిది స్టాండర్డ్ ఆర్15 వి4 (R15 V4.0) మరియు రెండవది మరింత స్పోర్టీయర్ వేరియంట్ అయిన ఆర్15ఎమ్ (R15M). హై -స్పెక్ మోడల్ అయిన ఆర్15ఎమ్, స్టాండర్డ్ ఆర్15 వి4 తో పోల్చుకుంటే కాస్తం విభిన్న డిజైన్‌ను మరియు పరికరాలను కలిగి ఉంటుంది. అయితే, ఇంజన్ పరంగా మాత్రం ఇవి రెండూ ఒకేలా ఉంటాయి. ఇందులో స్మార్ట్‌ఫోన్ కనెక్టివిటీ కోసం యమహా వై-కనెక్ట్ బ్లూటూత్ కనెక్టివిటీ ఫీచర్ ఉంటుంది. ఇది కాల్ మరియు మెసేజ్ అలెర్ట్స్, రియల్ టైమ్ మైలేజ్, ఇంజన్ ఆర్‌పిఎమ్, మాల్‌ఫంక్షన్ నోటిఫికేషన్స్, పార్కింగ్ రికార్డ్, బైక్ లొకేషన్, రైడ్ హిస్టరీ వంటి మెరెన్నో విషయాలను తెలిజయేస్తుంది.

యమహా ఆర్15 వెర్షన్ 4 మోడల్ ట్రాక్షన్ కంట్రోల్ సిస్టమ్ ఫీచర్ తో లభిస్తుంది. ఇది భారతదేశంలో ఈ ఫీచర్ పొందిన మొట్టమొదటి 155 సిసి బైక్. ఇంకా ఈ బైక్‌లో స్ట్రీట్ మరియు ట్రాక్ అనే రైడింగ్ మోడ్స్ కూడా ఉంటాయి. రైడర్ నడిపే రోడ్డు మరియు అవసరాన్ని బట్టి ఈ మోడ్స్ ను ఎంచుకోవచ్చు. ఈ బైక్‌ లోని ఇతర ఫీచర్లలో 17 ఇంచ్ అల్లాయ్ వీల్స్, ముందు వైపు అప్ సైడ్ డౌన్ (యూఎస్‌డి) ఫోర్కులు మరియు వెనుక వైపు మోనో షాక్ సస్పెన్షన్ యూనిట్ ఉంటాయి. అలాగే, బ్రేకింగ్ విషయానికి వస్తే, ఈ బైక్ రెండు చివర్లలో డిస్క్ బ్రేక్స్ అమర్చబడి ఉంటాయి మరియు ఇవి రెండూ డ్యూయల్ ఛానల్ ఏబిఎస్ ఫీచర్‌ని సపోర్ట్ చేస్తాయి.

స్టాండర్డ్ యమహా ఆర్15 మోడల్ లో ఉపయోగించిన అదే 155 సిసి, 4-స్ట్రోక్, లిక్విడ్-కూల్డ్, ఎస్ఓహెచ్‌సి, వేరియబుల్ వాల్వ్ యాక్చుయేషన్ (VVA)తో కూడిన 4-వాల్వ్ ఇంజన్ నే ఈ కొత్త మోటో జిపి ఎడిషన్ బైక్ లోనూ ఉపయోగించారు. ఈ ఇంజన్ 10,000 ఆర్‌పిఎమ్ వద్ద 18.4 బిహెచ్‌పి శక్తిని మరియు 7,500 ఆర్‌పిఎమ్ వద్ద 14.2 ఎన్ఎమ్ గరిష్ట టార్క్‌ ను ఉత్పత్తి చేస్తుంది.

ఈ వేరియబుల్ వాల్వ్ యాక్చువేటెడ్ ఇంజన్ 6-స్పీడ్ గేర్‌బాక్స్‌ తో జత చేయబడి ఉంటుంది మరియు ఇది క్లచ్‌లెస్ అప్‌షిఫ్ట్‌ల కోసం క్విక్ షిఫ్టర్‌తో స్టాండర్డ్‌గా అమర్చబడి ఉంటుంది. ఇన్ని అదనపు ఫీచర్లు కలిగి ఉన్నప్పటికీ, కొత్త Yamaha YZF-R15 V4 బరువు కేవలం 142కిలోలుగానే ఉంటుంది. తెలుగులో ఎప్పటికప్పుడు లేటెస్ట్ ఆటోమొబైల్ అప్‌డేట్స్ కోసం తెలుగు డ్రైవ్‌స్పార్క్ ని గమనిస్తూ ఉండండి.