Ather 450 Apex: కొత్త సంవత్సరంలో మోస్ట్‌ అవైటెడ్‌ స్కూటర్‌ ఏథర్‌ 450 అపెక్స్ గుడ్‌ న్యూస్‌ ఆ రోజునే లాంచ్‌..!

కొత్త సంవత్సరం 2024 సందర్భంగా ఏథర్‌ గుడ్‌ న్యూస్‌ తీసుకువచ్చింది. ఏథర్ తన ఫ్లాగ్‌షిప్ పెర్ఫార్మెన్స్ స్కూటర్, 450 అపెక్స్ ఎలక్ట్రిక్ స్కూటర్‌ను జనవరి 6న విడుదల చేయనున్నట్లు అధికారికంగా ప్రకటించింది. ఈ స్కూటర్‌ ఫీచర్లు, డిజైన్‌ పూర్తి సమాచారం ఈ కథనంలో..

ఏథర్ 450 అపెక్స్ ఎలక్ట్రిక్‌ స్కూటర్ ఎప్పుడెప్పుడా అని చాలా మంది కస్టమర్లు ఎదురుచూస్తున్నారు. ఇక త్వరలోనే ఆ స్కూటర్‌ను విడుదల చేస్తున్నట్లు సంస్థ అధికారికంగా ప్రకటన చేసింది. భారత మార్కెట్లో ప్రముఖ ద్విచక్ర వాహన తయారీ సంస్థ ఏథర్.. ఈ సంస్థ నుంచి కొత్త స్కూటర్ విడుదలైన ప్రతి సారీ సేల్స్ కూడా భారీ సంఖ్యలో నమోదవుతున్నాయి. ఏథర్‌ స్కూటర్లకు నాణ్యతాపరంగా మంచి డిమాండ్‌ ఉంది.

ఈ క్రమంలో Ather 450 అపెక్స్‌ ఇ స్కూటర్‌ను సంస్థ ఇటీవల ఆవిష్కరించిన సంగతి తెలిసిందే. హై పర్ఫామెన్స్‌తో ఈ స్కూటర్‌ను విడుదల చేస్తున్నట్లు సంస్థ ప్రకటించింది. ఈ స్కూటర్ కోసం బుకింగ్‌లు కూడా ఇప్పటికే ప్రారంభమయ్యాయి. ఈ ఎలక్ట్రిక్ స్కూటర్ ఏథర్ బ్రాండ్ యొక్క అత్యంత వేగంగా ప్రయాణించే ఎలక్ట్రిక్ స్కూటర్ అని చెప్పవచ్చు.

ఏథర్‌ 450 అపెక్స్ ఎలక్ట్రిక్‌ స్కూటర్ మొదటిసారిగా ప్రదర్శించబడినప్పుడు దాని సైడ్ ప్రొఫైల్ ఫోటోను ఏథర్ విడుదల చేసింది. వెనుక భాగంలో ఒకే గ్రాఫ్ రైల్ ఉంది. ముందు ఆప్రాన్ మునుపటి ఏథర్ స్కూటర్‌ని పోలి ఉంటుందని తెలుస్తోంది. ఇక పనితీరు విషయానికొస్తే..

ప్రస్తుత ఏథర్ 450X ఎలక్ట్రిక్ స్కూటర్‌తో పోలిస్తే ఈ స్కూటర్‌ కేవలం 3.3 సెకన్లలో తక్కువ నుండి 40 కి.మీ వేగాన్ని అందుకోగలిగేలా రూపొందించారు. ఈ స్కూటర్‌ గరిష్టంగా 90 కి.మీ వేగంతో ప్రయాణిస్తుంది. ఈ స్కూటర్‌లో 6.4 కిలోవాట్ ఎలక్ట్రిక్ మోటారును అమర్చారు.

ఏథర్‌ 450 స్కూటర్‌లో 3.7 kWh బ్యాటరీ ప్యాక్‌ను అమర్చారు. ఈ స్కూటర్‌ బ్యాటరీ ప్యాక్‌ 26 Nm టార్క్‌ను ఉత్పత్తి చేస్తుంది. దీంతో పూర్తి ఛార్జింగ్‌పై 150 కిలోమీటర్ల దూరం ప్రయాణించేలా ఈ స్కూటర్‌ను రూపొందించారు. ఇప్పుడు అపెక్స్ 450 ఎలక్ట్రిక్ స్కూటర్‌ను విడుదల చేయబోతున్నందున, దాని ఫీచర్లపై సర్వత్రా ఆసక్తి నెలకొంది.

ఏథర్ 450 అపెక్స్ ఎలక్ట్రిక్ స్కూటర్ కంపెనీ నుండి అత్యుత్తమ పనితీరు గల ఎలక్ట్రిక్ స్కూటర్‌గా రానుంది. కాబట్టి ఈ స్కూటర్ అద్భుతమైన పికప్ మరియు అధిక వేగాన్ని కలిగి ఉంటుందని భావించవచ్చు. మరియు ఈ స్కూటర్ ఎకో, రైడ్, స్పోర్ట్ మరియు వార్ప్ ప్లస్ వంటి రైడ్ వేరియంట్‌లను కలిగి ఉంటుందని సమాచారం.

Warp Plus రైడ్ మోడ్ అత్యుత్తమ పనితీరును అందించే రైడ్ మోడ్‌గా తెలుస్తోంది. జనవరి 6న లాంచ్‌ తర్వాత మరింత సమాచారం అందుబాటులోకి రానుంది. థ్రిల్‌ రైడింగ్‌ కోరుకునే వారికి ఈ ఎలక్ట్రిక్ స్కూటర్ మంచి ఆప్షన్‌. అత్యుత్తమ పనితీరు కలిగిన స్కూటర్‌ను కొనుగోలు చేయాలనుకునేవారికి ఈ స్కూటర్‌ను పరిశీలించవచ్చు.

ఏథర్‌ 450 అపెక్స్ స్కూటర్‌ లాంచ్‌ తర్వాత మరిన్ని ఫీచర్లు వెల్లడి కానున్నాయి. ఈథర్ హై-పెర్ఫార్మెన్స్ ఎలక్ట్రిక్ స్కూటర్‌ను లాంచ్ చేస్తున్నట్లు ప్రకటించినప్పుడు.. ఇది కంపెనీ యొక్క అత్యంత ఖరీదైన ఎలక్ట్రిక్ స్కూటర్‌గా తెలుస్తోంది. అయితే ధరకు సంబంధించిన వివరాలన్నీ ఆరో తేదీనే తెలియనున్నాయి.