TVS Jupiter సరికొత్త ఫీచర్‌తో టీవీఎస్‌ జూపిటర్‌ డ్రమ్‌ వేరియంట్‌ లాంఛ్‌.. ఈ ఫీచర్‌ చాలా స్మార్ట్‌ గురూ..!!

టీవీఎస్ ద్విచక్ర వాహనాలకు దేశంలో మంచి గిరాకీ ఉంది. సరసమైన ధరల్లో టూవీలర్లను ఆ సంస్థ తీసుకువస్తుంది. అధిక మైలేజీతో పాటు దీర్ఘకాలం ఈ బైక్ లు మంచి పనితీరును కనబరుస్తాయి. టూవీలర్ విభాగంలో టీవీఎస్ జూపిటర్ కి మంచి డిమాండ్ ఉంది. ఇప్పటికీ ఈ స్కూటర్ సేల్స్ లో టాప్ లో కొనసాగుతుంది.

తాజాగా బ్లూటూత్ కనెక్టివిటీతో కూడిన డిజిటల్ క్లస్టర్ తో సహా మరికొన్ని కొత్త ఫీచర్లతో అప్‌డేటెడ్ ఫీచర్లతో జూపిటర్ జెడ్ఎక్స్ డ్రమ్ వేరియంట్‌ను కంపెనీ మార్కెట్‌లోకి విడుదల చేసింది. దీంతో ఈ స్కూటర్‌పై భారీ అంచనాలు పెరిగాయి. ప్రస్తుతం ఈ విభాగంలో ఈ స్కూటర్‌ హల్‌చల్‌ చేస్తుంది.

ఇప్పటివరకూ జూపిటర్‌ డిస్క్ వేరియంట్‌లలో మాత్రమే 'స్మార్ట్ ఎక్స్‌ కనెక్ట్‌' ఫీచర్‌ అందుబాటులో ఉంది. ఈ ఫీచర్‌ యూజర్లను ఎక్కువగా ఆకట్టుకుంది. దీంతో ఈ ఫీచర్‌ను డ్రమ్ వేరియంట్లో కూడా అందించాలని టీవీఎస్ నిర్ణయించింది. ఇది రైడర్‌కు టర్న్ బై టర్న్ నావిగేషన్, ఎస్ఎంఎస్ మరియు కాల్ అలర్ట్, వాయిస్ అసిస్టెన్స్ వంటి పలు రకాల సమాచారాన్ని అందిస్తుంది.

ప్రస్తుతం దేశీయ మార్కెట్లో టీవీఎస్ జూపిటర్ డ్రమ్ స్కూటర్ ఎక్స్ షోరూమ్ ధర రూ.86,505 (బెంగళూరు)లో అందుబాటులో ఉంది. ఇందులోని 124.8 సిసి ఇంజన్ గరిష్టంగా 8.15 పిఎస్ శక్తిని మరియు 10.5 ఎన్ఎమ్ గరిష్ట టార్క్ ను ఉత్పత్తి చేస్తుంది. ఇది లీటరుకు 57.27 కిలోమీటర్ల మైలేజీ ఇవ్వగలదు. ప్రిస్టిన్ వైట్ మరియు టైటానియం గ్రే కలర్ ఆప్షన్లలో లభిస్తుంది.

టీవీఎస్ జూపిటర్ జెడ్ఎక్స్ స్మార్ట్ ఎక్స్‌ కనెక్ట్‌ వేరియంట్ రూ.91,441 (ఎక్స్‌షోరూమ్‌) వద్ద కొనుగోలుకు అందుబాటులో ఉంది. ఇందులోని 109.7సీసీ కెపాసిటి గల ఇంజన్ గరిష్టంగా 7.88బిహెచ్ పి పవర్ మరియు 8.8ఎన్ఎమ్ గరిష్ట టార్క్ ను ఉత్పత్తి చేయును. లీటరుకు 50 కిలోమీటర్ల మైలేజ్ ఇస్తుంది. ఇది ఆకర్షణీయమైన కలర్ ఆప్షన్ లో కూడా లభిస్తుంది.

ఈ స్కూటర్లో డిజిటల్ క్లస్టర్, కిక్, సెల్ఫ్ స్టార్ట్ వంటి ఫీచర్లు ఉన్నాయి. బ్రేకింగ్ విషయానికి వస్తే, ఫ్రంట్ డిస్క్ వెనుక డ్రమ్ బ్రేక్ ఆప్షన్ ను పొందుతుంది. ముందు భాగంలో 90/90 - 12 మరియు వెనుక భాగంలో 90/90 - 12 ట్యూబులెస్ టైర్లను పొందుతారు.

ఈ టీవీఎస్ జూపిటర్‌ ద్వారా మీ స్మార్ట్‌ఫోన్‌ను సులభంగా ఛార్జ్ చేేసే విధంగా మొబైల్ ఛార్జర్ సాకెట్‌ను సంస్థ అందిస్తోంది. ఆసక్తి ఉన్న వినియోగదారులు సమీప డీలర్‌షిప్‌ని సందర్శించడం ద్వారా కొనుగోలు చేయవచ్చు. మంచి స్మార్ట్‌ ఫీచర్లు ఎక్కువ స్పేస్‌ కలిగిన స్కూటర్లు కొనుగోలు చేయాల్సిన వారికి ఈ స్కూటర్‌ బెస్ట్‌ ఆప్షన్‌గా చెప్పవచ్చు.

టీవీఎస్ అమ్మకాల గణాంకాలను పరిశీలిస్తే, జూలై నెలలో కంపెనీ అంతర్జాతీయ, భారత మార్కెట్లలో మొత్తం 3,25,977 యూనిట్లను (ద్విచక్ర, త్రిచక్ర వాహనాలు) విక్రయించింది. 2022 ఇదే సమయంలో (3,14,639 యూనిట్లు) అమ్మకాలతో పోలిస్తే టీవీఎస్ 4% వృద్ధిని నమోదు చేసింది. అంతక్రితం ఏడాదితో పోలిస్తే ఎగుమతులు కూడా మందగించి 89,213 యూనిట్లను మాత్రమే ఎగుమతి చేశాయి.

టీవీఎస్ మోటార్ కంపెనీ (టీవీఎస్) కూడా దేశీయ మార్కెట్లో మంచి పనితీరు కనబరిచి వరుసగా 153,942 యూనిట్లు మరియు 121,941 యూనిట్లను విక్రయించింది. గత నెలలో 13,306 యూనిట్ల ఐక్యూబ్ స్కూటర్లను విక్రయించిన ఐక్యూబ్ ఎలక్ట్రిక్ స్కూటర్ల అమ్మకాల్లో కంపెనీ మంచి పురోగతి సాధించింది.

డ్రైవ్‌స్పార్క్ తెలుగు వెబ్‌సైట్ ఆటోమొబైల్ కు సంబంధించిన తాజా వార్తలను అందిస్తుంది. వివిధ సోషల్ మీడియాల ద్వారా సరికొత్త వార్తలను ఎప్పటికప్పుడు యూజర్లకు చేరవేస్తుంది. తాజా కార్ల వార్తలు, బైక్ వార్తలు, టెస్ట్ డ్రైవ్ రివ్యూల వీడియోల కోసం మా Facebook, Instagram, YouTube పేజీలతో కనెక్ట్ అవ్వండి. మీకు ఏదైనా వార్త నచ్చితే లైక్ చేయండి. కామెంట్ చేయడం మర్చిపోవద్దు. అలానే మీతోటి స్నేహితులతో ఈ వార్తను పంచుకోగలరు. ధన్యవాదాలు.