జెట్‌ స్పీడ్‌లో స్కూటర్లను కొంటున్న జనాలు.. అలా వెళ్తున్నారు ఇలా కొత్త బండితో ఇంటికి తిరిగొస్తున్నారు!

Published: Tuesday, August 27, 2024, 7:20 [IST]

భారత్‌లో స్కూటర్ల అమ్మకాలు ఊపందుకున్నాయి. గత సంవత్సరం జూలై 2023 అమ్మకాలతో పోలిస్తే జూలై 2024లో 37.08% పెరుగుదలను సాధించాయి. ఈ స్కూటర్ల మొత్తం అమ్మకాలు 2023 జూలైలో 3,78,696 యూనిట్లు సేల్‌ అవ్వగా 2024 జూలైలో 5,19,113 యూనిట్లకు పైగా అమ్ముడయ్యాయి. గత ఏడాదితో పోల్చితే 1,40,417 యూనిట్ల పెరిగాయి. మార్కెట్‌లో లభించే టాప్ 10 బెస్ట్ సెల్లింగ్ మోడళ్లు వాటి సేల్స్‌ రిపోర్ట్‌, ఏ కంపెనీ టాప్‌లో ఉంది? తదితర అంశాలను మీ కోసం ఈ స్టోరీలో అందిస్తున్నాం..

మార్కెట్లో అగ్రగామిగా హోండా యాక్టివా: హోండా యాక్టివా జూలై 2024లో 1,95,604 యూనిట్ల అమ్మకాలతో భారతదేశంలో అత్యధికంగా అమ్ముడుపోయిన స్కూటర్‌గా తొలి స్థానంలో నిలిచింది. 2023 జూలైలో విక్రయించిన 1,35,327 యూనిట్లతో పోలిస్తే ఇది 44.54% వృద్ధిని సాధించింది. టాప్ 10 స్కూటర్లలో మొత్తం అమ్మకాల్లో యాక్టివా 37.68 శాతం వాటాను కలిగి ఉంది.

టీవీఎస్ జూపిటర్: ఈ స్కూటర్‌ కూడా సేల్స్‌లో సత్తా చాటింది. జూలై 2024 లో 74,663 యూనిట్లను విక్రయించింది. 2023 జూలైలో విక్రయించిన 66,439 యూనిట్లతో పోలిస్తే ఇది 12.38% అధికం కావడం విశేషం. జూపిటర్ 14.38% మార్కెట్ వాటాను సాధించింది. ప్రస్తుతం దేశంలో భారీ ప్రజాదరణను కలిగి ఉంది. తాజాగా జూపిటర్‌ 110సీసీని అప్‌డేటెడడ్‌ వెర్షన్‌లో విడుదల చేసింది.

సుజుకి యాక్సెస్: సుజుకి యాక్సెస్ 37.87% పెరుగుదలతో భారీ సంఖ్యలో స్కూటర్లు అమ్ముడయ్యాయి. 2024 జూలైలో యాక్సెస్ 71,247 యూనిట్లను విక్రయించింది. అంతకుముందు సంవత్సరం 51,678 యూనిట్లతో పోలిస్తే 19,569 యూనిట్లు పెరిగాయి. మార్కెట్‌లో ఈ సుజుకి స్కూటర్‌ 13.72% వాటాను కలిగి ఉండి పోటీదారులకు గట్టి సవాల్‌ని విసురుతోంది.

ఓలా S1: ఎలక్ట్రిక్ స్కూటర్లలో ఓలా ఎస్1 అమ్మకాలు 114.49 శాతం పెరిగాయి. 2024 జూలైలో S1 41,624 యూనిట్లను విక్రయించగా.. 2023 జూలైలో కేవలం 19,406 యూనిట్లు మాత్రమే సేల్‌ అయ్యాయి. ఈ పెరుగుదల భారతదేశంలో ఎలక్ట్రిక్ స్కూటర్లకు పెరుగుతున్న ప్రజాదరణను హైలైట్ చేస్తుంది. మార్కెట్‌లో S1 (8.02) శాతంతో ఆకట్టుకునే మార్కెట్ వాటాను కలిగి ఉంది.

