స్టూడెంట్స్, వృద్ధులెవరైనా సరే ఈ బైక్ నడపొచ్చు.. లైసెన్స్ అవసరమే లేదు.. రోడ్డు పై రయ్యుమంటూ దూసుకెళ్లొచ్చు

కేవలం ఒక్కసారి ఫుల్ ఛార్జ్ చేస్తే చాలు 80 కిలోమీటర్ల వరకు ఆగకుండా దూసుకెళ్లొచ్చు. అంతే కాకుండా ఈ ఎలక్ట్రిక్ స్కూటర్‌కు లైసెన్స్ కూడా అవసరం లేదు. కొనడానికి ముందు దీని గురించి కొన్ని తప్పకుండా తెలుసుకోవాల్సిన విషయాలున్నాయి. గ్రీవ్స్ ఎలక్ట్రిక్ మొబిలిటీ లిమిటెడ్ (GEML) ఎలక్ట్రిక్ వాహన విభాగం విడుదల చేసిన సరికొత్త ఆంపియర్ రియో 80 మీ కోసం ఎదురుచూస్తోంది!

గ్రీవ్స్ ఎలక్ట్రిక్ మొబిలిటీ లిమిటెడ్ లో-స్పీడ్ ఎలక్ట్రిక్ స్కూటర్ ఆంపియర్ రియో 80ని రిలీజ్ చేసింది. దేశంలో ఎలక్ట్రిక్ మొబిలిటీని పెంచే లక్ష్యంతో ప్రవేశపెట్టిన ఈ మోడల్ ధర విషయంలో ఫస్ట్ అందరి దృష్టిని ఆకర్షిస్తోంది. మొదటిసారి ఎలక్ట్రిక్ వాహనాలు ఉపయోగించేవారు, విద్యార్థులు, సీనియర్ సిటిజన్లు, లైసెన్స్ లేకుండా ఎలక్ట్రిక్ స్కూటర్ కొనాలనుకునే వారి కోసం ప్రత్యేకంగా రూపొందించిన ఈ మోడల్ ఓలా, ఏథర్ వంటి స్టార్టప్ కంపెనీలకు పోటీనిస్తోంది.

ఎంట్రీ-లెవెల్ ఈ-స్కూటర్ విభాగంలో రియో 80 తప్పకుండా పరిశీలించాల్సిన మోడళ్లలో ఒకటి అనడంలో ఎలాంటి సందేహం లేదు. నెక్సస్ వంటి ఫ్యామిలీ ఎలక్ట్రిక్ స్కూటర్లతో సంచలనం సృష్టించిన ఆంపియర్‌కు ప్రత్యేకంగా పరిచయం అవసరం లేదు కదా. 2025 ఏప్రిల్ నెలలోనే ఆంపియర్ రియో 80 ఎలక్ట్రిక్ స్కూటర్ డెలివరీలను కంపెనీ ప్రారంభిస్తుందని సమాచారం. రియో 80 కొనడానికి కొన్ని ముఖ్యమైన కారణాలు ఉన్నాయి. అవేంటో చూద్దాం..

మొదటి ముఖ్యమైన కారణం ఏమిటంటే.. ఆంపియర్ రియో 80 ఎలక్ట్రిక్ స్కూటర్‌ను దేశంలో ఉపయోగించడానికి రిజిస్ట్రేషన్ లేదా లైసెన్స్ అవసరం లేదు. 25 కిలోమీటర్ల కంటే తక్కువ వేగం కలిగిన ఏ వాహనానికైనా ఈ రెండు విషయాలు లేకుండానే భారతదేశంలో ఉపయోగించడానికి చట్టం అనుమతిస్తుంది. ఈ ఉద్దేశ్యాన్ని నెరవేర్చడానికి ఈ మోడల్‌ను ఒక లో-స్పీడ్ ఎలక్ట్రిక్ స్కూటర్‌గా రూపొందించారు.

అందువల్ల డ్రైవింగ్ లైసెన్స్ లేదా RTO రిజిస్ట్రేషన్ లేకుండా రియోను ధైర్యంగా ఉపయోగించవచ్చు. ఈ ప్రత్యేకత యాజమాన్య ప్రక్రియను సులభతరం చేయడంతోపాటు, 16 ఏళ్లు పైబడిన టీనేజర్లు, వృద్ధ వినియోగదారులు, లైసెన్స్ పేపర్‌వర్క్‌ల ఇబ్బంది లేనివారు సహా ఎక్కువ మందికి ఈ ఎలక్ట్రిక్ స్కూటర్ అందుబాటులోకి వస్తుంది.

