సెకండ్‌ హ్యాండ్‌ అయినా మార్కెట్లో వీటికి డిమాండ్‌.. బైక్‌ నేర్చుకోవాలనుకునేవారికి ఇవి చాలా పర్ఫెక్ట్‌.!!

తమ బడ్జెట్‌లో కొత్త బైక్‌ కొనుగోలు చేయలేని వారు చాలా మంది సెకండ్‌ హ్యాండ్‌(Second Hand Bikes) బైక్‌ను కొనేందుకు ప్రాధాన్యత ఇస్తారు. అయితే సెకండ్ హ్యాండ్ బైక్‌ కొనేముందు చాలా విషయాలను గమనించాల్సి ఉంటుంది. ముఖ్యంగా మైలేజ్‌, పనితీరు పరంగా ఆందోళన ఉంటుంది. అయితే ఇక్కడ సెకండ్‌ హ్యాండ్ బైక్‌లు అయినా అద్భుతమైన పనితీరు అందించే వాటి లిస్ట్‌ అందిస్తున్నాం.

హీరో స్ప్లెండర్ ప్లస్: భారత మార్కెట్లో అత్యంత ఎక్కువగా అమ్ముడవతున్న బైక్‌(Hero Splendor Plus). ఈ బైక్‌ను నడపడం కూడా చాలా సులభం. అదే సమయంలో ఈ బైక్ మైలేజీ కూడా ఎక్కువగానే ఇస్తుంది. కొత్త గేర్ బైక్ నడపాలనుకునే చాలా మంది ఈ బైక్‌ను సెకండ్ హ్యాండ్‌గా కొంటున్నారు. సెకండ్ హ్యాండ్ మార్కెట్‌లో ఈ బైక్‌ను రూ. 20,000 నుంచి 40,000 వరకు విక్రయిస్తున్నారు.

బజాజ్ పల్సర్ 200ఎఫ్: మీరు బైక్‌ను కొంచెం తొక్కినా, మంచి శక్తివంతమైన బైక్‌ను నడపాలనుకుంటే మరియు రోడ్డుపై గొప్ప రైడింగ్ అనుభూతిని పొందాలనుకుంటే, మీరు Bajaj Pulsar 200Fని కొనుగోలు చేయవచ్చు. ఈ బైక్ పనితీరు అద్భుతంగా ఉంటుంది. ఈ బైక్ రూ.30,000 నుంచి రూ.60,000 ధరలో మార్కెట్‌లో అందుబాటులో ఉంటుంది.

రాయల్ ఎన్‌ఫీల్డ్ క్లాసిక్ 350: Royal Enfield Classic 350 కొనుగోలు చేయాలనేది చాలా మంది యువతకు కల. అయితే ఖరీదు ఎక్కువ కావడంతో చాలా మంది వెనుకాడుతున్నారు. కానీ ఈ బైక్‌ను సెకండ్ హ్యాండ్ మార్కెట్‌లో రూ.90 వేల నుంచి రూ.1.5 లక్షల ధరకే విక్రయిస్తున్నారు. ఈ బైక్‌ని బాగా నడపడం తెలిసిన తర్వాత మాత్రమే కొనడం ఉత్తమం.

టీవీఎస్‌ అపాచీ ఆర్‌టీఆర్‌ 160: స్పోర్టీ లుక్‌తో బైక్‌లను కొనుగోలు చేయాలనుకునే యువకులకు TVS Apache RTR 160 మంచి ఎంపికగా ఉంటుంది. ఈ బైక్ స్ట్రీట్ రైడింగ్, సిటీ రోడ్లు మరియు జాతీయ రహదారులపై కూడా మీకు మంచి రైడింగ్ అనుభూతినిస్తుంది.

హోండా సీబీ యునికార్న్ 150: కొత్త బైక్ కొనాలనే ఆలోచనలో ఉన్న చాలా మంది ఈ హోండా సిబి యునికార్న్ బైక్‌కు ప్రాధాన్యత ఇస్తారు. సెకండ్ హ్యాండ్ మార్కెట్‌లో ఈ బైక్‌ను కొనుగోలు చేసినా మీకు మైలేజ్‌ కూడా ఎక్కువగా ఇస్తుంది. అదే సమయంలో మెయింటెనెన్స్‌ ఖర్చులు కూడా తక్కువగా ఉంటాయి. ఎక్కువ దూరం ప్రయాణించే వారికి ఈ బైక్‌ మంచి ఆప్షన్‌.

టూ వీలర్‌ పరంగా భారత్‌ అతిపెద్ద బైక్ మార్కెట్. నిత్యం లక్షలాది బైక్‌ల సేల్స్‌ జరుగుతుంటాయి. కొత్త బైక్ రైడర్‌లు కొత్త బైక్‌ను కొనుగోలు చేయడానికి బదులుగా సెకండ్ హ్యాండ్ మార్కెట్ నుండి బైక్‌ను కొనుగోలు చేయడం ఉత్తమం. ఈ సందర్భంలో, పైన పేర్కొన్న జాబితా నుండి మీకు ఏ బైక్ సరైందో చూసుకుని.. మీ సమీపంలోని సెకండ్ హ్యాండ్ బైక్ డీలర్ వద్ద టెస్ట్‌ రైడ్‌ చేసుకోండి.

డ్రైవ్‌స్పార్క్ తెలుగు వెబ్‌సైట్ ఆటోమొబైల్‌కు సంబంధించిన తాజా వార్తలను అందిస్తుంది. వివిధ సోషల్ మీడియాల ద్వారా సరికొత్త వార్తలను ఎప్పటికప్పుడు యూజర్లకు చేరవేస్తుంది. తాజా కార్ల వార్తలు, బైక్ వార్తలు, టెస్ట్ డ్రైవ్ రివ్యూల వీడియోల కోసం మా Facebook, Instagram, YouTube పేజీలతో కనెక్ట్ అవ్వండి. మీకు ఏదైనా వార్త నచ్చితే లైక్ చేయండి. కామెంట్ చేయడం మర్చిపోవద్దు. అలానే మీతోటి స్నేహితులతో ఈ వార్తను పంచుకోగలరు. ధన్యవాదాలు.