Ather 450S Full Review ఏథర్ 450S ఎలక్ట్రిక్ స్కూటర్ ఫీచర్లు, ధర, పెర్ఫామెన్స్ ఫుల్ రివ్యూ

ఏథర్ ఎనర్జీ పరిచయం అక్కర్లేని ఎలక్ట్రిక్ స్కూటర్ల కంపెనీ. భారతదేశంలో ఎలక్ట్రిక్ స్కూటర్లకు చిరునామాగా ఏథర్ నిలిచింది. అయితే ఈ మధ్య కాలంలో కాస్త ఓలా కంపెనీ దూకుడుతో ఏథర్‌కి అడ్డుకట్ట పడింది. తాజాగా మరోసారి ఏథర్ ఎనర్జీ తన సత్తాను చాటే సరికొత్త స్కూటర్లను విడుదల చేసింది.

గత కొన్ని వారాలుగా, EV లపై కేంద్ర ప్రభుత్వం అందిస్తున్న సబ్సిడీలు తగ్గించడంతో ఈ రంగంలో ద్వి చక్ర వాహనాల కొనుగోళ్లు ఆశించిన స్థాయిలో రాణించలేక పోయాయి. అయితే పండుగ సీజన్‌లో తీసుకువస్తున్న స్కూటర్లతో మరోసారి ఎలక్ట్రిక్ వాహనాల అమ్మకాలు ఊపందుకుంటున్నాయి.

తాజాగా Ather 450 సిరీస్‌లో సరికొత్త స్కూటర్లను పరిచయం చేసింది. వీటిలో కొత్త ఏథర్ 450S, 450X పేరుతో స్కూటర్లను విడుదల చేసింది. వీటిలో 450X వేరియంట్స్‌లో రెండు బ్యాటరీ ఆప్షన్లలో స్కూటర్లను సంస్థ తీసుకువచ్చింది. ఏథర్ 450S పనితీరు, డిజైన్‌ ఇతర స్పెసిఫికేషన్స్‌పై మా డ్రైవ్స్‌పార్క్‌ టీం టెస్ట్‌డ్రైవ్‌ నిర్వహించింది. 450S ఫుల్‌ రివ్యూ మీకోసం..

Ather 450S డిజైన్ & ఫీచర్లు: దాదాపు ఒకేలా ఉంటాయి కానీ.. Ather యొక్క ఇతర స్కూటర్ల మాదిరిగానే Ather 450S డిజైన్‌తో వస్తుంది. కొత్తగా తీసుకువచ్చిన ఈ స్కూటర్లలో ఎలాంటి డిజైన్ మార్పులను సంస్థ చేయలేదు. బయట కొత్త స్కూటర్లకు రెండు వైపులా చిన్న స్టిక్కర్ లాంటి బ్యాడ్జ్‌లను కనుగొనవచ్చు. ఇవి కాకుండా బయటి బాడీ ప్యానెల్స్‌లో ఏవైనా మార్పులు ఉన్నాయో లేదో తెలుసుకోవడానికి మీరు చాలా కష్టపడాల్సి ఉంటుంది.

ఇకపైన టచ్‌స్క్రీన్ యూనిట్ లేనందున హ్యాండిల్‌బార్‌లోని అన్ని కొత్త స్విచ్‌గేర్‌లు రానున్నాయి. 450S' నాన్-టచ్ డిస్‌ప్లే ఎడమవైపు ఉన్న జాయ్‌స్టిక్‌తో నియంత్రించబడే TFT సాంకేతికతతో LCD సెటప్‌ అదిరిపోయే కలర్లతో వస్తుంది. రివర్స్ మోడ్‌ని యాక్టివేట్ చేయడం ఇప్పుడు స్క్రీన్ కుడి వైపున ప్రత్యేక స్విచ్ ద్వారా ఇవ్వబడింది.

డిస్‌ప్లే యొక్క ఎడమ వైపు మీకు మొత్తం రైడ్ డేటాను పొందవచ్చు. ఎవరైనా మీకు కాల్ చేస్తున్నారా లేదా మీకు ఏదైన మెసేజ్ వస్తే వెంటనే తెలియజేస్తుంది. ఇందులోనే మ్యూజిక్, రైడ్‌ డేటా వంటి కీలక సమాచారం ఉంటుంది. కుడి వైపు మీకు టర్న్-బై-టర్న్ నావిగేషన్ అలెర్ట్స్‌ని పొందుతారు.

పైన తెలిపినవి కాకుండా రూ.1.43 లక్షలకు (ఎక్స్-షోరూమ్) ప్రో ప్యాక్‌ను ఎంచుకున్నట్లైతే ఇ-బ్లూటూత్ ఫీచర్లన్నీ యాక్టివేట్ చేయబడతాయి. ఈ స్కూటర్లలో 'డీప్-వ్యూ' డిస్‌ప్లే ఆటో-బ్రైట్‌నెస్ ఫంక్షన్‌ను కలిగి ఉంది. మేము ఈ స్కూటర్‌ని రివ్యూ చేసేటప్పుుడు వాతావరణం మేఘావృతమై ఉంది. ఈ సమయంలో డిస్‌ప్లే ప్రకాశవంతంగా కనిపించింది. కొత్త స్విచ్ గేర్ తడిసినా కానీ ఉపయోగించడానికి చాలా సులువుగా అనిపించింది.

