సరికొత్త టీవీఎస్‌ అపాచీ RTR 310 విడుదల.. ధర రూ. 2.43 లక్షలు..

దేశీయ మార్కెట్లో ప్రముఖ ద్విచక్ర వాహన తయారీ సంస్థ TVS మోటార్స్‌ తన కొత్త బైక్‌ను ఈ రోజు విడుదల చేసింది. Apache RTR 310 బైక్‌ను థాయ్‌లాండ్ నుంచి తన కొత్త నాక్టర్న్ మోటార్‌సైకిల్‌గా పరిచయం చేసింది. ఈ కొత్త టీవీఎస్ అపాచీ బైక్ ధర, ఇంజిన్, ఇంకా ఫీచర్లను ఈ కథనంలో చూసేద్దాం.

TVS మోటార్ దేశంలో ప్రముఖ ద్విచక్ర వాహన తయారీ సంస్థగా పేరు గాంచింది. TVS మోటార్స్‌ అంటే ఎవరికైనా ఠక్కున గుర్తొచ్చేది దాని అపాచీ బైక్‌లు. అందుకే టీవీఎస్ అపాచీ బైక్‌ల శ్రేణిని మరింతగా విస్తరించాలని చూస్తోంది. దీనికి సంబంధించి, కొత్త Apache RTR 310 మోటార్‌సైకిల్‌ను బైక్‌ ప్రియుల కోసం విడుదల చేసింది.

TVS మోటార్స్ తన కొత్త Nocturne మోటార్ సైకిల్ RTR 310 ను బ్యాంకాక్, థాయ్‌లాండ్‌లో అట్టహాసంగా విడుదల చేసింది. Apache RR 310 మాదిరిగా, కొత్త RTR 310 కూడా BMW యొక్క G 310 లైనప్‌తో భాగస్వామ్యం చేయబడింది. కాగా ఈ కూటమిలో ఇప్పటికే వివిధ 310 సీసీ బైక్‌లను విక్రయిస్తున్నారు.

ఈ బైక్‌ ఇంజిన్‌ను పరిశీలిస్తే 312.2cc సింగిల్-సిలిండర్ ఇంజిన్‌ను కలిగి ఉంది. 9700rpm వద్ద 35bhp మరియు 6650rpm వద్ద 28.7Nm గరిష్ఠ టార్క్‌ను ఉత్పత్తి చేస్తుంది. ఇది 6-స్పీడ్ గేర్‌బాక్స్‌తో జతచేయబడి ఉంది. ఇది స్లిప్పర్ మరియు అసిస్ట్ క్లచ్ మరియు బై-డైరెక్షనల్ క్విక్‌షిఫ్టర్ నుండి ప్రయోజనం పొందుతుంది.

TVS సరికొత్త Apache RTR 310 నేక్డ్ స్ట్రీట్‌ఫైటర్ 2.81 సెకన్లలో 0 నుంచి 60km వేగాన్ని అందుకుంటుంది. ఇంకా గంటకు 150 km గరిష్ఠ వేగంతో దూసుకుపోతుంది. సస్పెన్షన్‌ విషయానికొస్తే.. ఇందులో సర్దుబాటు చేయగల USD ఫ్రంట్, మోనోషాక్ వెనుక సస్పెన్షన్ సెటప్‌లతో పాటు RRతో పోల్చితే RTR 310 మోడిఫైడ్‌ ఫ్రేమ్‌ను కలిగి ఉంది. సస్పెన్షన్ సెటప్ ప్రీలోడ్, కంప్రెషన్, రీబౌండ్ కోసం సర్దుబాటును కలిగి ఉంది.

TVS అపాచీ RTR 310 17-అంగుళాల డ్యూయల్-కాంపౌండ్ రేడియల్ టైర్లపై నడుస్తుంది. కొత్త Apache RTR 310ని ఆపడానికి రెండు చివరల డిస్క్ బ్రేక్‌లు డ్యూయల్-ఛానల్ ABS దోహదపడుతుంది. TVS Apache RTR 310 6-యాక్సిస్ ఇనర్షియల్ మెజర్‌మెంట్ యూనిట్ (IMU)ని కలిగి ఉంది.

