సుజుకి V-Strom 800DE అడ్వెంచర్‌ బైక్‌ ఉపకరణాలు ఇవే.. ధరలు ఎంతంటే.?

ప్రముఖ ద్విచక్ర వాహన తయారీ సంస్థ సుజుకి మోటార్‌సైకిల్ ఇండియా.. ఇటీవల ఎంతో ఆసక్తిగా ఎదురుచూస్తున్న సుజుకి V-Strom 800 DE బైక్‌ను భారత మార్కెట్లో విడుదల చేసింది. ఇప్పుడు సుజుకి మోటార్‌సైకిల్ భారతదేశంలో సుజుకి V-Strom 800 DE బైక్ కోసం ఉపకరణాలను ప్రకటించింది. పూర్తి సమాచారం ఈ కథనంలో..

కొత్త సుజుకి V-Strom 800 DE బైక్‌ను సంస్థ రూ.10.30 లక్షలు(ఎక్స్-షోరూమ్) పరిచయ ధరతో విడుదల చేసింది. కాగా ఇప్పుడు సుజుకి మోటార్‌సైకిల్ భారత్‌లో సుజుకి V-Strom 800 DE బైక్ కోసం ఉపకరణాలను వెల్లడించింది. ఈ బైక్ 15 అధికారిక ఉపకరణాలతో అందించబడుతుందని సంస్థ తెలిపింది.

కొత్త సుజుకి వీ స్ట్రామ్‌ 800 DE.. దేశంలోకి దిగుమతి అవుతున్నందున విడిభాగాల ధర ఎక్కువగా ఉంటుందని సంస్థ తెలిపింది. ఉదాహరణకు, 37-లీటర్ అల్యూమినియం సైడ్ కేసుల ధర రూ. ఒక జతకి 1.38 లక్షలుగా ఉంది. సైడ్ కేసులకు సాడిల్ స్టే ధర రూ.64,453.

56-లీటర్ ప్లాస్టిక్ టాప్ కేస్ మీకు రూ. 54,188, అల్యూమినియం టాప్ బాక్స్ ధర రూ. 64,416 ఉంది. ఇది కాకుండా, అల్యూమినియం స్కిడ్ ప్లేట్, హై విండ్‌షీల్డ్, సెంటర్ స్టాండ్, టాప్ కేస్ క్యారియర్ రాక్, ప్లాస్టిక్ టాప్ కేస్, ప్లాస్టిక్ టాప్ కేస్ రాక్ మరియు బ్రేక్ పెడల్ హైట్ అడ్జస్టర్ వంటి ఉపకరణాలను సంస్థ అందుబాటులోకి తీసుకువచ్చింది.

ఇప్పటికే సుజుకి V-Strom 800 DE బైక్ అంతర్జాతీయ మార్కెట్లలో తనదైన ముద్ర వేయడంతో పాటు భారతీయ రైడర్లలో భారీ అంచనాలను సృష్టించింది. ఈ కొత్త సుజుకి V-Strom 800 DE బైక్ GSX-8S నుంచి తీసుకోబడిన కొత్త ప్లాట్‌ఫారమ్‌ ఆధారంగా నిర్మించారు. ఈ కొత్త మోడల్ V-Strom 650 XT స్థానంలో ఉంది. అంతేకాకుండా ఇది భారతదేశంలో సుజుకి అడ్వెంచర్ బైక్ సెగ్మెంట్‌లో గణనీయమైన అప్‌గ్రేడ్‌గా నిలిచింది.

ఇంజిన్‌ విషయానికొస్తే ఈ సుజుకి V-Strom 800 DE బైక్‌ 776cc సమాంతర-ట్విన్ ఇంజిన్‌తో పనిచేస్తుంది. ఈ లిక్విడ్-కూల్డ్ ఇంజిన్, 270-డిగ్రీ క్రాంక్‌తో, 8,500 rpm వద్ద 83 bhp మరియు 6,800 rpm వద్ద 78 Nm గరిష్ట టార్క్‌ను ఉత్పత్తి చేస్తుంది. ఈ ఇంజిన్‌తో 6-స్పీడ్ గేర్‌బాక్స్ జతచేయబడి ఉంటుంది.

ఈ Suzuki V-Strom 800 DE బైక్‌ ట్రాక్షన్ కంట్రోల్ సిస్టమ్ (STCS) మరియు ABS, రైడింగ్‌ పరిస్థితులకు అనుగుణంగా మోడ్‌లు, రైడర్ కోసం భద్రత మరియు కంట్రోల్ డిస్‌ప్లే వంటి ఫీచర్లతో వస్తుంది. ఇంకా, ఈ మోడల్ బై-డైరెక్షనల్ క్విక్-షిఫ్టర్‌తో స్టాండర్డ్‌గా ఉంటుంది. దీని ద్వారా మొత్తం రైడింగ్ అనుభవం మెరుగుపడుతుంది.

ఈ కొత్త అడ్వెంచర్ బైక్‌లో పూర్తిగా అడ్జస్టబుల్ షోవా USD 220 mm ట్రావెల్ ఫ్రంట్ మరియు వెనుక 260 mm డిస్క్‌ను చూడవచ్చు. ఇది 21-అంగుళాల స్పోక్డ్ ఫ్రంట్ వీల్ మరియు 17 అంగుళాల వెనుక స్పోక్డ్ వీల్‌పై నడుస్తుంది.

భారత మార్కెట్లో సుజుకి V-Strom 800 DE ట్రయంఫ్ టైగర్ 900 మరియు BMW F 850 ​​GS వంటి వాటికి గట్టి పోటీనిస్తోంది. కొత్త సుజుకి V-Strom 800 DE బైక్ డ్రైవ్ మోడ్ సెలెక్టర్ (SDMS)తో వస్తుండగా.. విభిన్న రైడింగ్ అనుభవాల కోసం మూడు రైడ్ మోడ్‌లను అందుబాటులో ఉంచింది.

Suzuki V-Strom 800 DE బైక్‌ 230 కిలోల బరువును కలిగి ఉంది. దీని ఫీచర్లు వివిధ భూభాగాలపై సౌకర్యవంతమైన మరియు నియంత్రిత రైడ్‌ను అందించేలా రూపొందించారు. ఈ కొత్త సుజుకి V-Strom 800 DE బైక్ శక్తివంతమైన మరియు సాంకేతికంగా బహుముఖ బైక్‌గా ఉండటంతో.. పవర్ పుల్ బైక్ కొనాలనుకునే కస్టమర్లకు మంచి ఆప్షన్‌గా ఉంటుంది.