Oben Rorr Electric Bike Full Review Video ఒబెన్‌ రోర్‌ ఎలక్ట్రిక్‌ బైక్‌ ఫుల్‌ రివ్యూ వీడియో

భారత్‌లో ఎలక్ట్రిక్‌ వాహనాల వినియోగం క్రమంగా పెరుగుతోంది. ఆకర్షణీయమైన ఫీచర్లు, అధిక రేంజ్‌తో కొత్త బైక్‌లు మార్కెట్లోకి విడుదలవుతున్నాయి. ఈ క్రమంలో ఇటీవల ఒబెన్‌ రోర్‌ ఎలక్ట్రిక్‌ బైక్‌ 187 కి.మీ రేంజ్‌తో విడుదలైంది. ఈ క్రమంలో ఈ బైక్‌ను మా డ్రైవ్‌ స్పార్క్ టీమ్‌ రివ్యూ చేసింది. పూర్తి రివ్యూ వీడియోను ఇక్కడ అందిస్తున్నాం.

ఒబెన్‌ రోర్‌ ఎలక్ట్రిక్‌ బైక్‌ డిజైన్‌ విషయానికొస్తే.. సర్క్యులర్‌ హెడ్‌లైట్, మాస్ ఫార్వర్డ్ డిజైన్, మస్క్యులర్ 'ఫ్యూయల్' ట్యాంక్, దాని ముందు సిల్వర్ హుడ్, ఎత్తైన టెయిల్ సెక్షన్ అన్నీ ఫ్యూయెల్‌తో నడిచే బైక్‌లా కనిపిస్తాయి. మొత్తంమీద వృత్తాకార LED హెడ్‌లైట్‌ చాలా ఆకర్షణీయంగా రూపొందించారు. ఇందులో టచ్‌స్క్రీన్ లేదా TFT డిస్‌ప్లేకు బదులుగా, రోర్ ఆటో-బ్రైట్‌నెస్‌తో LCD యూనిట్‌ను కలిగి ఉంటుంది.

ఒబెన్ రోర్ బైక్‌లో 4.4kW LFP బ్యాటరీ ప్యాక్‌ను ఉపయోగించారు. ఇది సింగిల్‌ ఛార్జ్‌పై 187 km రేంజ్‌ ఇస్తుందని కంపెనీ పేర్కొంది. అయితే మీరు ఈ బైక్‌ రైడ్‌ చేసుకునేటప్పుడు మీరు సెలెక్ట్ చేసుకున్న మోడ్‌ ప్రకారం రేంజ్‌ ఉంటుంది. ఈ బైక్‌లో ఎకో, సిటీ మరియు హవోక్ మోడ్‌లు ఉన్నాయి. హావోక్ మోడ్‌లో గరిష్ఠంగా గంటకు 110 కి.మీ వేగంతో ప్రయాణిస్తుంది.

ఒబెన్ రోర్ ఎలక్ట్రిక్‌ బైక్‌ 1,423 మి.మీ పొడవైన వీల్‌బేస్‌ను కలిగి ఉంది. ఇది 200 మి.మీ గ్రౌండ్ క్లియరెన్స్‌తో వస్తుంది. సీటు 810 మి.మీ హైట్‌లో ఉంటుంది. కాగా ఈ బైక్ బరువు 130 కిలోగ్రాములు మాత్రమే అని సంస్థ తెలిపింది. ఇందులో 37 mm టెలిస్కోపిక్ ఫ్రంట్ ఫోర్క్స్, వెనుక వైపు మోనోషాక్, సీట్ టైర్‌లతో కూడిన 17-అంగుళాల అల్లాయ్ వీల్స్‌ ఉన్నాయి.