ఇది కార్నరింగ్ ABS, 5-అంగుళాల TFT డిస్‌ప్లే, కార్నరింగ్ ట్రాక్షన్ కంట్రోల్ మరియు కార్నరింగ్ క్రూయిజ్ కంట్రోల్ వంటి ఇతర డ్యూటీలను నిర్వహిస్తుంది. RTR 310లో మల్టిపుల్ రైడింగ్ మోడ్‌లు, టైర్ ప్రెజర్ మానిటరింగ్ సెటప్ మరియు స్ప్లిట్ సీట్ సెటప్ కోసం క్లైమేట్ కంట్రోల్ వంటి అధునాతన ఫీచర్లు ఉన్నాయి.

ఈ లైనప్‌లో కొత్తగా చేర్చబడిన TVS అపాచీ RTR 310 మోటార్‌సైకిల్ ఎక్స్ షోరూమ్ ప్రారంభ ధర రూ.2,42,990 గా ఉంది. ఈ బైక్‌ ఆకర్షణీయమైన కలర్స్‌లో కస్టమర్లు కొనుగోలు చేయవచ్చు. ఆర్సెనెల్‌ బ్లాక్‌, ఆర్సెనెల్‌ పెయింట్‌, ప్యూరీ ఎల్లో, బ్లూ పెయింట్‌ వంటి ఆకర్షణీయమైన రంగుల్లో అందుబాటులో ఉంది. అయితే కలర్స్‌ బట్టి బైక్‌ ధరలు ఉన్నాయి.

ఈ ఎక్స్-షోరూమ్ ధరలో మీరు ఈ బైక్‌ను ఆర్సెనల్ బ్లాక్ కలర్‌లో కొనుగోలు చేయవచ్చు. అదే ఆర్సెనల్ పెయింట్ కలర్ ఆప్షన్‌లో ఉన్న RTR 310 బైక్ ధర రూ.2,57,990 ఎక్స్-షోరూమ్ గా ఉంది. ఫ్యూరీ ఎల్లో కలర్‌లో ఈ బైక్ ధర రూ.2,63,990. ఇవి కాకుండా, బైక్ సెపాంగ్ బ్లూ పెయింట్ ఎంపికలో కూడా అందుబాటులో ఉంది. ఇందుకోసం మీరు అదనంగా రూ.10,000 చెల్లించాల్సి ఉంటుంది.

అలాగే, TVS మోటార్స్ కొత్త Apache RTR 310 బైక్‌ను రెండు విభిన్న యాక్సెసరీ కిట్ ఎంపికలలో పరిచయం చేసింది. ఈ రెండు జాయింట్‌ కిట్ ఎంపికలు డైనమిక్ కిట్ మరియు డైనమిక్ ప్రో కిట్. డైనమిక్ కిట్ ఎంపిక ధర రూ. 18,000 కాగా డైనమిక్ ప్రో కిట్ ఎంపిక ధర రూ. 22,000.

TVS Apache RTR 310 చాలా దూకుడుగా కనిపించే నేక్డ్ స్ట్రీట్‌ఫైటర్. ఇది KTM 390 డ్యూక్ మరియు బజాజ్ డొమినార్ 400 వంటి వాటితో పాటుగా పోటీపడుతుంది. ఈ కొత్త అపాచీ బైక్‌ను బుక్ చేసుకోవడానికి TVS మోటార్ అధికారిక వెబ్‌సైట్‌ను సందర్శించవచ్చు. లేదంటే సంబంధింత డీలర్‌షిప్‌ను సంప్రదించి మీకు ఇష్టమైన కలర్‌లో ఈ హాట్‌ ఫేవరెట్‌ బైక్‌ను సొంతం చేసుకోండి.