అమెజాన్‌లో హీరో Vida V1 ఎలక్ట్రిక్ స్కూటర్‌పై భారీ తగ్గింపు.. ఊహించని ధరలో సొంతం చేసుకోండి..

దేశీయ మార్కెట్లో అందుబాటులో ఉన్న సూపర్‌ ఎలక్ట్రిక్‌ స్కూటర్‌ మోడళ్లలో హీరో మోటోకార్ప్‌ నుంచి Vida V1 ఎలక్ట్రిక్ స్కూటర్ ఒకటి. హీరో మోటోకార్ప్ ఈ ఎలక్ట్రిక్ స్కూటర్‌ను తన షోరూమ్ ఇంకా అధికారిక వెబ్‌సైట్‌లోనే కాకుండా మరికొన్ని ఈ-కామర్స్ సైట్‌ల ద్వారా కూడా ఎలక్ట్రిక్ స్కూటర్లను విక్రయానికి అందిస్తోంది.

అలాగే, Hero Vida V1 ఎలక్ట్రిక్ స్కూటర్ అమ్మకానికి అందుబాటులో ఉన్న ఆన్‌లైన్ ట్రేడింగ్ ప్లాట్‌ఫారమ్‌లలో అమెజాన్ ఒకటి. Amazon Great Indian Festival స్పెషల్ డిస్కౌంట్ సేల్ ప్రస్తుతం అమెజాన్‌లో నడుస్తోంది. ఈ సందర్భంగా అమెజాన్ తన భాగస్వాముల ద్వారా కొన్ని ప్రొడక్ట్స్‌పై భారీ తగ్గింపులను అందిస్తోంది. అలాగే, హీరో Vida V1 ఎలక్ట్రిక్ స్కూటర్‌పై కూడా ఈ సైట్‌లో భారీ తగ్గింపు ఆఫర్‌ అందిస్తోంది.

దేశీయ మార్కెట్లో Vida V1 ఎలక్ట్రిక్ స్కూటర్ రూ. 1.45 లక్షలకు అమ్మకానికి అందుబాటులో ఉంది. కానీ మీరు ఈ స్కూటర్‌ను ప్రస్తుత Amazon యొక్క గ్రేట్ ఇండియన్ ఫెస్టివల్ తగ్గింపు ధర కింద నిర్దిష్ట బ్యాంకు కార్డును ఉపయోగించి కొనుగోలు చేస్తే, మీరు అదే ఎలక్ట్రిక్ స్కూటర్‌ను కేవలం రూ. 1,04,150 కొనుగోలు చేసే అవకాశాన్ని పొందవచ్చు.

అయితే SBI బ్యాంక్ తన క్రెడిట్ కార్డ్ కస్టమర్లకు మాత్రమే ఈ భారీ తగ్గింపును ప్రకటించింది. అంటే SBI బ్యాంక్ క్రెడిట్ కార్డ్‌ని ఉపయోగించే కస్టమర్‌లు Hero Vida V1 Pro ఎలక్ట్రిక్ స్కూటర్‌ని రూ. 41,750 తగ్గింపు ధరతో కొనుగోలు చేయవచ్చు.

Vida Electric Scooter పై అమెజాన్‌లో ఇదే అతిపెద్ద తగ్గింపు. ఇది మాత్రమే కాకుండా, కొన్ని బ్యాంకులు తమ క్రెడిట్ వినియోగదారులకు తగ్గింపులను కూడా ప్రకటిస్తున్నాయి. రూ. 30,000 వరకు తగ్గింపును ప్రకటించడం కొత్త ఎలక్ట్రిక్‌ స్కూటర్‌ కొనుగోలు చేయాలనుకునేవారికి గుడ్‌ న్యూస్‌ అనే చెప్పాలి.

