ఈ బైక్‌తో 50 శాతం పెట్రోల్ ఆదా.. త్వరలో లాంచ్ కానున్న మోస్ట్ అవైటెడ్ టూ వీలర్

ప్రపంచంలోనే మొట్టమొదటి CNG బైక్‌ను బజాజ్ ఆటో జూన్ 18 న విడుదల చేయనుంది. ఈ క్రమంలో సీఎన్జీ బైక్ లాంచ్‌కు ముందు ఆసక్తికర విషయాలు వెల్లడయ్యాయి. బ్రూజర్ పేరుతో విడుదల కానున్న ఈబైక్.. 100-125cc కేటగిరీలో విడుదల కానుంది. అంతేకాకుండా ఈ బైక్ 50 శాతం ఇంధనం ఆదా చేస్తుందని సంస్థ వెల్లడించింది. పూర్తి వివరాలు ఈ కథనంలో..

పర్యావరణ హితం, పెరుగుతున్న పెట్రోల్ ఖర్చుల సమస్యల పరిష్కారమే లక్ష్యంగా బజాజ్ ఆటో ఇండియా.. ప్రపంచంలోనే మొట్టమొదటి సీఎన్‌జీ బైక్‌ను విడుదల చేయనుంది. లో మెయింటెనెన్స్, అధిక మైలేజ్‌తో రానున్న బ్రూజర్ బైక్‌కు సంబంధించి ACKO కంపెనీ నిర్వహించిన టెస్ట్ రైడ్‌ స్పై ఫొటోల ద్వారా చాలా విషయాలు వెల్లడయ్యాయి.

ACKO విడుదల చేసిన స్పై షాట్లను పరిశీలిస్తే Bajaj CNG కమ్యూటర్ బైక్.. లార్జ్ సీటు, హ్యాండ్ గార్డ్‌లతో కూడిన సింగిల్-పీస్ హ్యాండిల్‌బార్ మరియు మధ్యలో ఫుట్ పెగ్‌లను కలిగి ఉంటుంది. LED హెడ్‌లైట్లు, బల్బ్ ఇండికేటర్‌లు, వెనుకవైపు సింగ్యులర్ గ్రాబ్ రైల్, సేఫ్టీ కోసం ఇంజిన్ సైడ్ లెగ్ గార్డ్‌లు మరియు ఆకర్షణీయమైన నలుపు రంగు ఎగ్జాస్ట్‌తో పాటు పూర్తిగా డిజిటల్ ఇన్‌స్ట్రుమెంట్ క్లస్టర్‌తో వస్తుంది.

ఇక ఈ బైకులో CNG ట్యాంక్ డబుల్ క్రెడిల్ ఫ్రేమ్‌లో సరిపోతుంది. అయితే ఇందులో అమర్చిన చిన్న పెట్రోల్ ట్యాంక్ కొద్ది స్పేస్‌ను ఆక్రమించుకుంటుంది. ఇంకా బ్రూజర్.. టెలిస్కోపిక్ ఫోర్క్ మరియు మోనోషాక్ సస్పెన్షన్ సిస్టమ్‌లతో వస్తుంది. ఇక బ్రేకింగ్ సిస్టమ్ విషయానికొస్తే.. డ్రమ్ మరియు డిస్క్ బ్రేక్‌లు సింగిల్-ఛానల్ ABS ద్వారా నిర్వహించబడతాయి.

ఇంకా బజాజ్ CNG బైక్ బ్రూజర్ స్పై షాట్‌ల ద్వారా రెండు విభిన్న వేరియంట్‌లు కూడా చూడవచ్చు. బజాజ్ CT125X మాదిరిగా కాంపాక్ట్ విండ్‌స్క్రీన్ మరియు సొగసైన మిర్రర్ స్టెమ్స్, హ్యాండ్‌గార్డ్‌లు మరియు సంప్ వంటి అదనపు సేఫ్టీ అంశాలను కలిగి ఉంటుంది. ఇంకా స్ట్రీమ్‌లైన్డ్ ఎగ్జాస్ట్ డిజైన్ మరియు సాంప్రదాయ అల్లాయ్ వీల్స్‌తో ఆకర్షణీయంగా ఉంటుంది.

బజాజ్ CNG మోటార్‌సైకిల్ డ్యూయల్-ఫ్యూయల్ అడాప్టబిలిటీని కలిగి ఉంటుంది. ఇందులో సీఎన్జీ ట్యాంక్ మరియు ఎమర్జెన్సీ అవసరాల కోసం పెట్రోల్ ట్యాంకును అమర్చడం రైడర్లకు ఉపయోగకరంగా ఉంటుంది. ఒక స్విచ్ నాబ్, రైడర్ యొక్క ఎడమ కాలు దగ్గర ఉంటుంది. అంతేకాకుండా ఇది రెండు ఇంధన ట్యాంకులను కలిగి ఉన్నప్పటికీ అంతరాయం లేని రైడింగ్ అనుభవాన్ని అందిస్తుంది.

ఇక బజాజ్ CNG మోటార్‌సైకిల్ CO2 ఉద్గారాలను 50 శాతం తగ్గిస్తుంది. ఇంకా కార్బన్ మోనాక్సైడ్ ఉద్గారాలలో 75 శాతం తగ్గుదల 90 శాతం నాన్-మీథేన్ హైడ్రోకార్బన్‌ల ఉద్గారాలను తగ్గిస్తుంది. అదనంగా, ఈ మార్గదర్శక CNG బైక్ ఫ్యూయెల్ బైక్.. ఫ్యూయెల్ మరియు మెయింటెనెన్స్ ఖర్చులను 55 నుంచి 65 శాతం తగ్గిస్తుందని సంస్థ చెబుతోంది.

ఇక ధర పరంగా బజాజ్ CNG బైక్ సుమారు రూ. 80 వేల నుంచి 90 వేల వరకు (ఎక్స్-షోరూమ్) ఉంటుందని అంచనా. ఇక ఈ బైక్ మార్కెట్లో ఇతర బైకులకు గట్టిపోటీగా ఉంటుందని ఆటో నిపుణులు భావిస్తున్నారు. Hero Splendor Plus, TVS Radeon, Honda Shine 100 మరియు Bajaj Platina 110 వంటివాటికి గట్టిపోటీ ఇస్తుంది.

కాగా బజాజ్ నెలకు దాదాపు 20 వేల CNG బైక్‌లను విక్రయించాలని లక్ష్యంగా పెట్టుకుంది. అంతేకాకుండా వచ్చే ఏడాది నాటికి, బజాజ్ ఆటో ఇండియా 5 నుంచి 6 కొత్త CNG మోటార్‌సైకిళ్ల మోడళ్లను తయారు చేసి విక్రయించాలని యోచిస్తోంది. ఇక బ్రూజర్ సక్సెస్ అయినట్లయితే.. మార్కెట్లో తిరుగులేని రికార్డ్ సాధిస్తుందనడంలో సందేహం లేదు.