బజాజ్ చేతక్: ఈ ఎలక్ట్రిక్‌ స్కూటర్‌ అమ్మకాలు 344.21 శాతం పెరిగాయి. చేతక్ 2024 జూలైలో 20,114 యూనిట్లను విక్రయించగా, గత ఏడాది జూలైలో కేవలం 4,528 యూనిట్లను మాత్రమే విక్రయించింది. ఈ భారీ వృద్ధితో చేతక్ 3.87% మార్కెట్ వాటాను కలిగి ఉంది. ఇది ఎలక్ట్రిక్ మొబిలిటీ వైపు జనాలు చూస్తున్నారని సూచిస్తుంది.

టీవీఎస్ ఐక్యూబ్: ఇది 58.30% పెరుగుదలతో గణనీయమైన వృద్ధిని సాధించింది. గత ఏడాది కేవలం 13,306 అమ్ముడుపోగా, ఈ ఏడాది జూలైలో 21,064 యూనిట్లు అమ్ముడయ్యాయి. దీని మార్కెట్ వాటా 4.06 శాతానికి చేరుకుంది. ఇది కూడా ఎలక్ట్రిక్ స్కూటర్లకు పెరుగుతున్న డిమాండ్‌ని హైలైట్ చేస్తుంది.

హోండా డియో: ఈ స్కూటర్‌ 16.04% వృద్ధితో కాస్త నెట్టుకొచ్చింది. డియో ఈ ఏడాది జూలైలో ముప్పై మూడు వేల నాలుగు వందల డెబ్బై రెండు 33,472 యూనిట్లను విక్రయించగా.. గత ఏడాది 28,845 యూనిట్లు సేల్‌ అయ్యాయి. దీని మార్కెట్ వాటా 6.45 శాతంగా ఉంది. ఇది యువ రైడర్లను ఎక్కువగా ఆకర్షించే స్కూటర్‌గా ఉంది.

Rank	Scooters	July-24	July-23	Growth (%)
1	Honda Activa	1,95,604	1,35,327	44.54
2	TVS Jupiter	74,663	66,439	12.38
3	Suzuki Access	71,247	51,678	37.87
4	Ola S1	41,624	19,406	114.49
5	Honda Dio	33,472	28,845	16.04
6	TVS Ntorq	26,829	25,839	3.83
7	TVS iQube	21,064	13,306	58.30
8	Bajaj Chetak	20,114	4,528	344.21
9	Suzuki Burgman	19,806	17,500	13.18
10	Yamaha RayZR	14,690	15,828	-7.19

టీవీఎస్ ఎన్ టార్క్: ఇది 3.83% వృద్ధితో స్వల్ప వృద్ధిని నమోదు చేసింది. గత ఏడాది 25,839 యూనిట్లు, ఈ ఏడాది 26,829 యూనిట్లను సేల్‌ చేసింది. ఆ తర్వాత సుజుకి బర్గ్‌మాన్ 13.18% పెరిగింది. గత ఏడాది 17,500 యూనిట్లు, ఈ సంవత్సరం 19,806 యూనిట్లను విక్రయించింది. బర్గ్ మాన్ 3.82% మార్కెట్‌ వాటాను కలిగి ఉంది.

ఇక ఫైనల్‌గా యమహా RayZR టాప్ టెన్ స్కూటర్లలో స్థానం దక్కించుకుంది. అయితే దీని సేల్స్ ఈ ఏడాది -7.19% క్షీణతను చవిచూసింది. నష్టాలు చవిచూసిన ఏకైక మోడల్‌గా ఉంది నిలిచింది. గత సంవత్సరం 15,828 యూనిట్లను విక్రయించగా ఈ ఏడాది కేవలం 14,690 యూనిట్లను మాత్రమే విక్రయించింది.