దీంతో SBI క్రెడిట్ కార్డ్ కస్టమర్లు మాత్రమే కాకుండా ఇతర కస్టమర్లు సైతం హీరో Vida V1 ప్రో ఎలక్ట్రిక్ స్కూటర్‌ను రూ. 30 వేల లోపు తగ్గింపుతో కొనుగోలు చేయవచ్చు. ఇది కాకుండా, బ్యాంకులు వడ్డీ లేని EMI ఆఫర్లను కూడా ప్రకటిస్తున్నాయి. పండుగ సీజన్‌లో కొత్త ఎలక్ట్రిక్ స్కూటర్‌ని కొనుగోలు చేయాలనుకునేవారు ఈ అవకాశాన్ని సద్వినియోగం చేసుకోవచ్చు.

హీరో Vida V1 దేశంలోని అత్యుత్తమ ఎలక్ట్రిక్ స్కూటర్ మోడల్‌లలో ఒకటి. ఈ ఎలక్ట్రిక్ స్కూటర్ ఇండియన్ మార్కెట్లో రెండు వేరియంట్లలో అందుబాటులో ఉంది. అవి V1 ప్లస్ మరియు V1 Pro. Vida V1 Plus ఫుల్ ఛార్జింగ్ తో 143 కి.మీ రేంజ్‌ ఇస్తుంది. ఇందులో 3.44 kWh బ్యాటరీ ప్యాక్ అమర్చారు.

Vida V1 Plus గరిష్ఠ వేగం గంటకు 80 కి.మీ. ఈ స్కూటర్‌లో PMSM మోటార్ ఉపయోగించారు. ఈ మోటార్ కేవలం 3.4 సెకన్లలో 0 నుంచి 40 కి.మీ వేగాన్ని అందుకుంటుంది. మోటారు 6 kW పవర్ మరియు 25 Nm టార్క్‌ను ఉత్పత్తి చేస్తుంది.

Vida V1 Proలోనూ ఇదే మోటార్ ఉపయోగించారు. కానీ బ్యాటరీ ప్యాక్ విషయంలో మాత్రమే రెండింటి మధ్య వ్యత్యాసం ఉంది. V1 ప్రోలో 3.94 kWh బ్యాటరీ ప్యాక్ ఉపయోగించారు. ఫుల్ ఛార్జింగ్‌తో 165 కి.మీ వరకు రేంజ్‌ ఇస్తుంది. దీని గరిష్ఠ వేగం గంటకు 80 కి.మీ. కానీ, పికప్ స్పీడ్ కాస్త ఎక్కువ. కేవలం 3.2 సెకన్లలో 0-40 kmph వేగాన్ని అందుకుంటుంది.

ఇలాంటి సూపర్ కేపబుల్‌ ఎలక్ట్రిక్ స్కూటర్‌పై అమెజాన్ గ్రేట్‌ ఇండియన్‌ ఫెస్టివల్‌ ద్వారా భారీ ఆఫర్లు ఉన్నాయి. రెండు వేరియంట్లు మూడు విభిన్న రైడింగ్ మోడ్‌లను అందిస్తాయి. ఎకో, రైడ్ మరియు స్పోర్ట్. దీనికి అదనంగా, మీరు ఈ ఎలక్ట్రిక్ స్కూటర్‌లో కస్టమ్ మోడ్‌ను పొందవచ్చు. కానీ, ఇది Vida V1 ప్రోలో మాత్రమే అందుబాటులో ఉంది.

ఇక Vida V1 ఎలక్ట్రిక్‌ స్కూటర్‌లో ఫీచర్లను పరిశీలిస్తే 7-అంగుళాల TFT స్క్రీన్, యాంటీ-థెఫ్ట్ అలారం, జియో-ఫెన్స్, రిమోట్, క్రూయిజ్ కంట్రోల్, టూ-వే థొరెటల్, మొబైల్ ఫోన్ కాల్ అలర్ట్, నావిగేషన్, వెహికల్ ట్రాకింగ్, 4G మరియు Wi-Fi ఫెసిలిటీ ఉంది. Vida V1 ఎలక్ట్రిక్‌ స్కూటర్‌పై అమెజాన్‌ గ్రేట్‌ ఇండియన్‌ ఫెస్టివల్‌ ద్వారా భారీ ప్రత్యేక తగ్గింపుతో విక్రయాల రేటు గణనీయంగా పెరుగుతుందని భావిస్తున్నారు.