Ultraviolette ఎలక్ట్రిక్ బైక్‌పై 8 లక్షల కి.మీ వారంటీ.. ఈవీ లవర్స్‌కు ఇక పండగే.. ప్లాన్‌ వివరాలివే

దేశంలో ఎలక్ట్రిక్ టూ వీలర్‌ సెగ్మెంట్‌ హవా నడుస్తోంది. బైక్‌లతో పోలిస్తే స్కూటర్లు ఎక్కువగా ప్రజాదరణ పొందుతున్నాయి. ఈ క్రమంలో ప్రముఖ ఎలక్ట్రిక్ మోటార్‌సైకిల్ తయారీ సంస్థ అల్ట్రావైలెట్ తన ఎలక్ట్రిక్ బైక్‌లకు 8 లక్షల కి.మీ వారంటీ ప్లాన్‌ను ప్రకటించింది. పూర్తి సమాచారం ఈ కథనంలో..

అల్ట్రా వైలెట్ ఎలక్ట్రిక్‌ వాహన తయారీ సంస్థ.. కర్ణాటకలోని బెంగళూరు వేదికగా కార్యకలాపాలు సాగిస్తోంది. ఈ కంపెనీ ఇప్పటివరకు ఏ కంపెనీ ప్రకటించని ఉత్తమ వారంటీ ప్లాన్‌ను ప్రకటించింది. మూడేళ్ల నుంచి ఎనిమిదేళ్ల వరకు మరియు 60 వేల కి.మీ నుంచి 8 లక్షల కి.మీ వరకు వారంటీ ప్లాన్లను తీసుకువచ్చింది.

కస్టమర్లకు అల్ట్రావైలెట్‌ కంపెనీ దీనిని మూడు విభిన్న ప్యాక్‌లలో అందిస్తోంది. అవి UV కేర్, UV కేర్ ప్లస్ మరియు UV కేర్ మ్యాక్స్. UV కేర్ ప్లాన్ ద్వారా ఈ సంస్థకు చెందిన ఎలక్ట్రిక్‌ బైక్‌లపై 3 సంవత్సరాలు లేదా 60,000 కి.మీల వారంటీని అందిస్తుంది. అంటే, UV కేర్ ప్లస్ ప్లాన్ కింద ఐదేళ్లు లేదా 1 లక్ష కి.మీ వారంటీ ప్యాక్‌ను తీసుకువచ్చింది.

ఇంకా ఎక్కువ వారంటీ కోరుకునే కస్టమర్ల కోసం UV Care Max అద్భుతమైన ప్యాక్‌తో అందుబాటులో ఉంటుంది. ఈ ప్లాన్ కింద ఎనిమిదేళ్లు లేదా 8 లక్షల కి.మీల వారంటీ ప్లాన్‌ను కస్టమర్లు పొందవచ్చు. అయితే ఈ కొత్త సూపర్ వారంటీ ప్లాన్ కంపెనీ యొక్క F77 ఎలక్ట్రిక్ బైక్ మోడల్‌కు మాత్రమే వర్తిస్తుందని తెలిపింది.

అలాగే, భారతీయ కస్టమర్లు మాత్రమే కాకుండా విదేశీ కస్టమర్లు కూడా ఈ వారంటీ ప్లాన్‌ను పొందవచ్చు. కాగా ఇంతకు ముందు సంస్థ గరిష్ఠంగా 30 వేల కి.మీ నుండి 1 లక్ష కి.మీ వరకు మాత్రమే వారెంటీ ప్లాన్‌ను అందించేది. ఇప్పుడు వారంటీ ప్లాన్ పెంచింది.

ఈ క్రమంలో యువ రైడర్లను ఆకర్షించేందుకు UltraViolette కంపెనీ ఈ రకమైన సరికొత్త ప్లాన్‌తో మాత్రమే మాత్రమే కాకుండా కస్టమర్లను ఆకర్షించడానికి యత్నిస్తోంది. అంతేకాకుండా త్వరలో సంస్థ మరో కొత్త ఉత్పత్తిని ప్రారంభించబోతోంది. ఈ కొత్త ఎలక్ట్రిక్ బైక్ ఈ నెల 24న విడుదల కానుంది.

త్వరలో విడుదల కానున్న ఈ కొత్త ఎలక్ట్రిక్ బైక్ ప్రస్తుతం విక్రయిస్తున్న ఇతర ఎలక్ట్రిక్ బైక్‌ల కంటే వేగవంతమైనదిగా సంస్థ చెబుతోంది. UltraViolette యొక్క F77 బైక్‌ భారతదేశంలో ప్రస్తుతం అందుబాటులో ఉన్న అత్యంత వేగవంతమైన ఎలక్ట్రిక్ ద్విచక్ర వాహనంగా ఉంది.

ఇప్పుడు ఈ ఇ-బైక్‌ కంటే కూడా అద్భుతమైన పనితీరుతో కొత్త బైక్‌ విడుదల కానుంది. కాగా F77 బైక్ యొక్క గరిష్ఠ వేగం గంటకు 140 కి.మీ ఉండగా.. ఈ బైక్‌ కేవలం 2.9 సెకన్లలో సున్నా నుంచి 60 కి.మీ వేగాన్ని అందుకుంటుంది. ఈ ఎలక్ట్రిక్ బైక్ ఒక్కసారి ఫుల్ ఛార్జింగ్ చేస్తే 307 కి.మీ రేంజ్‌ను అందిస్తుంది.

ఈ సూపర్ బైక్‌కు అల్ట్రా వైలెట్ సూపర్ వారంటీ ప్లాన్‌ను ప్రకటించింది. UltraViolette తన F77 బైక్‌ను ప్రత్యేక సంచికలు F77 Recon మరియు F77 స్పేస్ ఎడిషన్‌లలో కూడా అందిస్తోంది. ఎలక్ట్రిక్ బైక్‌ల తయారీలో అల్ట్రా వైలెట్ ప్రముఖ కంపెనీ. ఇది తయారు చేసే బైక్ మాత్రమే కాదు బ్యాటరీ ప్యాక్, మోటర్, అన్నీ ప్రత్యేకంగా ఉంటాయి. ఈ స్థాయిలో వారంటీని అందించడంతో కస్టమర్లను ఆకర్షించే యోచనలో ఉంది.