Just In
- 47 min ago బుల్లితెర నటి 'ప్రజ్ఞా భట్' కొత్త కారు చూసారా.. ధర ఎంతో తెలుసా?
- 1 hr ago జనరల్ టికెట్ ప్యాసింజర్స్తో ఫుల్ రష్గా రిజర్వ్డ్ కోచ్లు.. ప్రయాణికుడి కంప్లెయింట్, రైల్వే శాఖ సీరియస్
- 3 hrs ago ఫ్రీ బస్సులో వాటికి ప్రత్యేకంగా సీటు.. బామ్మ, మనవరాలికి షాక్ ఇచ్చిన బస్ కండక్టర్..
- 3 hrs ago Hero Pleasure Plus Xtec Sports కొనాలనుకుంటున్నారా? అయితే ఇవి తెలుసుకోండి!
Don't Miss
- News మరోసారి మానవత్వాన్ని చాటుకున్న సీఎం జగన్
- Technology ఆపిల్ వరల్డ్ వైడ్ డెవలపర్ కాన్ఫరెన్స్ 2024 తేదీ వెల్లడి.. iOS 18, GenAI పై కీలక ప్రకటనలకు అవకాశం..!
- Finance Gold Rate: రంకెలు వేస్తున్న బంగారం ధరలు.. నేడు రూ.3,800 పెరగటంతో..
- Sports Hardik Pandya: కెప్టెన్గా చెత్త రికార్డు సాధించా.. హ్యాపీనే!
- Movies హీరో నవీన్ పోలిశెట్టికి యాక్సిడెంట్: విరిగిపోయిన చేయి.. డాక్టర్లు ఏం చెప్పారంటే!
- Lifestyle ఈ అలవాట్లు ఉన్నవారికి తీవ్ర కడుపులో అల్సర్ వచ్చే అవకాశం ఉంది...వెంటనే బయటపడండి...!
- Travel శివ కళ్యాణోత్సవాలకు ముస్తాబైన వేములవాడ రాజన్న ఆలయం!
అల్ట్రావయోలెట్ F77 డెలివరీ టైమ్లైన్ వచ్చేసింది.. ఫస్ట్ డెలివరీ ఎక్కడో తెలుసా?
బెంగళూరుకు చెందిన ప్రముఖ EV స్టార్టప్ కంపెనీ 'అల్ట్రావయోలెట్' భారతీయ మార్కెట్లో తన కొత్త ఎలక్ట్రిక్ స్పోర్ట్స్ బైక్ ఎఫ్77 విడుదల చేసిన విషయం తెలిసిందే. ఈ బైక్ కోసం కంపెనీ ఇప్పటికే బుకింగ్స్ ప్రారంభించింది. అయితే ఇప్పుడు డెలివరీలకు సంబంధించిన సమాచారాన్ని వెల్లడించింది.
కొత్త అల్ట్రావయోలెట్ F77 ఎలక్ట్రిక్ బైక్ కొనుగోలు చేయాలనుకునే కస్టమర్లు రూ. 10,000 చెల్లించి కంపెనీ యొక్క అధికారిక వెబ్సైట్ లో బుక్ చేసుకోవచ్చు. అయితే బుక్ చేసుకున్న తరువాత మొదటి డెలివరీలు బెంగళూరు నగరంలో ప్రారంభమవుతాయి. ఫేజ్ 1 కింద, 2023 జనవరి నాటికి డెలివరీలు బెంగళూరులో మాత్రమే ప్రారంభమవుతాయి. అంటే కంపెనీ మొదటి ప్రాధాన్యత ప్రస్తుతం బెంగళూరు ప్రాంత వాసులకు కల్పిస్తుంది.
బెంగళూరులో డెలివరీలు ప్రారంభమైన తరువాత ఫేజ్-2 మొదటి భాగంలో 2023 ఏప్రిల్ మరియు జూన్ మధ్య కాలంలో చెన్నై, ముంబై, పూణే మరియు కొచ్చిన్లలో డెలివరీలు ప్రారంభమవుతాయి. ఫేజ్-2 రెండవ భాగం 2023 జూలై మరియు సెప్టెంబర్ మధ్యలో హైదరాబాద్, అహ్మదాబాద్, ఢిల్లీ మరియు లక్నో నగరాల్లో ప్రారంభించబడుతుంది. ఇక ఫేజ్-2 మూడవ మరియు చివరి భాగంగా గురుగ్రామ్, జైపూర్, కోల్కతా, గౌహతి మరియు లుధియానాలలో అక్టోబర్-డిసెంబర్ మధ్యలో ప్రారంభిస్తుంది.