బ్యాటరీ ప్యాక్: సరికొత్త ఏథర్ 450S 2.9kWh బ్యాటరీ ప్యాక్‌తో వస్తుంది. ఈ బ్యాటరీ ప్యాక్ ఫుల్ ఛార్జింగ్‌తో 115కిమీ రేంజ్‌ను అందిస్తుంది. ఏథర్ స్మార్ట్ నాలుగు డ్రైవింగ్ మోడ్‌లను అందిస్తుంది. స్మార్ట్ ఎకో మోడ్‌లో గరిష్ఠంగా 90 కిమీ రేంజ్‌ను ఇస్తుంది. ఎకోలో 85 కి.మీ, రైడ్ మోడ్‌లో 75 కి.మీ మరియు స్పోర్ట్ మోడ్‌లో 70 కి.మీలకు పడిపోతుంది.

అన్ని వేళలా వేగంగా ప్రయాణించాలనుకోవడంతో పాటు రోజూ 15-20 కి.మీ పరిమితంగా ప్రయాణించేవారికి ఈ స్కూటర్ బాగా సరిపోతుంది. ఎకో మరియు రైడ్ మోడ్ మిమ్మల్ని సులభంగా ప్రయాణించడానికి దోహదపడుతుంది. ఈ ఇ-స్కూటర్ తొక్కడం చాలా సులభం, మరియు ఇది రోడ్డుపైకి వచ్చిన తర్వాత, హెవీ ట్రాఫిక్‌లో సైతం మీరు సులభంగా వెళ్లవచ్చు.

ప్రధానంగా హోమ్ ఛార్జింగ్ సెటప్ కోసం బ్యాటరీ ప్యాక్ యొక్క ఛార్జింగ్‌కు ఎక్కువ సమయం తీసుకుంటుంది. 0-80 శాతం ఛార్జ్ చేయడానికి ఆరు గంటల 36 నిమిషాల సమయం పడుతుంది. ఇంకా పూర్తి ఛార్జ్ కావడానికి మరో రెండు గంటల సమయం ఎక్కువగా తీసుకుంటుంది. అయితే ఏథర్ 450S ను ఛార్జ్ చేసిన ప్రతిసారి.. 1.5 కి.మీ ఎక్కువగా ప్రయాణిస్తుంది.

ఇది ఓ రకంగా బెనిఫిట్ అయినప్పటికీ.. కేవలం 80 శాతం ఛార్జింగ్ ద్వారా సుదూర ప్రయాణాలు చేయాలనుకునేవారికి ఇది కొంచెం ఇబ్బందికరంగా అనిపించవచ్చు. ఈ బ్యాటరీ ప్యాక్‌తో ఎలక్ట్రిక్ మోటార్ 7.24 bhp వద్ద 22 Nm గరిష్ఠ టార్క్‌ను ఉత్పత్తి చేస్తుంది. Ather 450S గరిష్ఠంగా గంటకు 90 km వేగంతో ప్రయాణిస్తుంది. ఇంకా 3.9 సెకన్లలో 0-40 km/h వేగాన్ని అందుకుంటుంది,

450Sలో ఎకో మరియు రైడ్ మోడ్‌లు 450Xకి విభిన్నమైన థొరెటల్ మ్యాప్ సెటప్‌లను అందిస్తున్నాయని ఏథర్ పేర్కొంది. మీరు సిటీ వీధుల్లో 450S రైడ్ చేస్తున్నప్పుడు రెండు రైడింగ్ మోడ్‌లు మీకు ఈజీగా ఉంటాయి. సిటీ రోడ్లపై ప్రయాణించడానికి ఇది బెస్ట్ ఆప్షన్. స్పోర్ట్ మోడ్‌లో ఎప్పటిలాగే బ్యాటరీ తొందరగా ఛార్జింగ్ అయిపోతుంది. కానీ స్పోర్ట్ మోడ్, బెస్పోక్ MRF రబ్బర్ మరియు స్పోర్టీ సస్పెన్షన్ సెటప్‌తో కలిపి, ఏథర్ 450S వీధుల్లో మంచి రైడింగ్ అనుభవాన్ని ఇస్తుంది.

కొత్త ఏథర్ 450S బెంగుళూరు ట్రాఫిక్ పరిస్థితులకు అనుగుణంగా సులభంగా ప్రయాణిస్తుంది. ఇది మేము Ather నుండి ఆశించిన నాణ్యత అని చెప్పవచ్చు. 450S సస్పెన్షన్ సెటప్‌తో, మీరు బంప్‌లు మరియు రట్‌ల మీద క్రాష్ అయినా రైడింగ్ క్వాలిటీ స్పెక్ట్రమ్‌లో కొంచెం గట్టిగానే ఉంది. బ్రేక్‌లు ఎప్పటిలాగే బిగుతుగా ఉంటాయి. కాంబి-బ్రేకింగ్ సిస్టమ్ ద్వారా క్విక్ స్టాప్ చేయవచ్చు.

చివరగా 450S ఏథర్ ఎనర్జీ స్కూటర్ లైనప్‌లో కొత్త స్కూటర్. మీరు ఎంట్రీ-లెవల్ ఎలక్ట్రిక్ స్కూటర్ కోసం వెతుకుతున్నట్లయితే, ధర మరియు రైడింగ్ సామర్థ్యాలు రెండింటిని పరిశీలించి మీరు నిర్ణయం తీసుకోవచ్చు. ఒక్క ఛార్జింగ్ విషయంలో ఎక్కువ సమయం తీసుకుంటూ కొంచెం నిరుత్సాహపరిచినా రద్దీగా ఉండే సిటీ రోడ్లపై తక్కువ దూరం రిస్క్ లేకుండా ప్రయాణించాలనుకునేవారికి ఏథర్ 450s మంచి ఎంపిక.