Click it and Unblock the Notifications
Harley Davidson X440 రాయల్ ఎన్ఫీల్డ్ బైక్స్కి ధీటుగా.. తక్కువ ధరలో హర్లీ డేవిడ్సన్ బైక్ విడుదల
భారతదేశంలో ఎంతో ఆసక్తిగా ఎదురుచూస్తున్న హార్లీ డేవిడ్సన్ X440ను ఎట్టకేలకు ఆ సంస్థ విడుదల చేసింది. ఈ సరికొత్త బైక్ని Hero MotoCorpతో కలిసి హర్లీ సంయుక్తంగా అభివృద్ధి చేసింది. అనేక కారణాల వల్ల హార్లీ-డేవిడ్సన్ X440 విడుదల ఆలస్యం అయ్యింది. తాజాగా ఈ ఉత్కంఠకు తెరతీసినట్లైంది.
ప్రస్తుతం మిడిల్ వెయిట్ విభాగంలో తమ హవాను కొనసాగిస్తున్న రాయల్ ఎన్ఫీల్డ్ ఆధిపత్యానికి Harley-Davidson X440 అడ్డుకట్ట వేయనుంది. ఈ హార్లీ డేవిడ్సన్ బైక్ ధర రూ.2.29 లక్షలు (ఎక్స్-షోరూమ్,ఢిల్లీ) నుంచి ప్రారంభం కానుంది. దీనికి సంబంధించిన బుకింగ్స్ ఇప్పటికే ప్రారంభమయ్యాయి. ఈ కొత్త బైక్ కొనాలనుకునే వినియోగదారులు రూ.25,000 చెల్లించి బుక్ చేసుకోవచ్చు.
ఇది అమెరికన్ కంపెనీ నుంచి భారతదేశంలో వస్తున్న బైక్ తయారీదారులలో అత్యంత సరసమైన బైక్గా చెప్పవచ్చు. కొత్త హార్లీ డేవిడ్సన్ ఎక్స్440 లాంగ్ రైడ్స్కు అనుకూలంగా ఉంటుందని మార్కెట్ నిపుణులు భావిస్తున్నారు. ఈ హార్లీ డేవిడ్ ఎక్స్440 డెనిమ్, వివిడ్ మరియు ఎస్.డెనిమ్ అనే మూడు వేరియంట్లలో లభిస్తుంది.
హార్లీ-డేవిడ్సన్ ఎక్స్ 440 యొక్క డిజైన్ గురించి మాట్లాడితే, ఈ బైక్ ఇంధన ట్యాంక్ మరియు పాలిష్ చేయబడిన వెనుక భాగం మంచి లుక్ బైక్తో ఆకర్షణీయంగా ఉంటుంది. ఈ మోటార్ సైకిల్ హెడ్ లైట్లు, టర్న్ ఇండికేటర్స్ మరియు ఇన్ స్ట్రుమెంట్ క్లస్టర్ వంటి వృత్తాకార రూపంలో ఉంటాయి. కొత్త హార్లీ ముందు భాగంలో 18-అంగుళాల చక్రాలు మరియు వెనుక భాగంలో 17-అంగుళాల చక్రాలను కలిగి ఉంది.
ఈ మోటార్ సైకిల్ ద్వారా సిటీ రైడ్స్ తో పాటు సుదూర ప్రయాణాలకు అనుకూలంగా ఉంటుంది. ఈ కొత్త హార్లీ డేవిడ్సన్ ఎక్స్440లో ఎల్ఈడీ హెడ్ ల్యాంప్స్, ఎల్ఈడీ టెయిల్ ల్యాంప్స్ ఉన్నాయి. కొత్త హార్లీ డేవిడ్సన్ ఎక్స్ 440 సింగిల్ సిలిండర్, ఆయిల్-కూల్డ్, 440 సిసి ఇంజన్తో పనిచేస్తుంది. ఈ ఇంజన్ సుమారుగా 27bhp పవర్ మరియు 38nm టార్క్ను ప్రొడ్యూస్ చేస్తుంది.
ఈ ఇంజన్ 6-స్పీడ్ ట్రాన్స్ మిషన్తో వచ్చే అవకాశం ఉంది. కొత్త హార్లీ డేవిడ్సన్ ఎక్స్ 440 ముందు మరియు వెనుక, డ్యూయల్-ఛానల్ ఏబిఎస్ మరియు మరిన్ని ఫీచర్లను కలిగి ఉంటుంది. ఇది మరింత భద్రత కోసం సింగిల్ డిస్క్ బ్రేక్స్ వంటి ఫీచర్లతో వస్తుంది.
ఈ కొత్త హార్లీ డేవిడ్సన్ బైక్ వృత్తాకార ఇన్స్ట్రూమెంట్ క్లస్టర్ను కలిగి ఉంది. ఇది బ్లూటూత్ కనెక్టివిటీతో టిఎఫ్టిని కలిగి ఉంటుంది. ఇందులో డిజిటల్ ఇన్స్ట్రుమెంట్ క్లస్టర్, ఒక జత యూఎస్డీ ఫోర్క్స్ మరియు గ్యాస్ ఛార్జ్డ్ ట్విన్ రియర్ షాక్ అబ్జార్బర్లు ఉన్నాయి. ఈ కొత్త బైక్ బ్లాక్ ఇంజన్ బేను కలిగి ఉంది మరియు ఇది ఎగ్జాస్ట్ దాని రూపాన్ని పెంచుతుంది.
ప్రముఖ హార్లీ డేవిడ్ సన్ భారత మార్కెట్లోకి నిష్క్రమించినట్లు ప్రకటించింది. అయితే భారతదేశపు అతిపెద్ద ద్విచక్ర వాహన తయారీ సంస్థ హీరో మోటోకార్ప్తో భాగస్వామ్యం చేసుకోవడం ద్వారా తన కార్యకలాపాలను ఈ సంస్థ కాపాడుకోగలిగింది. కొత్త మోడళ్ల అమ్మకాలు, సేవలు వంటివి ఈ భాగస్వామ్య ఒప్పందంలో భాగంగా ఉండనున్నాయి. మొత్తానికి ఈ బైక్ రాయల్ ఎన్ఫీల్డ్ బైక్లకు సవాల్ విసరనుంది.
Continue with Google