హోండా యాక్టీవా ఇకపై 'స్మార్టీవా'.. కీ లెస్ ఫంక్షన్స్ అదుర్స్

దేశీయ మార్కెట్ లో హోండా నుంచి స్కూటర్లలో యాక్టీవాకు ప్రత్యేక స్థానం ఉంది. గత దశాబ్ద కాలంగా స్కూటర్ లలో అధిక శాతం వాటను యాక్టీవా కలిగి ఉంది. దీనికి మరో ప్రత్యామ్నాయంగా స్కూటర్ లను ప్రవేశ పెట్టినా అవి అంతగా సక్సెస్ పొందలేదు. యాక్టీవాలోని ఫీచర్స్, సర్వీస్ దృష్ట్యా జనాలు ఈ స్కూటర్ కే ఓటేస్తున్నారు.

తాజాగా హోండా యాక్టీవా రాబోయే OBD-II, RDE నిబంధనలకు అనుగుణంగా సరికొత్త స్కూటర్లను తీసుకురానుంది. దీనికి సంబంధించి. కంపెనీ వెబ్‌సైట్ లో పోస్టర్ ను రిలీజ్ చేసింది. యాక్టీ 125 H-స్మార్ట్ థీమ్ తో ఈ సంవత్సరం ప్రారంభంలో హోండా యాక్టివా 6Gలోకి ప్రవేశించింది. ఈ స్కూటర్ ఇప్పుడు పూర్తి H-స్మార్ట్ టెక్నాలజీతో అప్‌డేట్ చేయబడుతుంది. దీనిని 'స్మార్టీవా' గా కంపెనీ ప్రకటించింది.

H-స్మార్ట్ టెక్ 125 cc స్కూటర్‌కు అనేక ఫీచర్లను సంస్థ అందిస్తుంది. ఇది స్మార్ట్ అన్‌లాక్ వంటి ఫీచర్లను జోడించే స్మార్ట్ కీని ఈ స్కూటర్‌కు జోడించింది. ఇది వినియోగదారులు స్కూటర్ ఫ్యూయల్ మూతను రెండు మీటర్ల దూరంలో ఉండగా లాక్ అన్‌లాక్ చేయడానికి అనుమతిస్తుంది. పెట్రోల్ బంక్ ల వద్ద ఎలాంటి ఇబ్బందులు లేకుండా చూడటానికి ఇది సహాయపడనుంది.

కంపెనీ అందించే కీ ద్వారా పార్కింగ్ స్థలంలో స్కూటర్‌ను గుర్తించడంలో మీకు సహాయపడే స్మార్ట్ ఫైండ్ ఫీచర్ కూడా ఉంది. ఇది స్కూటర్ ను బ్లింక్ చేస్తుంది. దీంతో బైక్ వద్దకు సులభంగా చేరుకోవచ్చు. స్మార్ట్ కీ కీ లెస్ ఇగ్నిషన్‌ను కూడా అందిస్తుంది, కీ మీ జేబులో ఉన్నప్పుడు కేవలం ఒక బటన్‌ను నొక్కడం ద్వారా స్కూటర్‌ను ప్రారంభించవచ్చు.

డిజైన్ లో మర్పు లేదు..

కీ లెస్ ఫంక్షన్స్ అన్ని రెండు మీటర్ల సమీపంలోనే పని చేస్తాయి. ఆ నిర్ణీత దూరం నుంచి మీరు వెళ్లిన తర్వాత స్కూటర్ ఆటోమేటిక్‌గా లాక్ అవుతుంది. అలానే Activa 125లోని ఇతర ఫీచర్లు LED హెడ్‌ల్యాంప్, డిజిటల్ రీడౌట్‌తో కూడిన అనలాగ్ ఇన్‌స్ట్రుమెంట్ కన్సోల్, సైడ్-స్టాండ్ కట్-ఆఫ్‌తో సహా అందించబడతాయి. వీటితో మరెన్నో డిటిటల్ ఫీచర్లను ఈ స్కూటర్ లో చూడవచ్చు.

ఈ సరికొత్త H-స్మార్ట్ 2023 హోండా యాక్టివా 125 డిజైన్ స్టైలింగ్‌లో ఎటువంటి మార్పులను సంస్థ వెల్లడించలేదు. స్కూటర్ అల్లాయ్ వీల్స్, టెలిస్కోపిక్ ఫ్రంట్ ఫోర్క్స్ వెనుకవైపు ఒకే షాక్, ఫ్రంట్ డిస్క్ బ్రేక్ వెనుకవైపు డ్రమ్ బ్రేక్‌ వంటి ఫీచర్లు ఉండనున్నాయి. ఈ స్కూటర్ అత్యాధునిక కాంబి బ్రేకింగ్‌ సిస్టమ్ ను కూడా పొందుతుంది. ఇది సడెన్ బ్రేకింగ్ కి సహకరించనుంది.

ధర పెరిగే అవకాశం..

124 cc సింగిల్-సిలిండర్ తో ఈ స్కూటర్ పనిచేస్తుంది. ఫ్యూయల్-ఇంజెక్ట్ చేయబడిన మోటారు 8.18 bhp వద్ద 6,500 rpm, 5,000 rpm వద్ద 10.3 Nm గరిష్ట టార్క్ ఉత్పత్తి చేయనుంది. ఈ స్కూటర్ CVT యూనిట్‌తో జత చేయబడింది. ఇంజన్ E20 సిద్ధంగా ఉండేలా అప్‌గ్రేడ్ చేయబడింది. అంటే ఇది దేశవ్యాప్తంగా ఉన్న ఇంధన స్టేషన్లలో అందుబాటులో ఉన్నప్పుడు 20 శాతం ఇథనాల్-మిశ్రమ ఇంధనాన్ని అంగీకరించగలదు.

2023 హోండా యాక్టీవా 125 హెచ్-స్మార్ట్ ఇప్పుడున్న ధరలతో పోల్చుకుంటే స్వల్పంగా పెరిగే అవకాశం ఉంది. ప్రస్తుత మోడల్ ధర రూ. 84,916 (ఎక్స్-షోరూమ్, ఢిల్లీ)గా ఉంది. స్కూటర్లలో కొత్త H-స్మార్ట్ వేరియంట్ లైనప్‌లో అగ్రస్థానంలో నిలువనుంది. ఈ స్కూటర్ సుజుకి యాక్సెస్ 125, యమహా ఫాసినో 125, TVS జూపిటర్ 125 సెగ్మెంట్‌లోని ఇతర బైక్ లకు గట్టీ పోటీ ఇవ్వనుంది.