120 కి.మీ రేంజ్‌తో మంచి ఎలక్ట్రిక్‌ స్కూటర్‌ విడుదల.. తెలంగాణ, ఆంధ్రప్రదేశ్‌ వారు కొన్ని రోజులు ఆగాల్సిందే!

దేశంలో ఎలక్ట్రిక్ ద్విచక్ర వాహనాల వినియోగం పెరుగుతుంది. ఈ కేటగిరీలో రోజుకో కొత్త మోడళ్లు మార్కెట్లోకి అడుగుపెడుతున్నాయి. సాంప్రదాయ వెహికిల్స్‌ కంటే జనాలు ఎక్కువగా ఎలక్ట్రిక్ వాహనాలకు మారడానికి చూస్తున్నారు. ఎందుకంటే ఇవి తక్కువ ఖర్చుతో కూడుకున్నవి. నేడు మార్కెట్‌లో చాలా మోడళ్లు అందుబాటులో ఉన్నాయి. కాబట్టి మీకు నచ్చిన ఆప్షన్‌ని ఎంచుకోవచ్చు. టాప్ బ్రాండ్లతో పాటు, అనేక స్టార్టప్ కంపెనీలు కూడా భారతదేశ ఎలక్ట్రిక్ వాహనాల విప్లవంలో పాల్గొంటున్నాయి. కేంద్ర ప్రభుత్వంతో పాటు వివిధ రాష్ట్ర ప్రభుత్వాలు కూడా దీనికి సహకరిస్తున్నాయి.

పవర్‌ట్రాన్స్ మొబిలిటీ లిమిటెడ్‌లో వేగంగా అభివృద్ధి చెందుతున్న స్మార్ట్ మొబిలిటీ బ్రాండ్‌లో డియోన్ ఎలక్ట్రిక్ (Dion Electric) ఉంది. ఈ కంపెనీ తాజాగా రెండు కొత్త ఎలక్ట్రిక్ స్కూటర్లను విడుదల చేసింది. 2020లో లాంచ్ అయిన డియోన్ ఎలక్ట్రిక్ వెహికల్స్ అత్యాధునిక సాంకేతిక పరిజ్ఞానంతో అగస్టా SP (August SP) మరియు ఆస్టా FH (Asta FH) మోడళ్లను ప్రవేశపెట్టింది. వీటి ద్వారా ఎలక్ట్రిక్ వాహన మార్కెట్‌లో విప్లవాన్ని సృష్టించనుంది.

ప్రస్తుతం ఈ కంపెనీకి ఏడు మోడళ్లతో కూడిన ఈవీ లైనప్ ఉంది. దేశ వ్యాప్తంగా మొత్తం మూడు షోరూమ్స్‌, ఐదు సర్వీస్ సెంటర్లు ఉన్నాయి. కొత్త ఉత్పత్తులను ప్రారంభించడంతో పాటు, చెన్నైలోని రామాపురంలో కొత్త షోరూమ్‌ని కూడా ప్రారంభించింది. ఆ రాష్ట్ర డెయిరీ డెవలప్‌మెంట్ మంత్రి మనో తంగరాజ్ కొత్త షోరూమ్‌ని ప్రారంభించారు. సర్వీస్ ప్రొవైడర్ భాగస్వామ్యం ద్వారా తమిళనాడులోని 256 స్టేషన్లలో ఈ వాహనాన్ని నడపవచ్చు.

అగస్టా SP ఎలక్ట్రిక్ స్కూటర్ 7.5 కిలోవాట్ల పీక్ PMSM హబ్ మోటార్‌ని కలిగి ఉంది. దీంతో ఈ-స్కూటర్ గరిష్టంగా గంటకు 120 కిలోమీటర్ల వేగంతో దూసుకెళ్తుంది. అగస్టా SPలో 4.3 కిలోవాట్ల లిథియం-అయాన్ ట్రాక్షన్ బ్యాటరీ ఉంది. ఇది ఒక్కసారి ఛార్జ్ చేస్తే 110 కిలోమీటర్ల వరకు పరిధిని అందిస్తుంది. అదే సమయంలో మెరుగైన పనితీరు కోసం అస్టా FHని రూపొందించారు.

ఇది రెండు మోడళ్లను 1Kva ఛార్జర్‌తో 4-5 గంటల్లో పూర్తిగా ఛార్జ్ చేయవచ్చు. భద్రత కోసం అధునాతన బ్రేకింగ్ సిస్టమ్, సౌలభ్యం కోసం ముందు భాగంలో టెలిస్కోపిక్ సస్పెన్షన్ కూడా ఉన్నాయి. వెనుక సస్పెన్షన్ రెండు మోడళ్ల మధ్య మారుతూ ఉంటుంది. అగస్టా SP ఇ-స్కూటర్ స్ప్రింగ్ లోడ్ హైడ్రాలిక్ సస్పెన్షన్‌ని పొందుతుంది. ఆస్టా FH వెనుక భాగంలో మోనో స్ప్రింగ్ లోడ్ హైడ్రాలిక్ సెటప్‌తో వస్తుంది.

యాంటీ-థెఫ్ట్ లాక్స్, LED లైటింగ్ సిస్టమ్‌ ఉన్నాయి. ధరలను పరిశీలిస్తే అగస్టా SP ఆన్‌రోడ్ ధర కింద రూ.1,79,750 చెల్లించాల్సి ఉంటుంది. మరోవైపు, ఆస్టా FH ధర రూ .1,29,999గా ఉంది. ఈ డియోన్ ఎలక్ట్రిక్ స్కూటర్లపై రూ.22,000 వరకు ఆఫర్ చేస్తోంది. ఈ ప్రారంభ ఆఫర్లు సెప్టెంబర్ 23, 2024 వరకు మాత్రమే అందుబాటులో ఉంటాయి.

ఈ-స్కూటర్ కొనాలనుకునే కస్టమర్లు కంపెనీ అధికారిక వెబ్‌సైట్‌ రూ.999 చెల్లించి ఈ-స్కూటర్‌ని ముందస్తుగా బుక్ చేసుకోవచ్చు. ప్రస్తుతం ఈ వాహనం తమిళనాడులో మాత్రమే అందుబాటులో ఉంది. దేశవ్యాప్తంగా మరిన్ని షోరూమ్స్‌, సర్వీస్ సెంటర్లను ఏర్పాటు చేయడం ద్వారా భారతదేశం అంతటా విస్తరించాలని కంపెనీ లక్ష్యంగా పెట్టుకుంది. త్రిచక్ర, ద్విచక్ర వాహనాల సెగ్మెంట్లలో డియోన్ తన ఉత్పత్తులను అందిస్తోంది.

డ్రైవ్స్‌పార్క్ తెలుగు వెబ్‌సైట్ ఆటోమొబైల్‌కి సంబంధించిన తాజా వార్తలను అందిస్తుంది. వివిధ సోషల్ మీడియాల ద్వారా సరికొత్త వార్తలను ఎప్పటికప్పుడు యూజర్లకు చేరవేస్తుంది. తాజా కార్ల వార్తలు, బైక్ వార్తలు, టెస్ట్ డ్రైవ్ రివ్యూల వీడియోల కోసం మా Facebook, Instagram, YouTube పేజీలతో కనెక్ట్ అవ్వండి. మీకు ఏదైనా వార్త నచ్చితే లైక్ చేయండి. కామెంట్ చేయడం మర్చిపోవద్దు. అలానే మీతోటి స్నేహితులతో ఈ వార్తను పంచుకోగలరు. ధన్యవాదాలు.