Best Mileage Bikes: రూ. 70 వేల లోపు ఎక్కువ మైలేజ్ అందించే బైక్స్..

పెరుగుతున్న ఇంధన ధరలను తగ్గించుకునేందుకు దేశంలో చాలమంది అధిక మైలేజ్ ఇచ్చే బైకులను బైక్‌లను కొనుగోలు చేయడానికి ఇష్టపడతారు. అందుకు తగ్గట్టుగా ప్రముఖ ద్విచక్ర వాహనాల కంపెనీలు విడుదల చేస్తున్నాయి. రూ.70,000 లోపు ఎక్కువ మైలేజ్ అందించి బైక్ ల వివరాలు మీకోసం.

హెచ్‌ఎఫ్ డీలక్స్ బైక్‌..

దేశంలో నంబర్ 1 ద్విచక్ర వాహన తయారీ సంస్థగా గుర్తింపు పొందిన హీరో మోటోకార్ప్ తొలిసారిగా 2013లో హెచ్‌ఎఫ్ డీలక్స్ బైక్‌ను విడుదల చేసింది. ఈ బైక్ చాలా సరసమైన ధరకు కొనుగోలు చేయడానికి అందుబాటులో ఉంది. ప్రస్తుతం దీని ధర రూ.55,021 (ఎక్స్-షోరూమ్)గా ఉంది. ఇందులోని 97.2సీసీ ఇంజన్ గరిష్టంగా 7.8 బిహెచ్‌పి వద్ద 8.05 ఎన్ఎమ్ గరిష్ట టార్క్‌ను ఉత్పత్తి చేస్తుంది. ఇది 4-స్పీడ్ మ్యాన్యువల్ గేర్‌బాక్స్ ను పొందుతుంది.

ఈ Hero HF డీలక్స్ బైక్ బరువు 112 కిలోలు 9.6 లీటర్ల ఇంధన ట్యాంక్ సామర్థ్యం కలిగి ఉంది. ఇది 65 kmpl మైలేజీని ఇస్తుంది. అనేక ఆకర్షణీయమైన రంగులు, నాలుగు వేరియంట్‌ల ఎంపికలో వినియోగదారులకు అందుబాటులో ఉంది. ఇది ఫ్రంట్ టెలిస్కోపిక్ ఫోర్క్, అరుదైన డ్యూయల్ స్ప్రింగ్ సస్పెన్షన్ సెటప్‌ను కలిగి ఉంది. అలాగే, ఇది ఇంటిగ్రేటెడ్ బ్రేకింగ్ సిస్టమ్‌ను పొందుతుంది.

బజాజ్ 'CT 110'

ఈ జాబితాలో మరో బైక్ బజాజ్ 'CT 110'. ఇది సరసమైన ధర రూ.59,041 (ఎక్స్-షోరూమ్) వద్ద అందుబాటులో ఉంటుంది. ధర ప్రకారం, ఇది గరిష్టంగా 70 kmpl మైలేజీని ఇస్తుంది. ఇది 8.48 bhp వద్ద 9.81 Nm గరిష్ట టార్క్‌ను ఉత్పత్తి చేసే 115.45 cc సింగిల్ సిలిండర్ ఇంజన్‌ను పొందుతుంది. 4 స్పీడ్ మాన్యువల్ గేర్‌బాక్స్ ఉంది.

కొత్త బజాజ్ CT 110 బైక్ 118 కిలోల బరువు 10.5 లీటర్ల ఇంధన ట్యాంక్ సామర్థ్యం కలిగి ఉంది. ఇది నాలుగు డ్యూయల్-టోన్ రంగుల ఎంపికలో అందుబాటులో ఉంటుంది. అవి, బ్లూ విత్ బ్లాక్, రెడ్ విత్ బ్లాక్, గ్రీన్ విత్ గోల్డెన్ రెడ్. అలాగే కస్టమర్లను ఆకట్టుకునేలా ఈ బైక్ డిజైన్‌ను కలిగి ఉంది.

బజాజ్ ప్లాటినా 110సీసీ..
భారతదేశంలోని చాలా మంది కస్టమర్లు బజాజ్ కంపెనీ నుండి ప్లాటినా 110 బైక్‌ను కొనుగోలు చేయడానికి ఇష్టపడతారు. ఈ మోటార్‌సైకిల్ రూ.67,673 (ఎక్స్-షోరూమ్) ధరకు కొనుగోలు చేయడానికి అందుబాటులో ఉంది. 70 kmpl మైలేజీని అందిస్తుంది, ఇది 115.45 cc ఇంజన్ కలిగి 8.48 bhp వద్ద 9.81 Nm గరిష్ట టార్క్‌ను ఉత్పత్తి చేస్తుంది. 5 స్పీడ్ మాన్యువల్ గేర్‌బాక్స్ ఎంపికను పొందుతుంది.

TVS స్పోర్ట్..
TVS మోటార్ కంపెనీ దేశీయ విపణిలో 'స్పోర్ట్' బైక్‌ను రూ.61,601 (ఎక్స్-షోరూమ్) ధరకు విక్రయిస్తోంది. ఈ బైక్ 70 kmpl మైలేజీని అందిస్తుంది. ఇందులో 109.7 సిసి సింగిల్ సిలిండర్ ఇంజన్ కలదు. ఇది 8.18 బిహెచ్‌పి వద్ద 8.7 ఎన్ఎమ్ గరిష్ట టార్క్‌ను ఉత్పత్తి చేస్తుంది. 4-స్పీడ్ గేర్‌బాక్స్ ను పొందుతుంది. ముందు, వెనుక ఈ బైక్ కి డ్రమ్ బ్రేక్ ఆప్షన్స్ ఉన్నాయి.

బజాజ్ ప్లాటినా 100సీసీ..

బజాజ్ ప్లాటినా 100సీసీ చాలా తక్కువ ధరకు ఎక్కువ మైలేజీని అందిస్తుంది. దీని ధర రూ.52,734 (ఎక్స్-షోరూమ్)గా ఉంది. ఇది 72 kmpl ఇంధన సామర్థ్యాన్ని కలిగి ఉంది. ఇందులో 102 సిసి సింగిల్ సిలిండర్ ఇంజన్ కలదు. ఇది 7.79 బిహెచ్‌పి వద్ద 8.34 ఎన్ఎమ్ గరిష్ట టార్క్‌ను ఉత్పత్తి చేస్తుంది. 4-స్పీడ్ ట్రాన్స్‌మిషన్ లో ఈ బైక్ రానుంది.