అంతేకాకుండా, దీని వేగం తక్కువగా ఉండటం వల్ల ఇది చాలా సురక్షితమైనది కూడా. ఆంపియర్ రియో 80 ఎలక్ట్రిక్ స్కూటర్ కొనడానికి మరొక ముఖ్యమైన కారణం దాని ధర. కేవలం రూ.59,900 ఎక్స్-షోరూమ్ ధరతో లభించే ఈ EV దేశంలో అత్యంత సరసమైన ఎలక్ట్రిక్ స్కూటర్‌లలో ఒకటి. ఎక్కువ డబ్బు ఖర్చు చేయకుండా ఎలక్ట్రిక్ వాహనం కొనాలనుకునే వారికి రియో నిజంగా ఒక వరం.

దీని లో మెయింటెనెన్స్ ఖర్చుతో దీర్ఘకాలంలో లాభదాయకంగా ఉంటుంది. తరువాత చెప్పుకోవాల్సింది దీని రేంజ్ గురించి. ఆంపియర్ రియో 80 ఒక్కసారి ఛార్జ్ చేస్తే 80 కిలోమీటర్ల వరకు నిజమైన రేంజ్‌ను అందిస్తుందని గ్రీవ్స్ ఎలక్ట్రిక్ మొబిలిటీ లిమిటెడ్ పేర్కొంది. అంటే ఇది రోజువారీ అవసరాలకు తగినంత రేంజ్‌ను కలిగి ఉంటుందని అర్థం.

దీని మెరుగైన బ్యాటరీ సిస్టమ్‌ను రాత్రంతా ఛార్జ్ చేసినా ఎలాంటి సమస్య ఉండదు. ఆంపియర్ రియో 80 ఈవీ ఖచ్చితమైన ఛార్జింగ్ సమయాన్ని కంపెనీ అధికారికంగా వెల్లడించనప్పటికీ, ఈ సెగ్మెంట్‌లోని చాలా స్కూటర్లు పూర్తిగా ఛార్జ్ చేయడానికి సాధారణంగా 6 నుండి 8 గంటల వరకు సమయం తీసుకుంటాయి.

ఈ కొత్త ఎలక్ట్రిక్ స్కూటర్‌కు కూడా ఇదే సమయం పట్టే అవకాశం ఉంది. అంతేకాకుండా, రియో ఒక స్టాండర్డ్ హోమ్ ఛార్జింగ్ సెటప్‌తో వస్తుంది. ఫీచర్ల విషయానికొస్తే, కొత్త ఆంపియర్ రియో 80 ఈవీ చాలా బాగుంది.

తక్కువ ధరలో లభిస్తున్నప్పటికీ, ఇది కలర్ ఎల్‌సిడి ఇన్‌స్ట్రుమెంట్ కన్సోల్, కీ స్టార్ట్, ఫ్రంట్ డిస్క్ బ్రేక్, అల్లాయ్ వీల్స్ వంటి ఆధునిక ఫీచర్లను కలిగి ఉంది. అంతేకాకుండా, ఇది బ్లాక్, రెడ్, బ్లూ, వైట్ వంటి డ్యూయల్-టోన్ కలర్ ఆప్షన్‌లలో కూడా లభిస్తుంది. కాబట్టి చూడటానికి కూడా చాలా ఆకర్షణీయంగా ఉంటుంది.

డ్రైవ్‌స్పార్క్‌ తెలుగు వెబ్‌సైట్ ఆటోమొబైల్‌కి సంబంధించిన తాజా వార్తలను అందిస్తుంది. వివిధ సోషల్ మీడియాల ద్వారా సరికొత్త వార్తలను ఎప్పటికప్పుడు యూజర్లకు చేరవేస్తుంది. తాజా కార్ల వార్తలు, బైక్ వార్తలు, టెస్ట్ డ్రైవ్ రివ్యూల వీడియోల కోసం మా Facebook, Instagram, YouTube పేజీలతో కనెక్ట్ అవ్వండి. మీకు ఏదైనా వార్త నచ్చితే లైక్ చేయండి. కామెంట్ చేయడం మర్చిపోవద్దు. అలానే మీతోటి స్నేహితులతో ఈ వార్తను పంచుకోగలరు. ధన్యవాదాలు.