యమహా ఫ్యాన్స్‌కి గుడ్‌న్యూస్‌.. త్వరలోనే అదిరిపోయే ఫీచర్లతో రెండు బైకులు వచ్చేస్తున్నాయ్‌..

యమహా కంపెనీ బైక్స్ అంటే అందరిలోనూ ఆసక్తి. ముఖ్యంగా యువతకు ఈ బ్రాండ్ అంటే విపరీతమైన క్రేజీనెస్ ఉంటుంది. అందుకే ఆ కంపెనీ నుంచి ఎటువంటి అప్‌డేట్ వచ్చినా యూత్‌ అమితాసక్తి కనబరుస్తారు. ఈ నేపథ్యంలో యమహా నుంచి మరో ఆసక్తికరమైన అప్‌డేట్‌ వచ్చింది.

ప్రముఖ ద్విచక్ర వాహనాల తయారీ సంస్థ యమహా తన ఎంట్రీ లెవల్ ప్రీమియం సెగ్మెంట్‌ను మరింత పటిష్ఠం చేసేందుకు ప్రణాళికలు రచిస్తోంది. గతంలో YZF-R3 మోటార్‌సైకిల్‌ను విడుదల చేయడంతో యమహా ఈ విభాగంలోకి ప్రవేశించింది. దేశంలో BS-6 ఉద్గార నిబంధనల అమలు కారణంగా ఈ బైక్‌ ప్రారంభించిన కొన్నేళ్లకే దీనిని నిలిపివేసింది.

తాజాగా యమహా YZF-R3 మోటార్‌సైకిల్ యొక్క తాజా వెర్షన్‌తో ఎంట్రీ లెవెల్ ప్రీమియం మోటార్‌సైకిల్ సెగ్మెంట్‌లో మరోసారి పోటీ పడేందుకు సిద్ధంగా ఉంది. కొత్త యమహా YZF-R3 బైక్ ఈ ఏడాది డిసెంబర్‌లో విడుదల కానున్నట్లు సమాచారం. ఇక ఈ కొత్త బైక్‌కు సంబంధించిన ఫీచర్లు, డిజైన్‌, పనితీరును ఈ కథనంలో మీ కోసం అందిస్తున్నాం.

ఈ కొత్త యమహా YZF-R3 బైక్‌ 321 సీసీ, సమాంతర ట్విన్, లిక్విడ్ కూల్డ్ ఇంజిన్‌ను కలిగి ఉంది. ఈ ఇంజిన్ 10,750 rpm వద్ద 41 bhp శక్తిని మరియు 9,000 rpm వద్ద 29.5Nm గరిష్ఠ టార్క్‌ను ఉత్పత్తి చేస్తుంది. ఈ ఇంజిన్ స్లిప్ మరియు అసిస్ట్ క్లచ్‌తో 6 స్పీడ్ గేర్‌బాక్స్‌తో జత చేయబడి ఉంటుంది.

ఇక ఈ బైక్‌లో హార్డ్‌వేర్ విషయానికొస్తే, మోటార్‌సైకిల్ ముందువైపు 37 mm USD ఫోర్క్‌లతో డైమండ్ ఫ్రేమ్‌ను మరియు వెనుకవైపు ప్రీ లోడ్ సర్దుబాటుతో KYB మోనో సస్పెన్షన్‌తో వస్తుంది. కొత్త వెర్షన్‌ యమహా YZF-R3 బైక్‌ను యమహా MT-03 మోటార్‌సైకిల్‌తో పాటు దేశంలో విడుదల చేయనున్నట్లు సమాచారం.

యమహా MT-03 బైక్‌ విషయానికొస్తే.. ఈ మోటార్‌సైకిల్ యమహా YZF-R3 మోటార్‌సైకిల్‌కు నేక్డ్ వెర్షన్. కొత్త యమహా MT-03 మోటార్‌సైకిల్ దాదాపు అదే పవర్‌ట్రెయిన్ మరియు హార్డ్‌వేర్ యూనిట్లను కలిగి ఉంటుంది. నేక్డ్ బైక్ అయినందున, యమహా MT-03 మరింత నిటారుగా రైడింగ్ పొజిషన్‌ను కలిగి ఉంది.

యమహా YZF-R3 బైక్‌ పట్ల యూత్‌కి క్రేజ్‌ ఉంటుంది అనడంలో ఆశ్చర్యం లేదు. ఈ బైక్‌ మార్కెట్‌లోకి విడుదల అయితే మంచి డిమాండ్‌ను కలిగి ఉంటుందనడంలో సందేహం లేదు. యమహా YZF-R3, దాని ప్రధాన ప్రత్యర్థి కవాసకి నింజా 300 కంటే శక్తివంతమైన బైక్‌గా ఉంటుందని సమాచారం.

ఇక మరో ఆసక్తికరమైన విషయమేమంటే.. యమహా ఆర్‌ఎక్స్100.. ఈ బైక్‌ను భారతదేశంలో పరిచయం చేయాల్సిన అవసరం లేదు, ఎందుకంటే ఇది భారతదేశంలో జపనీస్ టూ-వీలర్ తయారీదారు యమహాకు బలమైన పునాది వేసిన మోడల్. ఇటీవల యమహా ఆర్‌ఎక్స్ 100 అభిమానులకు యమహా కంపెనీ శుభవార్త మరియు విషాద వార్త అందించింది. విచారకరమైన వార్త ఏమిటంటే, యమహా 'RX100' బైక్‌ను భారత్‌లో తిరిగి విడుదల చేయదు.

శుభవార్త ఏమిటంటే, యమహా కంపెనీ 'RX' పేరుతో కొత్త బైక్‌ను అభివృద్ధి చేస్తోంది. 'యమహా ఆర్‌ఎక్స్100' పేరుకు ఉన్న భావోద్వేగ ప్రాముఖ్యతను అర్థం చేసుకున్నట్లు తెలుస్తోంది, అందుకే అదే పేరుతో ఆధునిక ఫోర్-స్ట్రోక్ మోటార్‌సైకిల్‌ను పరిచయం చేయకూడదని వారు నిర్ణయించుకున్నారు. ఈ విషయాన్ని యమహా మోటార్ ఇండియా ప్రెసిడెంట్ ఐషిన్ చిహానా ఇటీవల ACIకి ఇచ్చిన ఇంటర్వ్యూలో ధృవీకరించారు.

డ్రైవ్‌స్పార్క్ తెలుగు వెబ్‌సైట్ ఆటోమొబైల్ కు సంబంధించిన తాజా వార్తలను అందిస్తుంది. వివిధ సోషల్ మీడియాల ద్వారా సరికొత్త వార్తలను ఎప్పటికప్పుడు యూజర్లకు చేరవేస్తుంది. తాజా కార్ల వార్తలు, బైక్ వార్తలు, టెస్ట్ డ్రైవ్ రివ్యూల వీడియోల కోసం మా Facebook, Instagram, YouTube పేజీలతో కనెక్ట్ అవ్వండి. మీకు ఏదైనా వార్త నచ్చితే లైక్ చేయండి. కామెంట్ చేయడం మర్చిపోవద్దు. అలానే మీతోటి స్నేహితులతో ఈ వార్తను పంచుకోగలరు. ధన్యవాదాలు.