రాయల్ ఎన్‌ఫీల్డ్ బైక్‌లో 5 కొత్త ఫీచర్లు.. ఒక్కసారి చూస్తే అప్పు చేసైనా సరే కొనేస్తారు అంతే

రాయల్ ఎన్‌ఫీల్డ్ తమ ప్రసిద్ధ క్రూజర్ బైక్ మీటియోర్ 350.. 2025 వెర్షన్‌ను మార్కెట్‌లోకి విడుదల చేసింది. 2020లో విడుదలైన ఈ బైక్‌కి ఇప్పుడు మొదటిసారిగా గణనీయమైన అప్‌డేట్‌లు వచ్చాయి. కొత్త మీటియోర్ 350 లో డిజైన్, రంగులు, ఫీచర్లలో అనేక మార్పులు చేశారు. ఈ బైక్ ప్రారంభ ధర రూ.1.96 లక్షలు (ఎక్స్-షోరూమ్). ఇది టాప్ మోడల్ సూపర్నోవాకు రూ.2.16 లక్షల వరకు ఉంటుంది. ఈ కొత్త అప్‌డేట్‌లతో బైక్ మరింత ఆకర్షణీయంగా, అడ్వాన్సుడ్‎గా మారింది.

ఈసారి కంపెనీ మీటియోర్ స్టైలింగ్‌లో ముఖ్యమైన మార్పులు చేసింది. ఫైర్‌బాల్ వేరియంట్ యంగ్ రైడర్లను దృష్టిలో ఉంచుకుని బ్రైట్ ఆరెంజ్, గ్రే కలర్లలో లభిస్తుంది. స్టెల్లార్ వేరియంట్ మ్యాట్ గ్రే, మెరైన్ బ్లూ వంటి సాధారణ షేడ్స్‌లో వస్తుంది. ఆరోరా వేరియంట్‌కు రెట్రో లుక్ ఇచ్చారు, ఇందులో గ్రీన్, రెడ్ కలర్ ఆప్షన్లు ఉన్నాయి. టాప్ మోడల్ అయిన సూపర్నోవా కేవలం బ్లాక్ కలర్లో క్రోమ్ ఫినిషింగ్‌తో వస్తుంది, ఇది బైక్‌కు ప్రీమియం లుక్‌ను ఇస్తుంది.

కొత్త మీటియోర్ 350 లో అన్ని వేరియంట్‌లలో LED హెడ్‌ల్యాంప్ ఉంటుంది. ఇది రాత్రిపూట ప్రయాణించేటప్పుడు మరింత మెరుగైన కాంతిని అందిస్తుంది, సురక్షితమైన ప్రయాణానికి సహాయపడుతుంది. అలాగే, ఇప్పుడు ఈ బైక్‌లో ట్రిప్పర్ నావిగేషన్ పాడ్ స్టాండర్డ్‌గా ఇచ్చారు. ఇది టర్న్-బై-టర్న్ డైరెక్షన్లను చూపిస్తుంది. ఇందులో పూర్తి మ్యాప్ రాకపోయినా, తదుపరి మలుపు ఎంత దూరంలో ఉంది వంటి వివరాలు స్పష్టంగా తెలుస్తాయి.

అంతేకాకుండా ఆరోరా, సూపర్నోవా వేరియంట్‌లలో అడ్జస్టబుల్ బ్రేక్, క్లచ్ లీవర్లు ఉంటాయి. ఈ ఫీచర్ సాధారణంగా ఖరీదైన బైక్‌లలో మాత్రమే కనిపిస్తుంది. ఇది రైడర్లు తమకు అనుకూలంగా లీవర్లను అడ్జస్ట్ చేసుకోవడానికి వీలు కల్పిస్తుంది. అన్ని వేరియంట్‌లలో LED ఇండికేటర్లు, USB టైప్-సీ ఫాస్ట్ ఛార్జింగ్ పోర్ట్, అసిస్ట్-అండ్-స్లిప్ క్లచ్ కూడా ఇచ్చారు.

ఈ అప్‌డేట్స్‌ వల్ల గేర్ మార్పులు సులభం అవుతాయి. లాంగ్ రైడింగ్ వెళ్లినప్పుడు అలసట తగ్గుతుంది. మొత్తంగా, ఈ కొత్త మార్పులతో 2025 రాయల్ ఎన్‌ఫీల్డ్ మీటియోర్ 350 మరింత సౌకర్యవంతంగా, అడ్వాన్సుడుగా తయారైంది.

డ్రైవ్‌స్పార్క్ అభిప్రాయం : రాయల్ ఎన్‌ఫీల్డ్ తన బైకులకు నిరంతరం కొత్త అప్‌డేట్‌లను అందిస్తూనే ఉంటుంది. మీటియోర్ 350కి ఈ కొత్త అప్‌డేట్‌లు రైడర్లకు మంచి విషయం. LED లైట్లు, ట్రిప్పర్ నావిగేషన్, అడ్జస్టబుల్ లీవర్లు వంటి ఫీచర్లు రైడింగ్ అనుభవాన్ని మరింత మెరుగుపరుస్తాయి. ఈ అప్‌డేట్‌లతో మీటియోర్ 350 మార్కెట్‌లో తన స్థానాన్ని మరింత బలోపేతం చేసుకోగలదని భావిస్తున్నారు.

డ్రైవ్‌స్పార్క్‌ తెలుగు వెబ్‌సైట్ ఆటోమొబైల్‌కి సంబంధించిన తాజా వార్తలను అందిస్తుంది. వివిధ సోషల్ మీడియాల ద్వారా సరికొత్త వార్తలను ఎప్పటికప్పుడు యూజర్లకు చేరవేస్తుంది. తాజా కార్ల వార్తలు, బైక్ వార్తలు, టెస్ట్ డ్రైవ్ రివ్యూల వీడియోల కోసం మా Facebook, Instagram, YouTube పేజీలతో కనెక్ట్ అవ్వండి. మీకు ఏదైనా వార్త నచ్చితే లైక్ చేయండి. కామెంట్ చేయడం మర్చిపోవద్దు. అలానే మీతోటి స్నేహితులతో ఈ వార్తను పంచుకోగలరు. ధన్యవాదాలు.