కంపెనీ తన అల్ట్రావయోలెట్ F77 ఎలక్ట్రిక్ బైకుని గ్లోబల్ మార్కెట్లో కూడా విక్రయిస్తుందని గతంలోనే చెప్పింది. కావున భారతీయ మార్కెట్లో డెలివరీలను చేసిన తరువాత ఇతర దేశాలైన యూరప్, ఉత్తర అమెరికా, దక్షిణ అమెరికా, జపాన్ మరియు ఇతర ఆగ్నేయాసియా దేశాలలో కూడా డెలివరీలను ప్రారంభిస్తుంది, కానీ ఈ దేశాలలో ఎప్పుడు డెలివరీ చేస్తుంది అనే అధికారిక సమాచారం గానీ, డెలివరీ టైమ్ కానీ విడుదల చేయలేదు.
ఇప్పటికే కంపెనీ తన కొత్త ఎలక్ట్రిక్ బైక్ కోసం దాదాపు 190 దేశాల నుంచి 70,000 ప్రీ బుకింగ్స్ పొందే అవకాశం ఉందని గతంలోనే వెల్లడించింది. కావున ఇది ప్రపంచ మార్కెట్లో తప్పకుండా మంచి ఆదరణ పొందే అవకాశం కూడా ఉంది. ఈ కొత్త మూడు కలర్ ఆప్సన్స్ పొందుతుంది. అవి షాడో (బ్లాక్), ఎయిర్స్ట్రైక్ (వైట్ అండ్ బ్లాక్) మరియు లేజర్ (రెడ్ అండ్ బ్లాక్).
అల్ట్రావయోలెట్ ఎలక్ట్రిక్ బైక్ యొక్క ఎఫ్77 వేరియంట్ 7.1kWh బ్యాటరీ ప్యాక్ కలిగి ఉంటుంది. ఇది ఒక సింగిల్ ఛార్జ్ తో గరిష్టంగా 207 కిలోమీటర్ల రేంజ్ అందిస్తుంది. అదే సమయంలో రీకాన్ వేరియంట్ 10.3kWh బ్యాటరీ ప్యాక్ కలిగి 307 కిమీ రేంజ్ అందిస్తుంది. అంటే ఎఫ్77 వేరియంట్ కంటే కూడా రీకాన్ వేరియంట్ రేంజ్ 100 కిమీ ఎక్కువ అని స్పష్టంగా అర్థమవుతోంది.
అల్ట్రావయోలెట్ ఎఫ్77 (F77) వేరియంట్ బరువు 197 కేజీలు కాగా, రీకాన్ వేరియంట్ బరువు 187 కేజీల వరకు ఉంటుంది. కాగా ఈ రెండు వేరియంట్స్ యొక్క అవుట్పుట్ గణాంకాలు కూడా వేరుగా ఉంటాయి. ఎఫ్77 వేరియంట్ గరిష్టంగా 36.2 బిహెచ్పి పవర్ మరియు 85 ఎన్ఎమ్ టార్క్ అందిస్తుంది. రీకాన్ వేరియంట్ 38.88 బిహెచ్పి పవర్ మరియు 95 ఎన్ఎమ్ టార్క్ అందిస్తుంది.
అల్ట్రావయోలెట్ F77 లిమిటెడ్ ఎడిషన్ రూపంలో కూడా అందుబాటులో ఉంటుంది. ఇది కేవలం 77 యూనిట్లు మాత్రమే విక్రయించబడతాయి. ఈ బైక్ ధర రూ. 5.50 లక్షలు (ఎక్స్-షోరూమ్). ఇది కూడా 307 కిమీ రేంజ్ అందిస్తుంది. ఛార్జింగ్ విషయానికి వస్తే, ఇవి స్టాండర్డ్ మరియు బూస్ట్ ఛార్జింగ్ ఆప్సన్ కలిగి ఉంటాయి. బ్యాటరీ ప్యాక్ను ఛార్జ్ చేయడానికి 15A ప్లగ్ పాయింట్లోకి ప్లగ్ చేయవచ్చు.