రాయల్‌ ఎన్‌ఫీల్డ్‌కు పోటీగా హోండా CB350 బైక్‌ లాంచ్‌.. ధర రూ. 2 లక్షలు, ఫీచర్లు అదరహో.!!

ప్రముఖ టూ వీలర్‌ తయారీ సంస్థ హోండా మోటార్‌సైకిల్ అండ్‌ స్కూటర్ ఇండియా(HM&SI) నుంచి మరో కొత్త బైక్‌ లాంచ్‌ అయింది. రాయల్‌ ఎన్‌ఫీల్డ్‌ బైక్‌కు గట్టి పోటీనిస్తూ స్టైలిష్‌ లుక్‌, డిజైన్‌తో హోండా తన కొత్త CB350 బైక్‌ను మార్కెట్లోకి విడుదల చేసింది. ఈ రెట్రో క్లాసిక్‌ బైక్‌ ధర, ఫీచర్లు పూర్తి వివరాలు ఈ కథనంలో..

కొత్త CB350 (Honda CB350) రెట్రో క్లాసిక్ బైక్‌ను రూ.2 లక్షల(ఎక్స్‌ షోరూమ్‌) ప్రారంభ ధరతో హోండా విడుదల చేసింది. ఈ బైక్‌ను కొనుగోలు చేసేందుకు బుకింగ్‌లు కూడా ప్రారంభమయ్యాయి. ఈ సరికొత్త హోండా CB350 ని బుక్‌ చేసుకోవాలనుకుంటే కస్టమర్లు తమ సమీప బిగ్‌వింగ్ డీలర్‌షిప్‌లలో సంప్రదించవచ్చు. ఈ రెట్రో బైక్ CB350 DLX, CB350 DLX ప్రో అనే రెండు వేరియంట్లలో అందుబాటులో ఉంది.

కాగా కొత్త హోండా CB350 DLX వేరియంట్ ధర రూ. 2 లక్షలుగా ఉంది. CB350 DLX ప్రో వేరియంట్ ధర రూ.2.18 లక్షలు(ఎక్స్-షోరూమ్)గా ఉంది. హోండా సంస్థ ఈ రెట్రో-క్లాసిక్‌ బైక్‌పై ప్రత్యేక 10 సంవత్సరాల వారంటీ ప్యాకేజీని అందిస్తోంది. దీని ప్రకారం మూడేళ్ల స్టాండర్డ్‌ వారంటీతో పాటు 7 సంవత్సరాల ఆప్షనల్‌ ప్యాకేజీగా హోండా పేర్కొంది.

భారత మార్కెట్లో కొత్త హోండా CB350 బైక్ రాయల్ ఎన్‌ఫీల్డ్ క్లాసిక్ 350, జావా క్లాసిక్‌ బైక్‌లతో నేరుగా పోటీపడనుంది. డిజైన్‌ పరంగా ఈ బైక్ దాదాపు ఈ రెండు వింటేజ్‌ బైక్‌లను పోలి ఉంటుంది. ఇక కొత్త రెట్రో క్లాసిక్‌ హోండా CB350(Honda CB350 Retro Classic Bike) డిజైన్‌ను పరిశీలిస్తే..

కొత్త హోండా సీబీ350 బైక్‌లో గుండ్రని ఆకారపు హెడ్‌ల్యాంప్, పొడవాటి మెటల్ ఫెండర్లు, ఫ్రంట్ ఫోర్క్‌ల కోసం మెటాలిక్ కవర్లు, స్ప్లిట్ సీట్లు వంటి రెట్రో ఎలిమెంట్స్‌తో దీనిని రూపొందించారు. ఈ బైక్‌ టెలిస్కోపిక్ ఫ్రంట్ ఫోర్క్స్, ప్రెషరైజ్డ్ నైట్రోజన్-ఛార్జ్డ్ రియర్ సస్పెన్షన్‌తో వస్తుంది.

కొత్త హోండా CB350 లో ఫ్యూయెల్‌ ట్యాంక్, LED హెడ్‌ల్యాంప్, LED బ్లింకర్లు ఇంకా LED టెయిల్-ల్యాంప్‌ను ఆకర్షణీయంగా రూపొందించారు. కొత్త హోండా CB350 బైక్ మెటాలిక్, మ్యాట్ షేడ్స్‌తో 5 ఆకర్షణీయమైన కలర్స్‌లో అందుబాటులో ఉంది. రెడ్ మెటాలిక్, పెరల్ ఇగ్నియస్ బ్లాక్, మ్యాట్ క్రస్ట్ మెటాలిక్, మ్యాట్ మార్షల్ గ్రీన్ మెటాలిక్ మరియు మ్యాట్ డ్యూన్ బ్రౌన్ కలర్స్‌లో మీకు నచ్చిన కలర్‌ను కొనుగోలు చేయవచ్చు.

బ్రేకింగ్ విధులను పరిశీలిస్తే.. కొత్త CB350 ఫ్రంట్‌ భాగంలో 310mm డిస్క్ మరియు డ్యూయల్-ఛానల్ ABSతో వెనుకవైపు 240mm డిస్క్‌ను కలిగి ఉంది. ఇందులో 18-అంగుళాల వీల్స్‌ను అమర్చారు. కాగా వెనుక చక్రం 130-సెక్షన్ టైర్‌లతో వస్తుంది. బ్రేకింగ్ సిస్టమ్‌లో ముందువైపు 310mm డిస్క్ బ్రేక్, వెనుకవైపు 240mm డిస్క్ బ్రేక్ ఉన్నాయి.

భద్రతా ఫీచర్లను పరిశీలిస్తే కొత్త Honda CB350 బైక్‌ డ్యూయల్-ఛానల్ ABS ఫీచర్‌తో వస్తుంది. ఈ బైక్‌లో 348.36cc, ఎయిర్-కూల్డ్, 4-స్ట్రోక్, సింగిల్-సిలిండర్ BSVI OBD2-B కంప్లైంట్‌కు అనుగుణంగా.. PGM-FI ఇంజిన్‌తో పనిచేస్తుంది. ఈ ఇంజిన్ 5,500rpm వద్ద 20.7hp, 3,000rpm వద్ద 29.4Nm టార్క్‌ను ఉత్పత్తి చేస్తుంది. ఈ ఇంజిన్ 5-స్పీడ్ గేర్‌బాక్స్‌తో జత చేయబడి ఉంటుంది.