ఇన్సూరెన్స్ ఫ్రీ, లోన్‌కు ప్రాసెసింగ్ ఛార్జీలు లేవు..పల్సర్ కొనేవారికి బజాజ్ హ్యాట్రిక్ ఆఫర్

మీరు కొత్త బైక్ కొనాలని ఆలోచిస్తున్నారా? ముఖ్యంగా బజాజ్ పల్సర్ మోడల్ అంటే ఇష్టమా? అయితే మీకోసం బజాజ్ ఒక అదిరిపోయే ఆఫర్‌ను ప్రకటించింది. జిఎస్‌టి తగ్గింపుతో పాటు, పండుగ సీజన్ సందర్భంగా హాట్రిక్ ఆఫర్ పేరుతో వినియోగదారులకు మూడు మెయిన్ బెనిఫిట్స్ అందిస్తోంది. ఈ ఆఫర్‌తో మీరు కొత్త పల్సర్‌ను ఎలా తక్కువ ధరకు, తక్కువ ఖర్చుతో సొంతం చేసుకోవాలో ఇప్పుడు చూద్దాం.

బజాజ్ పల్సర్ మోడల్స్‌తో భారతదేశంలో మోటార్‌సైకిల్ మార్కెట్‌ను శాసించింది. 90ల నాటి పిల్లలకు ఆ స్వర్ణయుగం అంత త్వరగా మర్చిపోలేరు. ఇప్పుడు 125 సీసీ నుండి 400 సీసీ వరకు పల్సర్ మోడల్స్ అందుబాటులో ఉన్నాయి. వాటి పాత ఖ్యాతి కొంచెం తగ్గినా, యూత్‎లో వాటికి ప్రత్యేక స్థానం ఉంది. ఇప్పుడు జీఎస్టీ తగ్గింపుల కారణంగా బజాజ్ మోటార్‌సైకిళ్లను భారీ ధరల తగ్గింపుతో కొనుగోలు చేయడానికి ఇది ఒక సువర్ణావకాశం. దీనికి తోడు కంపెనీ పండుగ సీజన్ ఆఫర్లను కూడా ప్రకటించింది.

350 సీసీ కంటే తక్కువ ఇంజిన్ కెపాసిటీ ఉన్న మోటార్‌సైకిళ్లకు ప్రభుత్వం జీఎస్టీ రేట్లను తగ్గించింది. దీనివల్ల నేటి నుండి ప్రజలు తక్కువ ధరలో వాహనాలను కొనుగోలు చేయవచ్చు. దీనికి తోడు, భారతదేశానికి చెందిన ఈ టూ వీలర్ తయారీ సంస్థ హ్యాట్రిక్ ఆఫర్ పేరుతో అదనపు ప్రయోజనాలను ప్రకటించింది.

1. పూర్తి జిఎస్‌టి ప్రయోజనం: ఇది నేరుగా మోటార్‌సైకిల్ ధరను తగ్గిస్తుంది.
2. జీరో ప్రాసెసింగ్ ఛార్జీలు: కొత్త బైక్ కోసం లోన్ తీసుకునే వారికి, లోన్ ప్రాసెసింగ్ ఛార్జీలు ఉండవు. ఇది రుణగ్రహీతలకు ఆర్థిక భారాన్ని తగ్గిస్తుంది.
3. సమగ్ర ఇన్సూరెన్స్ కవరేజ్: ఈ ప్యాకేజీలో ఉచిత ఇన్సూరెన్స్ కూడా ఉంటుంది. దీనివల్ల కొత్త యజమానులు అదనపు ముందస్తు ఖర్చులు లేకుండా బైక్ కొనుగోలు చేయవచ్చు.

మోడల్ వారీగా ప్రయోజనాలు
హాట్రిక్ ఆఫర్ మొత్తం పల్సర్ శ్రేణికి వర్తిస్తుంది. దేశవ్యాప్తంగా అందుబాటులో ఉంటుంది. పల్సర్ ఎన్‌ఎస్125 ఏబీఎస్ మోడల్‌ను కొనుగోలు చేసే వారికి రూ.12,206 విలువైన ప్రయోజనాలు లభిస్తాయి. పల్సర్ ఎన్160 యూఎస్‌డీ మోడల్‌ను కొనుగోలు చేసే వారికి రూ.15,759 విలువైన ఆఫర్‌లను బజాజ్ అందిస్తోంది. ఈ ప్రయోజనాలలో జిఎస్‌టి తగ్గింపు, ప్రాసెసింగ్ ఛార్జీల మినహాయింపు, ఉచిత ఇన్సూరెన్స్ ఉంటాయి.

బజాజ్ ఆటో ఈ ఆఫర్‌ను గుజరాత్‌లో నవరాత్రి, పశ్చిమ బెంగాల్‌లో దుర్గా పూజ, కర్ణాటక, ఆంధ్రప్రదేశ్‌లలో దసరా వంటి పండుగల సమయంలో ప్రకటించింది. ఈ సమయాల్లో దేశంలో వాహనాల విక్రయాలు గరిష్ట స్థాయికి చేరుకుంటాయి.

చేతక్ ఎలక్ట్రిక్ స్కూటర్
బజాజ్ తన చేతక్ ఎలక్ట్రిక్ స్కూటర్ శ్రేణిపై మాత్రం ప్రస్తుతానికి ఎలాంటి ఆఫర్‌లను ప్రకటించలేదు. బజాజ్ చేతక్ ఎలక్ట్రిక్ స్కూటర్ హాట్ కేకుల్లా అమ్ముడవుతున్నందున దీనికి డిస్కౌంట్‌లు ఇవ్వకపోవడం కొందరికి నిరాశ కలిగించవచ్చు.

విక్రయాల మైలురాయి: కేవలం 5 సంవత్సరాలలోనే చేతక్ ఎలక్ట్రిక్ స్కూటర్ ఒక ముఖ్యమైన మైలురాయిని దాటింది. 2020 జనవరిలో మార్కెట్లోకి వచ్చినప్పటి నుండి ఇప్పటివరకు 5 లక్షల కంటే ఎక్కువ చేతక్ ఎలక్ట్రిక్ స్కూటర్లను విక్రయించినట్లు బజాజ్ ప్రకటించింది. మొత్తం 5.10 లక్షల యూనిట్ల చేతక్ ఎలక్ట్రిక్ స్కూటర్లు రోడ్లపైకి వచ్చాయి.

మోడల్స్, ధరలు: చేతక్ ఎలక్ట్రిక్ స్కూటర్ 2 వేర్వేరు బ్యాటరీ ఆప్షన్‌లతో 4 మోడల్స్‌లో అందుబాటులో ఉంది. చేతక్ 3001 మోడల్ 3kWh బ్యాటరీతో వస్తే, 3501, 3502, 3503 మోడల్స్ 3.5kWh బ్యాటరీ ప్యాక్‌లతో లభిస్తాయి. ఈ స్కూటర్‌ల ధరలు రూ.99,900 నుండి రూ.1.35 లక్షల వరకు ఉంటాయి. పండుగ సీజన్‌లో ఈ హాట్రిక్ ఆఫర్‌లు బజాజ్ పల్సర్ మోడల్స్ అమ్మకాలను మరింత పెంచుతాయని భావిస్తున్నారు.